Yang Pei An ນັກຮ້ອງໄຕ້ຫວັນ
Yang Pei An ນັກຮ້ອງ ນັກແຕ່ງເພງ ແລະ ນັກສະແດງຊາຍໄວອາຍຸ 40 ປີ ຈາກໄຕ້ຫວັນຂອງຈີນ ເກີດໃນວັນທີ 5 ມິຖຸນາ ປີ 1971 ເປັນນັກຮ້ອງທີ່ຂັບຮ້ອງໃນຫຼາຍແນວເພງ ເຊັ່ນ Pop , Rock n Roll , jazz , R n B ແລະ Rock
ໃນປີ 1990 Yang Pei An ໄດ້ເຂົ້າຮ່ວມໃນການແຂ່ງຂັນປະກວດຮ້ອງເພງ ທີ່ມະຫາວິທະຍາໄລ ແລະ ໄດ້ຮັບລາງວັນນັກຮ້ອງດີເດັ່ນ ໃນປີຕໍ່ມາ ກໍຄືປີ 1991 ໄດ້ເຂົ້າຮ່ວມໃນການເກນທະຫານ ຫຼັງຈາກສຳເລັດອາຍຸການໃນປີ 1994 ຈຶ່ງໄດ້ຕັ້ງວົງດົນຕີໃນນາມ TNT ເຊິ່ງ Yang Pei An ເຮັດໜ້າທີ່ໃນການຮ້ອງນຳ ແລະໄດ້ອອກຕະເວນຫຼິ້ນດົນຕີ ໃນສະຖານບັນເທີງຕ່າງໆເປັນເວລາຫຼາຍປີພໍສົມຄວນ
ເມື່ອອາຍຸ 33ປີ Yang Pei An ໄດ້ລາອອກຈາກກຸ່ມ TNT ແລະ ຢຸດການຮ້ອງເພງໃນສະຖານບັນເທີງ ແລະ ເຮັດອາຊີບໃໝ່ ໂດຍເລີ່ມຈາກການເປັນຜູ້ຈັດລາຍການວິທະຍຸ FM 98.3 ພ້ອມດຽວກັນຍັງເປັນຄູສອນຮ້ອງເພງ ທີ່ມີນັກຮ້ອງທີ່ມີຊື່ສຽງຫຼາຍຄົນທີ່ຜ່ານການຮຽນ ກັບ Yang Pei An ເຊັ່ນ Yoga lin
ຕໍ່ມາໃນໄວອາຍຸ 45 ປີ ໄດ້ເຮັດຜົນງານເພງ ແລະ ປ່ອຍ ອະລະບ້ຳຊຸດທຳອິດອອກມາໃນປີ 2006 ແລະ ໃນລະຫວ່າງ ປີ 2006 ເຖິງ ປັດຈຸບັນ ແມ່ນມີຜົນງານເພງທັງໝົດ 6 ອະລະບ້ຳ ດ້ວຍກັນ ແລະ ອະລະບ້ຳລ່າສຸດ ແມ່ນ ປ່ອຍອກມາ ໃນ ລະຫວ່າງເດືອນ 3 ປີ 2011ທີ່ຜ່ານມາ
