ສ້າງສິ່ງແວດລ້ອມສ້າງຊັບພະຍາກອນທໍາມະຊາດ
ຂະນະທີ່ໂລກກຳລັງຖືກປົກຄຸມດ້ວຍກຸ່ມກາຊເຮືອນແກ້ວຫລາຍເກີນສົມດຸນຂອງທຳມະຊາດຊຶ່ງກາຊເຮືອນແກ້ວເກັບກັກຄວາມຮ້ອນບໍ່ໃຫ້ສະທ້ອນອອກນອກຜິວໂລກເຮັດໃຫ້ອຸນຫະພູມພື້ນຜິວໂລກເພີ່ມສູງຂຶ້ນ ໃນຄວາມປ່ຽນແປງຂອງສະພາບທຳມະຊາດສິ່ງແວດລ້ອມທີ່ເກິດຂື້ນຫລາຍຝ່າຍໄດ້ຮ່ວມກັນປຸກລະດົມການປ້ອງກັນແລະແກ້ໄຂຈາກອາທິດທີ່ຜ່ານມາທີ່ນຳສະເໜີວິທີປະຫຍັດນ້ຳມັນ ຕໍ່ເນື່ອງເທື່ອນີ້ຂໍນຳປະໂຫຍດຈາກການປູກຕົ້ນໄມ້ມາບອກເລົ່າ ເພາະບໍ່ພຽງຊ່ວຍລຸດອຸນຫະພູມຮ້ອນສ້າງອາກາດສະອາດສົດຊື່ນ ຕົ້ນໄມ້ຍັງມີຄວາມຫມາຍຕໍ່ການປະຫຍັດພະລັງງານ ການຟື້ນຄືນທຳມະຊາດສ້າງຄວາມສົມດຸນ ອີກທັງສີສັນງາມຂອງດອກໄມ້ ໃບໄມ້ຍັງຊ່ວຍໃຫ້ຜ່ອນຄາຍສ້າງຄວາມສະບາຍໃຈ ຕົ້ນໄມ້ ທຸກຕົ້ນຈຶ່ງມີຄວາມຫມາຍ ເຖິງພາວະໂລກຮ້ອນ ການສົ່ງເສີມປູກຕົ້ນໄມ້ເປັນອີກແນວທາງໃນການລຸດອາຍກາກໂບນິກລຸດມົນພິດທາງອາກາດ ເພີ່ມພື້ນທີ່ສີຂຽວສ້າງສິ່ງແວດລ້ອມໃນເມືອງ ອີກທັງລຸດອຸນຫະພູມແລະອື່ນໆ ແລະຈາກການສຶກສາໄມ້ຍືນຕົ້ນທີ່ມີລຳຕົ້ນສູງໃຫຍ່ສາມາດດູດຊັບອາຍກາກໂບນິກດ້ວຍກະບວນການສັງເຄາະແສງ ນຳອາຍກາກໂບນິກຈາກອາກາດເຂົ້າສູ່ຄໍໂລຟິນທີ່ມີສີຂຽວແລະໃຊ້ແສງເປັນແຫລ່ງພະລັງງານໃນການເກີດປະຕິກິລິຢາສ້າງນ້ຳຕານແລະກ໊າຊະອອກຊິເຈນຊຶ່ງຕົ້ນໄມ້ທີ່ນິຍົມປູກກາງແຈ້ງ ສາມາດດູດອາຍກາກໂບນິກໄດ້ຫລາຍເຖິງ 30-60 ກຣາມຕໍ່ຕາແມັດພື້ນທີ່ດິນຕໍ່ມື້ແລະອື່ນໆ
ຂະບວນການສັງເຄາະແສງຂອງພືດຈຶ່ງມີຄວາມສຳຄັນຕໍ່ການຊ່ວຍລຸດປະລິມານອາຍກາກໂບນິກ ແລະເພີ່ມປະລິມານອາຍອອກຊິເຈນໃນອາກາດຊຶ່ງພືດແຕ່ລະຊະນິດຈະມີຄວາມສາມາດຕ່າງກັນ ໂດຍສະເພາະພືດທີ່ມີຂະໜາດໃຫຍ່ ພືດທີ່ຢູ່ກາງແຈ້ງຈະມີຄວາມສາມາດໃນການລຸດປະລິມານອາຍກາກໂບນິກໄດ້ຫລາຍກວ່າ ການປູກຕົ້ນໄມ້ເພີ່ມພື້ນທີ່ສີຂຽວນອກຈາກແກ້ບັນຫາຄວາມຮ້ອນ ສ້າງສົມດຸນການໃຊ້ພື້ນທີ່ ຕົ້ນໄມ້ຍັງກະຫລອງມົນພິດຜະລິດອອກຊິເຈນໃຫ້ກັບເມືອງ ອີກທັງຍັງສ້າງຄວາມຮົ່ມເຢັນແລະຍັງໍ່ວຍຜ່ອນຄາຍ " ທຸກພື້ນທີ່ສາມາດເລືອກປູກຕົ້ນໄມ້ທີ່ເໝາະສົມໄດ້ ບໍ່ວ່າຈະເປັນທີ່ວ່າງຮອບເຮືອນພັກອາໄສ ທີ່ເຮັດວຽກ ບ່ອນຈອດລົດ ສະໜາມກີລາ ສະໜາມຫຼີ້ນເດັກນ້ອຍ ສະຖານທີ່ຫ້ອງການ ສວນສາທາລະນະເທິງອາຄານສູງ ຖະໜົນຫົນທາງຊຶ່ງຖະໜົນຫລາຍສາຍຂອງນະຄອນເປັນຖະໜົນຕົ້ນໄມ້ທີ່ໃຫ້ທັງຄວາມຮົ່ມເຢັນລຸດມົນພິດທາງອາກາດແລະອື່ນ ໆ ໃນການລຸດບັນຫາພາວະໂລກຮ້ອນ ການເພີ່ມພື້ນທີ່ສີຂຽວຊ່ວຍກັນປູກ ເບິ່ງ-ແຍງຕົ້ນໄມ້ເປັນອີກທາງໜຶ່ງທີ່ທຸກບ້ານເຮືອນຊ່ວຍໄດ້ " ການປູກຕົ້ນໄມ້ເລືອກໄດ້ຕາມຄວາມຊື່ນມັກສົນໃຈ ເຮືອນທີ່ມີພື້ນທີ່ສາມາດປູກໄດ້ທັງໄມ້ໃຫຍ່ ໄມ້ດອກໄມ້ປະດັບຊຶ່ງກໍມີຫລາກຫລາຍພັນໃຫ້ເລືອກ ການປູກຕົ້ນໄມ້ໃຫຍ່ໃຫ້ຮົ່ມເງົາບໍ່ຈຳເປັນຕ້ອງເລືອກຫາຕົ້ນໄມ້ທີ່ມີຄວາມສູງຫລາຍມາປູກ ແມ່ນກະທັ່ງບ້ານ-ເຮືອນທີ່ມີພື້ນທີ່ນ້ອຍຢູ່ໃນອາຄານສູງກໍສາມາດຊ່ວຍກັນປູກຕົ້ນໄມ້ ສ້າງອາກາດໃຫ້ສະອາດສົດຊື່ນໄດ້ດ້ວຍການປູກໄມ້ແຂວນໄມ້ກະຖາງນ້ອຍ ໆ ກໍເບິ່ງງາມເໝາະສົມ ຢ່າງເທິງທາງດ່ວນຈະເຫັນວ່າມີກະຖາງຕົ້ນເຟື່ອງຟ້າ ເທິງອາຄານຕຶກສູງກໍມີການຈັດສວນເປັນສະຖານທີ່ພັກຜ່ອນໃຫ້ຄວາມຮູ້ສຶກສົດຊື່ນ ການຈັດເຮັດສວນເທິງຫລັງຄາ ສວນດາດຟ້າເພື່ອໃຫ້ພື້ນທີ່ສ່ວນທີ່ບໍ່ໄດ້ໃຊ້ປະໂຫຍດກາຍມາເປັນສວນທີ່ໃຊ້ປະໂຫຍດຢ່າງສົມບູນເປັນອີກຮູບແບບທີ່ສ້າງສີສັນຄວາມງາມໃຫ້ກັບອາຄານ ລວມທັງລຸດອຸນຫະພູມເຄື່ອງປັບອາກາດເຮັດວຽກໜ້ອຍລົງຊຶ່ງພັນໄມ້ທີ່ປູກເທິງສວນດາດຟ້າ
ນອກຈາກນີ້ສ່ວນຫນຶ່ງຈາກຂໍ້ມູນດ້ານການອະນຸລັກພະລັງງານ ກະຊວງພະລັງງານຍັງມີຂໍ້ແນະນຳການປັບ-ປຸງພາຍນອກຕົວເຮືອນ ຊຶ່ງການປູກຕົ້ນໄມ້ສູງເພື່ອບັງແສງອາທິດຄວນຕັດກິ່ງ ເພື່ອໃຫ້ລົມພັດຜ່ານລຸດອຸນຫະພູມພາຍນອກໃກ້ບໍລິເວນເຮືອນ ເລືອກຊະນິດຕົ້ນໄມ້ທີ່ເໝາະສົມສຳລັບໃຊ້ເປັນຮົ່ມເງົາທີ່ມີຢູ່ຕາມທ້ອງຖິ່ນຊຶ່ງງ່າຍຕໍ່ການເບິ່ງແຍງ ລຸດການໃຊ້ປຸ໋ຍຢາຂ້າແມງ ປູກພືດຄຸມດິນ ປູກຫຍ້າຈັດແຕ່ງສວນເພື່ອເປັນສະໜວນກັນຄວາມຮ້ອນໃຫ້ກັບພື້ນດິນ ຫາກມີພື້ນທີ່ຈຳກັດອາດປູກໄມ້ດັດຫລືໄມ້ເລື້ອຍຕາມລະບຽງລິມຮົ້ວເພື່ອລຸດລົມຮ້ອນພັດຜ່ານເຂົ້າຕົວເຮືອນ ລຸດຄວາມແຮງຂອງແສງແດດທີ່ສ່ອງຜິວອາຄານ ເປັນຕົ້ນ ຈາກຄຸນປະໂຫຍດຫລວງຫລາຍຂອງຕົ້ນໄມ້ຊຶ່ງບໍ່ພຽງຟື້ນຄືນອາກາດສະອາດສົດຊື່ນ ການປູກຕົ້ນໄມ້ນ້ອຍໃຫຍ່ຍັງສ້າງເສີມບັນຢາກາດຄືນຄວາມສົມດຸນທາງທຳມະຊາດ ອີກທັງການເບິ່ງແຍງເອົາໃຈໃສ່ຕົ້ນໄມ້ຍັງເປັນນັນທະນາການໃຊ້ເວລາວ່າງໃຫ້ເປັນປະໂຫຍດຜ່ອນຄາຍ.
