ວິທີລຸດພາວະໂລກຮ້ອນ
ການລຸດພາວະໂລກຮ້ອນເປັນສິ່ງ ທີ່ທຸກຄົນຈະຕ້ອງຊ່ວຍກັນເຮັດ ເຮົາທຸກຄົນກໍຕ່າງມີສ່ວນທີ່ເຮັດໃຫ້ເກີດບັນຫານີ້ຂຶ້ນ ເພາະພຽງແຕ່ເຮົາຫາຍໃຈຢູ່ເສີຍ ໆກໍປ່ອຍອາຍກາກອອກມາແລ້ວ ຍັງບໍ່ລວມເຖິງກິດຈະກຳຕ່າງ ໆຫລວງຫລາຍທີ່ເຮົາເຮັດຢູ່ທຸກ ໆມື້ ເຖິງເວລາທີ່ເຮົາຄວນເຊົາຄິດວ່າພາວະໂລກຮ້ອນບໍ່ແມ່ນໜ້າທີ່ຂອງເຮົາ ແລ້ວຫັນມາຮ່ວມມືກັນ.. ມາເປັນສ່ວນຫນຶ່ງໃນການແກ້ບັນຫາໂລກຮ້ອນກັນ.
ຖ້າທ່ານຄິດວ່າການລຸດພາວະໂລກຮ້ອນນັ້ນ ມັນເຮັດໄດ້ຍາກ ຫລືຄິດວ່າທ່ານຄົນດຽວຊ່ວຍໂລກບໍ່ໄດ້ ຫລືວ່າຈະເຮັດຕອນນີ້ມັນກໍບໍ່ມີຫຍັງດີຂຶ້ນແລ້ວ ທ່ານກຳລັງຄິດຜິດ ທຸກຢ່າງທີ່ເຮົາເຮັດຈະສົ່ງຜົນດີີຕໍ່ໂລກ ແລະມັນຍັງມີເວລາຢູ່ ຖ້າບໍ່ເລີ່ມທີ່ຕົວເຮົາກ່ອນກໍບໍ່ຮູ້ຈະໃຫ້ໄປເລີ່ມຈາກບ່ອນໃດ ພຽງແຕ່ເຮົາປັບປ່ຽນພຶດຕິກຳບາງຢ່າງຂອງເຮົາເຮັດຢູ່ໃນມື້ໜຶ່ງໆ ກໍສາມາດຊ່ວຍລຸດພາວະໂລກຮ້ອນໄດ້ແລ້ວ ຈະຍົກຕົວຢ່າງໃຫ້ເບິ່ງຈັກກ 10 ຂໍ້ ເຊື່ອວ່າມັນໃກ້ໂຕທຸກທ່ານຫລາຍ ແລະສາມາດລົງມືເຮັດໄດ້ເລີຍ.
ປັບ Desktop Wallpaper ຂອງທ່ານໃຫ້ເປັນສີເຂເຂັ້ມ ຍິ່ງເປັນສີດຳເລີຍຍິ່ງດີ ເພາະວ່າມັນຈະປະຫຍັດໄຟຫລາຍກວ່າ ລວມໄປເຖິງ Screen Saver ກໍໃຫ້ຕັ້ງ Blank ໄວ້ ມັນຈະເປັນໜ້າຈໍດຳ ປິດຄອມພິວເຕີເມື່ອບໍ່ໄດ້ໃຊ້ງານ ເຊັ່ນ ພັກຕອນທ່ຽງ ແລະ ຕອນກັບເຮືອນ.
ໃຊ້ຜ້າເຊັດໜ້າ ແທນທີ່ຈະໃຊ້ເຈັ້ຍທິຊູ ປັດຈຸບັນນີ້ມີເຈ້ຍທິຊູມີຫຼາຍຮູບຫຼາຍແບບ ຫລາຍຄົນໃຊ້ມັນແທນຜ້າເຊັດໜ້າ ເພາະວ່າມັນສະດວກ ແລະຫໍ່ມັນກໍໜ້າຮັກ ແຕ່ທ່ານຮູ້ບໍ່ວ່າເຈັ້ຍທິຊູທີ່ພວກເຮົາເຫັນມີຂາຍຢູ່ທົ່ວໄປແມ່ນຜະລິດມາຈາກຕົ້ນໄມ້ ຍິ່ງໃຊ້ຫລາຍກໍຍິ່ງ ຕັດຕົ້ນໄມ້ຫຼາຍ ຖ້າບໍ່ຈຳເປັນກໍໃຫ້ໃຊ້ຜ້າເຊັດໜ້າດີກວ່າ ຮັກສາຕົ້ນໄມ້ໄວ້ເປັນປອດໃຫ້ກັບໂລກເຮົາດີກວ່າ.
ສາກແບດເຕີລີມືຖື ການ ສາກແບດເຕີລີມືຖືຂອງຄົນທົ່ວໆໄປເສຍພະລັງງານໄປໂດຍໄຮ້ປະໂຫຍດເຖິງ 95%. ເພາະວ່າມັກສຽບສາຍຄ້າງໄວ້ທັ້ງໆທີ່ແບດເຕັມແລ້ວ ທ່ານຮູ້ບໍໍ່ວ່າເຖິງແບດຈະເຕັມແລ້ວ. ແຕ່ວ່າຖ້າບໍ່ຖອດປັລກອອກມັນກໍຈະຍັງກິນໄຟຢູ່ ສະນັ້ນເວລາແບດເຕັມແລ້ວກໍຄວນຖອດສາຍປັລກອອກ ແຕ່ຖ້າຍັງສຽບໝໍ້ແປງກັບເຕົ້າສຽບຄ້າງໄວ້ມັນກໍຍັງກິນໄຟຢູ່ດີ ເພາະສະນັ້ນກໍໃຫ້ຖອດອອກໃຫ້ໝົດ.
ປະຫຍັດນ້ຳ ຢ່າໃຊ້ນ້ຳ ແບບສິ້ນເປືອງ ຖ້າມີໂອກາດໄດ້ປ່ຽນກ໋ອກຢູ່ເຮືອນ ຄວນໃຊ້ກ໋ອກນໍ້າແບບເພີ່ມຟອງອາກາດ ນ້ຳທີ່ໄຫລອອກມາຈະມີຟອງອາກາດອອກມາດ້ວຍເຮັດໃຫ້ເບິ່ງຄືນໍ້າຫຼາຍ ແຕ່ຈະປະຫຍັດກວ່າກ່ອກນໍ້າທໍາມະດາເຖິງເຄິ່ງໜຶ່ງ ເວລາໃຊ້ນ້ຳຢູ່ບ່ອນອື່ນບໍ່ແມ່ນເຮືອນເຮົາຄວນຈະປະຫຍັດ ຄິດວ່າບໍ່ແມ່ນຂອງເຮົາແລ້ວຈະເຮັດແນວໃດກໍ່ໄດ້ ຫລືເວລາໄປພັກຕາມໂຮງແຮມກໍຢ່າຄິດວ່າໃຊ້ໃຫ້ຄຸ້ມຄ່າເຊົ່າ ເພາະວ່າເຮັດແບບນີ້ແຫລະໂລກຈື່ງຮ້ອນ.
ປະຫຍັດໄຟ ປິດເຄື່ອງໃຊ້ ໄຟຟ້າທີ່ບໍ່ໄດ້ໃຊ້ແລະຖອດປລັກ ລວມໄປເຖິງຫລອດໄຟ ຖ້າມີໂອກາດກໍປ່ຽນຫລອດໄສ້ເປັນຫລອດປະຫຍັດໄຟ CFL ຫລອດພວກນີ້ຈະແພງກວ່າ ແຕ່ກໍປະຫຍັດໄຟຫລາຍກວ່າ ອາຍຸການໃຊ້ງານກໍດົນກວ່າຈະຄຸ້ມກວ່າແນ່ນອນ.
ລຸດໃຊ້ຖົງພລາສຕິກ ຖົງພາດຕິກເຮັດໃຫ້ເຮົາສະດວກຂຶ້ນກໍຈິງ ແຕ່ມັນເປັນໄພຕໍ່ໂລກຢ່າງຫລວງຫລາຍ ເວລາທີ່ບໍ່ຈຳເປັນກໍບໍ່ຕ້ອງໃຊ້ ແຕ່ຖ້າຕ້ອງໃຊ້ແທ້ໆກໍໃຫ້ຮັກສາໄວ້ເພື່ອນຳໄປໃຊ້ເທື່ອຕໍ່ໄປໄດ້ອີກ ໄປຊື້ເຄື່ອງຢູ່ຕະຫຼາດກໍ່ຄວນໃຊ້ຖົງຜ້າແທນ.
ລຸດອາຫານແຊ່ແຂງ ອາຫານໃສ່ກ໋ອງແຊ່ແຂງ ຕອນນີ້ກຳລັງມີຫລາຍຂຶ້ນເລື່ອຍ ໆ ແລະກໍເຫັນຄົນນິຍົມບໍລິໂພກຫລາຍຂຶ້ນຄືກັນ ແຕ່ທ່ານຮູ້ບໍວ່າຂັ້ນຕອນການຜະລິດນັ້ນເຮັດໃຫ້ສິ້ນເປືອງພະລັງງານຢ່າງຫຼວງຫຼາຍ ເພາະວ່າກ່ອງທີ່ໃສ່ກໍເປັນພລາສະຕິກ ຂັ້ນຕອນໃນການຂົນສົ່ງກໍຕ້ອງຮັກສາໄວ້ໃນບ່ອນທີ່ເຢັນຕະຫລອດເວລາ ບວກກັບຕອນທີ່ຢູ່ໃນຮ້ານ ແມ່ນກະທັ່ງຕອນຈະກິນຍັງຕ້ອງໃຊ້ພະລັງງານໃນການອຸ່ນອີກ ເພາະສະນັ້ນຖ້າບໍ່ຈຳເປັນກໍຢ່າກິນເລີຍ ມັນສິ້ນເປືອງພະລັງງານ.
ໃຊ້ລົດຖີບ ເວລາທີ່ທ່ານ ໄປເຮັດວຽກໃກ້ ໆເຮືອນ ອາດຈະໄປຊື້ເຄື່ອງຢູ່ຕະຫຼາດ ນອກຈາກຈະປະຫຍັດນ້ຳມັນໃນຍຸກທີ່ນ້ຳມັນແພງແລ້ວ ຍັງຊ່ວຍໃຫ້ທ່ານໄດ້ອອກກຳລັງກາຍ ມີສຸກຂະພາບທີ່ດີອີກດ້ວຍ ບໍ່ຕ້ອງໄປເສຍເງີນເພື່ອລຸດຄວາມຕຸ້ຍນໍາອີກ.
ລຸດການ Shopping ຫຼືຊື້ເຄື່ອງ ຫລາຍຄົນ ມີຄວາມສຸກໃນການຊື້ເຄື່ອງ ແຕ່ກໍຂໍໃຫ້ລຸດການຊື້ແບບສິ້ນເປືອງລົງນຳ ທ່ານທີ່ຄິດວ່າບໍ່ຈຳເປັນກໍບໍ່ຄວນຊື້ ຄວນຊື້ແຕ່ອັນທີ່ເຮົາຈະໃຊ້ແທ້ໆ ເພາະວ່າມັນຕ້ອງໃຊ້ພະລັງງານຫລວງຫລາຍໃນອຸດສາຫະກຳພວກນີ້. ນອກນັ້ນຍັງເປັນການປະຍັດເງິນໃນຖົງຂອງທ່ານໄປນໍາອີກ.
ປູກຕົ້ນໄມ້ ທຸກຄົນມັກທຳມະຊາດ ເວລາທີ່ເຮົາໄດ້ເຫັນສະຖານທີ່ໆມີທຳມະຊາດງົດງາມ ຂຽວອຸ່ມທຸ່ມບໍ່ວ່າຈະເປັນພູຜາປ່າໄມ້ ນ້ຳໃສ ໆ ຊາຍຫາດທີ່ຂາວສະອາດ ເຮົາຈະຮູ້ສຶກສະບາຍໃຈ. ແຕ່ວ່າພວກເຮົາກໍບໍ່ໄດ້ຊ່ວຍກັນປິ່ນປົວມັນ ຖ້າມີເວລາຄວນໃຫ້ຊ່ວຍກັນປູກຕົ້ນໄມ້ ອາດຈະເປັນສວນໜ້າເຮືອນຂອງທ່ານກໍ່ໄດ້ ຫລືມີເນື້ອທີ່ບໍ່ກ້ວາງປານໃດ ທ່ານສາມາດປູກໃສ່ກະຖາງໄວ້ກໍໄດ້ ນອກຈາກຈະເຮັດໃຫ້ເຮືອນເບິ່ງງາມຂຶ້ນແລ້ວ ຍັງຈະຊ່ວຍລຸດກາສພິດໃນອາກາດພາຍໃນບໍລິເວນເຮືອນຂອງທ່ານໄດ້ນໍາອີກ.
