ວິທີທີ່ເຮັດໃຫ້ອາຍຸຍືນເຖິງ 100 ປີ
ກິນອາຫານທະເລອັນດັບທີ່ ປະເທດລາວນັບວ່າໂຊກດີເຖິງວ່າຈະບໍ່ມີຊາຍແດນຕິດກັບທະເລແຕ່ຖ້າຈະຮັບປະທານອາຫານທະເລເປັນເລື່ອງທີ່ງ່າຍຫຼາຍບໍ່ວ່າຈະເປັນກຸ້ງ ຫອຍ ປູ ປາ ອາຫານທະເລອຸດົມໄປດ້ວຍກົດໄຂມັນໂອເມກາ 3 ຊຶ່ງມີບົດບາດສຳຄັນຕໍ່ໂຄງສ້າງແລະການເຮັດວຽກງານຂອງສະຫມອງ ລວມເຖິງສຸກຂະພາບ ລວມໃນທຸກໆໄວ.
ດື່ມນ້ຳຫຼາຍໆບາງເລື່ອງກໍບໍ່ແມ່ນເລື່ອງຍາກຫຍັງເລີຍ ນ້ຳມີປະໂຫຍດຕໍ່ຮ່າງກາຍ ທ່ານຄວນດື່ມນ້ຳມື້ລະ 2 ລີດຫລື 8 ຈອກຍິ່ງດີຫາກທ່ານເລືອກດື່ມນ້ຳລ້າໆແທນເຄື່ອງດື່ມທີ່ມີສ່ວນປະສົມຂອງແອນກໍຮອລ, ຄາເຟອີນ ຫລືນ້ຳຕານ ເພາະນ້ຳຈະຊ່ວຍໃຫ້ຮ່າງກາຍສົດຊື່ນ ມີອາຍຸຍືນເຖິງ 100 ປີໄດ້ຢ່າງສະບາຍໆ.
ເຮັດອາຫານຮັບທານເອງ ການເຮັດອາຫານຮັບປະທານເອງ ເຮັດໃຫ້ເຮົາເລືອກວັດຖຸດິບທີ່ນຳມາປຸງແຕ່ງໄດ້ ຕ້ອງປາດສະຈາກສານກັນບູດ ແລະບໍ່ມີນ້ຳຕານຫລືເກືອຫລາຍເກີນໄປ ຈະດີໄປກວ່ານັ້ນຫາກເປັນພືດຜັກທີ່ທ່ານປູກໄວ້ກິນເອງແຮງດີ ເພາະເມື່ອເກັບມາສົດໆ ຈະອຸດົມດ້ວຍທາດອາຫານທີ່ມີສານຕ້ານອະນຸມູນອິດສະຫລະ ແລະວິຕາມິນຄືນຄວາມໜຸ່ມໃຫ້ສະຫມອງແລະຮ່າງກາຍ.ອອກກຳລັງກາຍຢູ່ສະເໝ ມີຜົນວິໄຈລະບຸວ່າ ຄົົນທີ່ອອກກຳລັງກາຍພື້ນຖານເປັນປະຈຳເຊັ່ນ ຍ່າງອາທິດລະ 3-5 ເທື່ອ ຈະມີຊີວິດຍືນຍາວກວ່າຜູ້ທີ່ບໍ່ຄ່ອຍເຄື່ອນໄຫວຮ່າງກາຍ ໂດຍສະເພາະໃນຄົນສູງອາຍຸ ຫາກທ່ານຍັງມີຄວາມແຂງແຮງ ຄວບຄຸມນ້ຳໜັກໃຫ້ພໍດີກັບເພດ, ອາຍຸ ແລະຄວາມສູງ ຈະເຮັດໃຫ້ອະໄວຍະວະຕ່າງ ໆເຮັດວຽກໄດ້ດີ ບໍ່ຄວນກິນຢາປິ່ນປົວພະຍາດ ແລະໃຊ້ຊີວິດຢ່າງມີຄວາມສຸກ ເພາະບັນຫາສຸກຂະພາບຂອງຄົນຍຸກນີ້ ສ່ວນຫຼາຍກ່ຽວເນື່ອງກັບວິຖີການດຳລົງຊີວິດ ການມີສຸກຂະພາບດີ ຈະເຮັດໃຫ້ທ່ານເກີດຄວາມຮູ້ສຶກດີໄປດ້ວຍ ແລະຍິ່ງຮູ້ສຶກດີຫລາຍເທົ່າໃດ ຈະເຮັດໃຫ້ອາຍຸຍືນຫລາຍຂຶ້ນເທົ່ານັ້ນ.
ປະຖີ້ມຄວາມເຄັ່ງຄຽດຖິ້ມໄປ ຢ່າເກັບຄວາມຮູ້ສຶກຄຽດ ວິຕົກກັງວົນໄວ້ກັບຕົວເອງຕະຫລອດເວລາ ຕ້ອງຫາທາງລະບາຍອອກນຳ ເພາະຖືເປັນເລື່ອງສຳຄັນທີ່ຕ້ອງຮູ້ຈັກຈັດການກັບຄວາມຄຽດຊຶ່ງມີຜົນກະທົບຕໍ່ຫົວໃຈ ເມື່ອບໍ່ດົນມານີ້, ນີ້ມີງານວິໄຈຊີ້ວ່າ ຜູ້ຍິງທີ່ອາຍຸຕ່ຳກວ່າ 50 ປີ ແລະຜູ້ຍິງໄວໝົດປະຈຳເດືອນ ທີ່ມີບັນຫາເລື່ອງຄວາມວິຕົກກັງວົນ ມີຄວາມສ່ຽງເປັນພະຍາດຫົວໃຈເພີ່ມຫລາຍຂຶ້ນ.
ເຮັດສະໝາທິ ຄວາມເຄັ່ງຄຽດເປັນສິ່ງທີ່ສະສົມໄດ້ ເຊັ່ນດຽວກັບຄວາມສະຫງົບໃນຈິດໃຈ ການໃຊ້ຊີວິດຂອງຄົນເຮົາ ກໍຄ້າຍຄືການຂັບຂີ່ລົດໃຫຍ່ ຫາກທ່ານບໍ່ແວ່ເຕີມນ້ຳມັນນຳຕະຫລອດເສັ້ນທາງ ເມື່ອນ້ຳມັນໃນຖັງໝົດ ລົດກໍຈະແລ່ນບໍ່ໄດ້ ຊີວິດກໍເຊັ່ນກັນທີ່ນອກຈາກຈະກິນອາຫານເພື່ອໃຫ້ມີເຫື່ອມີແຮງແລ້ວ ຍັງຕ້ອງເບິ່ງແຍງຈິດໃຈໃຫ້ຢູ່ໃນສະພາບທີ່ດີ ລອງຫາເວລາສວດມົນ ເຮັດສະໝາທິ ຝຶກຫາຍໃຈ ຫລືອີ່ຫຍັງກໍໄດ້ທີ່ເຮັດໃຫ້ຮູ້ສຶກສະຫງົບແລະເກີດພາວະສົມດຸນຂອງຮ່າງກາຍແລະຈິດໃຈ ທ່ານຈະຮູ້ສຶກໄດ້ເຖິງຄວາມເຄັ່ງຄຽດທີ່ເລີ່ມຈາງຫາຍໄປ ຄວາມສະຫງົບຈະເຂົ້າມາແທນທີ່ ຊຶ່ງເມື່ອເຮັດເປັນປະຈຳທຸກມື້ ບໍ່ພຽງເຮັດໃຫ້ມີຄວາມສຸກສະຫງົບ ອາຍຸຈະຍືນຂອງທ່ານກໍ່ຈະຍືນຍາວຂຶ້ນອີກດ້ວຍ.
ເຮັດວຽກທີ່ຮັກ ແລະຖະຫນັດ ຖ້າເລືອກໄດ້ຄວນເຮັດວຽກທີ່ຮັກ ແລະມີຄວາມຖະຫນັດ ເພາະບໍ່ມີຫຍັງທີ່ເຮັດໃຫ້ເບິ່ງແກ່ກ່ອນໄວໄປກວ່າການຕ້ອງທົນເຮັດວຽກທີ່ບໍ່ໄດ້ມັກ ຫລືບໍ່ໄດ້ໃຊ້ຄວາມຮູ້ຄວາມສາມາດທີ່ມີຢ່າງເຕັມທີ່ ແຕ່ກໍບໍ່ຈຳເປັນຕ້ອງລາອອກຈາກວຽກທີ່ເຮັດຢູ່ ພຽງແຕ່ຫາຫົນທາງນຳຈຸດແຂງທີ່ມີມາໃຊ້ແລະກຳຈັດຈຸດອ່ອນ ແລ້ວຈະເຫັນວ່າ ຍິ່ງປ່ຽນແປງຫລາຍເທົ່າໃດຍິ່ງເຮັດໃຫ້ເກີດຄວາມຄິດສ້າງສັນຫລາຍເທົ່ານັ້ນ.
ລອງເຮັດສິ່ງໃໝ່ໆ ເປັນຕົວເພີ່ມລົດຊາດໃຫ້ຊີວິດ ແລະເມື່ອເຈົ້າໃຫ້ໂອກາດຕົວເອງ ສະຫມອງກໍສາມາດຮຽນຮູ້ໄປເລື່ອຍໆ ແມ່ນຈະມີອາຍຸ 100 ປີແລ້ວກໍຕາມ ຫາກ ເປີດຮັບສິ່ງໃໝ່ ໆ ເຂົ້າມາໃນຊີວິດ ຈະເຮັດໃຫ້ສະຫມອງຕື່ນຕົວ ເຊັ່ນ ປົກກະຕິຖະຫນັດມືຂວາ ໃຫ້ລອງປ່ຽນເປັນໃຊ້ມືຊ້າຍຫຍິບຈັບສິ່ງຂອງຫລືເຮັດພາລະກິດປະຈຳວັນເປັນບາງຄັ້ງຄາວ ວິທີນີ້ຈະຊ່ວຍກະຕຸ້ນສະຫມອງໃຫ້ຕຽມພ້ອມຢູ່ສະເໝີ ເພາະເມື່ອເຮັດແຕ່ສິ່ງເກົ່າໆ ສະຫມອງຈະເຊື່ອຍຊາ ແລະຫາກປ່ອຍໄປເລື່ອຍ ໆ ກໍຍາກທີ່ຈະກັບມາຕື່ນຕົວອີກເທື່ອ.
ອາລົມດີສະເໝີອັນດັບທີ່ 2 ຂອງທີມງານ toptenthailand ສິ່ງສຳຄັນທີ່ສຸດທີ່ຈະເຮັດໃຫ້ມີຊີວິດຍືນຍາວໄດ້ເຖິງ 100 ປີ ຄື ຕ້ອງຕະໜັກຮູ້ວ່າສິ່ງພາຍນອກມີຜົນກະທົບຕໍ່ຈິດໃຈ ອາລົມເປັນຕົວສ້າງສະຖານນະການ ຄົົນທີ່ເຂົ້າໃຈ ຈະດຳເນີນຊີວິດໄດ້ຢ່າງສະບາຍ ປາດສະຈາກຄວາມເຄັ່ງຄຽດ ແລະບໍ່ຕົກເປັນເຫຍື່ອຂອງສະຖານນະການກົດດັນພາຍນອກ.
ຄິດທາງບວກພະລັງຄວາມຄິດດ້ານບວກຈະຊ່ວຍ ກະຕຸ້ນໃຫ້ເກີດພະລັງກາຍພະລັງໃຈ ມີຄວາມຄິດສ້າງສັນ ສົ່ງຜົນໃຫ້ມີຄວາມສຸກໃນຊີວິດ ສິ່ງທີ່ເຮົາບອກກັບຕົວເອງ ແລະໄດ້ຟັງຈາກຄົນອື່ນ ລ້ວນມີຜົນຕໍ່ການດຳເນີນຊີວິດຂອງເຮົາ ທັງທາງດ້ານຮ່າງກາຍ ແລະຈິດໃຈຄົນທົ່ວໄປທີ່ອາຍຸຍືນ ແລະສຸກຂະພາບຮ່າງກາຍແຂງແຮງດີ ແມ່ນໃຫ້ຄໍາຕອບວ່າ " ຕາບເທົ່າທີ່ຍັງມີຄວາມສຸກໃຈ " ນີ້ເປັນພື້ນຖານສຳຄັນຂອງການມີຄຸນນະພາບຊີວິດທີ່ດີ.
