ສິ່ງທີ່ໜ້າສົນໃຈຂອງການເຜີຍແຜ່ສິນຄ້າລາວອອກສູ່ສາຍຕາໂລກ
(GMT+08:00) 2013-01-23 16:05:49 cri
ເວົ້າແລ້ວຢູ່ລາວມີການຜະລິດສິນຄ້າທີ່ດີແລະກະມີຄຸນນະພາບຫຼາຍຢ່າງໃດເນາະ, ບໍ່ວ່າຈະເປັນເຄື່ອງນຸ່ງຮົ່ມ, ເຄື່ອງຫັດຖະກຳ, ແລະອື່ນໆ...ເຂົ້າປາອາຫານກໍ່ອຸດົມສົມບູນ ທີ່ຫຼາຍອັນກະບໍ່ຈຳເປັນຕ້ອງນຳເຂົ້າຈາກຕ່າງປະເທດ.ພິເສດ, ໃນວັນທີ 2 ຂອງເດືອນນີ້ ທີ່ນະຄອນຫລວງວຽງຈັນກໍ່ໄດ້້ມີການເປີດພິທີ ງານວາງສະແດງສິນຄ້າ-ຫັດຖະກຳຂອງລາວ, ຈຸດປະສົງຂອງງານນີ້ ກໍ່ເພື່ອເປັນການເຜີຍແຜ່ສິນຄ້າຂອງຄົນລາວ ອອກສູ່ສາຍຕາຂອງບັນດາຄະນະຜູ້ແທນ ອາຊີ ແລະ ເອີຣົບ.ສິນຄ້າທີ່ນຳມາວາງສະແດງໃນຄັ້ງນີ້ກໍ່ແມ່ນຜະລິດຕະພັນປະເພດກາເຟ, ປະເພດເຄື່ອງດື່ມ, ເຄື່ອງຫັດຖະກຳ ຜ້າໃໝລາວ, ເຄື່ອງເງິນ-ຄຳ ທີ່ເປັນສີໄມ້້ລາຍມື ທັງເປັນຫົວຄິດປະດິດສ້າງຂອງບັນດານັກທຸລະກິດລາວ. ທັງໝົດກໍ່ໄດ້ຮັບຄວາມນິຍົມຂົມຊອບໃນຄວາມສວຍງາມ ແລະ ຄຸນນະພາບຂອງ ຜະລິດຕະພັນລາວ ຈາກຜູ້ເຂົ້າຢ້ຽມຊົມທັງພາຍໃນແລະຕ່າງປະເທດເປັນຈໍານວນຫຼາຍ. ເວົ້າເຖິງສິນຄ້າລາວແລ້ວ ຖ້າຄົນລາວເອງບໍ່ສະໜັບສະໜູນແລ້ວຈະໃຫ້ໄຜເປັນຄົນໃຊ້ລະ, ຄືຄໍາເວົ້າທີ່ວ່າ: ດັ່ງຄຳເວົ້າທີ່ວ່າ: ລາວເຮັດລາວໄດ້ ລາວໃຊ້ລາວຈະເລີນ.
