ລີ່ຈຽງ ເມືອງມໍລະດົກໂລກ
(GMT+08:00) 2013-01-18 09:55:41 cri
ເມືອງເກົ່າທີ່ຖືກບັນທຶກເປັນມໍລະດົກທາງວັດທະນະທຳແລະປະຫວັດສາດຍາວນານກວ່າ 800 ປີ, ຕັ້ງຢູ່ໃນເຂດປົກຄອງຕົນເອງຊົນຊາດນາຊີແຫ່ງລີ່ຈຽງໃນຈະຕຸລັດຍຸນນານທາງພາກຕະເວັນຕົກສຽງໃຕ້ຂອງຈີນ, ເປັນເມືອງທີ່ສ້າງໃນຕອນປາຍລາດຊະວົງຊົ່ງແລະຕົ້ນລາດຊະວົງຫຍວນ, ຢູ່ເທິງທົ່ງຮາບສູງຍຸນນານແລະກຸ້ຍໂຈ້ວ, ມີພື້ນທີ່ກວ້າງ 3.8 ຕາລາງກິໂລແມັ ເປັນຕະຫລາດແລະເມືອງສຳຄັນທີ່ມີຊື່ສຽງມາຕັ້ງແຕ່ສະໄໝບູຮານ.3 ເຫດຜົນທີ່ເຮັດໃຫ້ເມືອງລີ່ຈຽງໄດ້ຮັບເລືອກຈາກອົງການຍູເນດສະໂກ້ໃຫ້ເປັນມໍລະດົກໂລກຄື: ລີ່ຈຽງເປັນເມືອງເກົ່າທີ່ຊົນເຜົ່ານາຊີອາໄສຢູ່, ມີສະຖາປັດຍະກຳຈີນບູຮານທີ່ສວຍງາມ, ໜ້າເຮືອນທຸກຫລັງຈະມີແມ່ນ້ຳໄຫລຜ່ານ, ມີການຄ້າຂາຍຂອງທີ່ລະນຶກໃຫ້ແກ່ນັກທ່ອງທ່ຽວ, ເຫດຜົນຕໍ່ມາຄື: ລີ່ຈຽງມີແມ່ນ້ຳ 3 ສາຍໄຫລຂະໜານກັນໄດ້ແກ່: ແມ່ນ້ຳຈິນຊາຈຽງໄຫລໄປນະຄອນຊ່ຽງໄຮ້, ແມ່ນ້ຳຂອງ ໄຫລໄປປະເທດລາວສູ່ກຳປູເຈຍ(ຢູ່ເຂດດິນແດນຂອງປະເທດຈີນແມ່ນໍ້າຂອງເຂົາເຈົ້າເອີ້ນວ່າ: ແມ່ນໍ້າລ້ານຊ້າງ ແລະແມ່ນ້ຳຫລູ່ຈຽງ ໄຫລໄປມຽນມາ, ແຕ່ແມ່ນ້ຳສາມສາຍບໍ່ເຄີຍໄຫລມາບັນຈົບກັນເລີຍເພາະສູນກາງຂອງແມ່ນ້ຳ ມີພູເຂົາເຫລົ່າຈິນຂັ້ນກາງແມ່ນ້ຳສາມສາຍແລະສຸດທ້າຍມີຫບ້ານແຫ່ງໜຶ່ງຢູ່ຂ້າງທະເລສາບຫລູກູ . ນອກຈາກນີ້ ບໍລິເວນເມືອງເກົ່າລີ່ຈຽງມີຄູຄອງແລະຂົ່ວຢູ່ຫລວງຫລາຍ ຈົນໄດ້ຮັບການຂະຫນາມວ່າ "ເວນິດແຫ່ງຕະເວັນອອກ"
ສະຖານທີ່ທ່ອງທ່ຽວທີ່ໜ້າສົນໃຈ
* ພູເຂົາຫິມະມັງກອນຫົຍກ ຕັ້ງຢູ່ທາງຕະເວັນຕົກສຽງເໜືອຂອງເມືອງເກົ່າລີ່ຈຽງເປັນພູເຂົາທີ່ມີຫິມະປົກຄຸມຕະຫລອດທັງປີ, ມີຄວາມສູງເໜືອລະດັບນ້ຳທະເລໂດຍເລ່ຍ 4, 000 ແມັດ. ເນື່ອງຈາກມີຍອດພູເຂົາ 13 ຍອດລຽນຕິດຕໍ່ກັນແລະປົກຄຸມດ້ວຍຫິມະມີລັກສະນະຄ້າຍມັງກອນຈຶ່ງຖືກເອີ້ນກັນວ່າ: ພູເຂົາຫິມະມັງກອນຫຍົກ, ດ່ານເກັບເງີນຄ່າເຂົ້າອຸດທະຍານຕ້ອງເສຍຄ່າທຳນຽມປະມານ 160 ຫຍວນ.
* ອ່າງນ້ຳມັງກອນດຳຫລືທີ່ຮູ້ຈັກກັນວ່າສວນຍູ້ວສວນຕັ້ງຢູ່ໃນຕົວເມືອງລີ່ຈຽງຫ່າງຈາກຕົວເມືອງເກົ່າລີ່ຈຽງໄປທາງທິດເໜືອປະະມານ 1 ກິໂລແມັດ ມີພື້ນທີ່ປະມານ 11, 390 ຕາລາງແມັດ ອ່າງນ້ຳມັງກອນດຳມີຈຸດເດັ່ນທີ່ຄວາມໃສຂອງນ້ຳ, ນອກຈາກນີ້ ພາຍໃນສວນຍັງມີສະຖາປັດຍະກຳຕ່າງໆ ທີ່ປະສົມຜະສານວັດທະນະທຳຂອງຊາວຮັ່ນ ທິເບດ ແລະນ່າຊີໄວ້ນຳກັນD
* ໂຄ້ງທຳອິດແມ່ນ້ຳແຍງຊີ ຫ່າງຈາກເມືອງເກົ່າລີ່ຈຽງ 53 ກິໂລແມັດ ເກີດຈາກແມ່ນ້ຳແຍງຊີ (ຫລືທີ່ຄົນຈີນຮຽກວ່າ ແມ່ນ້ຳສາງຈຽງ) ທີ່ໄຫລລົງມາຈາກທົ່ງຮາບສູງຊິງໄຫ່ທິເບດ ມາກະທົບກັບພູເຂົາໄຫ່ຫລໍ ເຮັດໃຫ້ທິດທາງຂອງແມ່ນ້ຳຫັກໂຄ້ງໄປທາງທິຕະເວັນອອກສຽງເໜືອຈົນເກີດເປັນໂຄ້ງນ້ຳທີ່ສວຍງາມ.
* ຫຸບພວກເຂົາເສືອກະໂດດ ຊຶ່ງຕັ້ງຢູ່ລະຫວ່າງທາງແຍກຂອງເມືອງລີ່ຈຽງແລະເມືອງຈົ່ງຕ້ຽນ, ເປັນຫຸບພູເຂົາໃນໄລຍະທີ່ແມ່ນ້ຳແຍງຊີໄຫລລົງມາຈາກຈິນຊາຈຽງ (ແມ່ນ້ຳຊາຍທອງ) ນ້ຳບໍລິເວນນີ້ໄຫລແຮງຫລາຍ, ບ່ອນທີ່ແຄບທີ່ສຸດມີຄວາມກວ້າງພຽງ 30 ແມັດ ຕາມຕຳນານເລົ່າວ່າ ໃນອະດີດຊ່ອງແຄບນີ້ມີເສືອກະໂດດຂ້າມໄປຫາຝັ່ງກົງກັນຂ້າມໄດ້ ເນື່ອງຈາກກາງແມ່ນ້ຳບໍລິເວນນີ້ມີຫິນທີ່ເອີ້ນວ່າ "ຫິນເສືອກລະໂດດ" ຊຶ່ງກ້ອນຫິນມີຄວາມສູງກວ່າ 13 ແມັດ ຈຶ່ງເປັນທີ່ມາຂອງຊື່ "ຊ່ອງແຄບເສືອກລະໂດດ".
ການເດິນທາງໄປເມືອງລີ່ຈຽງ
ບິນຈາກເມືອງເຈົ້າໝິງ ເມືອງຫລວງມົນທົນຍູນນານ 2 ຊົ່ວໂມງ ແລ້ວບິນຕໍ່ໄປຍັງລີ່ຈຽງ ໃຊ້ເວລາ 45 ນາທີ
ສະຖານທີ່ທ່ອງທ່ຽວທີ່ໜ້າສົນໃຈ
* ພູເຂົາຫິມະມັງກອນຫົຍກ ຕັ້ງຢູ່ທາງຕະເວັນຕົກສຽງເໜືອຂອງເມືອງເກົ່າລີ່ຈຽງເປັນພູເຂົາທີ່ມີຫິມະປົກຄຸມຕະຫລອດທັງປີ, ມີຄວາມສູງເໜືອລະດັບນ້ຳທະເລໂດຍເລ່ຍ 4, 000 ແມັດ. ເນື່ອງຈາກມີຍອດພູເຂົາ 13 ຍອດລຽນຕິດຕໍ່ກັນແລະປົກຄຸມດ້ວຍຫິມະມີລັກສະນະຄ້າຍມັງກອນຈຶ່ງຖືກເອີ້ນກັນວ່າ: ພູເຂົາຫິມະມັງກອນຫຍົກ, ດ່ານເກັບເງີນຄ່າເຂົ້າອຸດທະຍານຕ້ອງເສຍຄ່າທຳນຽມປະມານ 160 ຫຍວນ.
* ອ່າງນ້ຳມັງກອນດຳຫລືທີ່ຮູ້ຈັກກັນວ່າສວນຍູ້ວສວນຕັ້ງຢູ່ໃນຕົວເມືອງລີ່ຈຽງຫ່າງຈາກຕົວເມືອງເກົ່າລີ່ຈຽງໄປທາງທິດເໜືອປະະມານ 1 ກິໂລແມັດ ມີພື້ນທີ່ປະມານ 11, 390 ຕາລາງແມັດ ອ່າງນ້ຳມັງກອນດຳມີຈຸດເດັ່ນທີ່ຄວາມໃສຂອງນ້ຳ, ນອກຈາກນີ້ ພາຍໃນສວນຍັງມີສະຖາປັດຍະກຳຕ່າງໆ ທີ່ປະສົມຜະສານວັດທະນະທຳຂອງຊາວຮັ່ນ ທິເບດ ແລະນ່າຊີໄວ້ນຳກັນD
* ໂຄ້ງທຳອິດແມ່ນ້ຳແຍງຊີ ຫ່າງຈາກເມືອງເກົ່າລີ່ຈຽງ 53 ກິໂລແມັດ ເກີດຈາກແມ່ນ້ຳແຍງຊີ (ຫລືທີ່ຄົນຈີນຮຽກວ່າ ແມ່ນ້ຳສາງຈຽງ) ທີ່ໄຫລລົງມາຈາກທົ່ງຮາບສູງຊິງໄຫ່ທິເບດ ມາກະທົບກັບພູເຂົາໄຫ່ຫລໍ ເຮັດໃຫ້ທິດທາງຂອງແມ່ນ້ຳຫັກໂຄ້ງໄປທາງທິຕະເວັນອອກສຽງເໜືອຈົນເກີດເປັນໂຄ້ງນ້ຳທີ່ສວຍງາມ.
* ຫຸບພວກເຂົາເສືອກະໂດດ ຊຶ່ງຕັ້ງຢູ່ລະຫວ່າງທາງແຍກຂອງເມືອງລີ່ຈຽງແລະເມືອງຈົ່ງຕ້ຽນ, ເປັນຫຸບພູເຂົາໃນໄລຍະທີ່ແມ່ນ້ຳແຍງຊີໄຫລລົງມາຈາກຈິນຊາຈຽງ (ແມ່ນ້ຳຊາຍທອງ) ນ້ຳບໍລິເວນນີ້ໄຫລແຮງຫລາຍ, ບ່ອນທີ່ແຄບທີ່ສຸດມີຄວາມກວ້າງພຽງ 30 ແມັດ ຕາມຕຳນານເລົ່າວ່າ ໃນອະດີດຊ່ອງແຄບນີ້ມີເສືອກະໂດດຂ້າມໄປຫາຝັ່ງກົງກັນຂ້າມໄດ້ ເນື່ອງຈາກກາງແມ່ນ້ຳບໍລິເວນນີ້ມີຫິນທີ່ເອີ້ນວ່າ "ຫິນເສືອກລະໂດດ" ຊຶ່ງກ້ອນຫິນມີຄວາມສູງກວ່າ 13 ແມັດ ຈຶ່ງເປັນທີ່ມາຂອງຊື່ "ຊ່ອງແຄບເສືອກລະໂດດ".
ການເດິນທາງໄປເມືອງລີ່ຈຽງ
ບິນຈາກເມືອງເຈົ້າໝິງ ເມືອງຫລວງມົນທົນຍູນນານ 2 ຊົ່ວໂມງ ແລ້ວບິນຕໍ່ໄປຍັງລີ່ຈຽງ ໃຊ້ເວລາ 45 ນາທີ
