ທ່ານຊິນໂຈ ອາເບະສະແດງຄວາມເສຍໃຈຕໍ່ກຳປັ່ນຂອງຈີນຍິງສັນຍານຣາດາຕິດຕາມຈັບເປົ້າໝາຍກຳປັ່ນປ້ອງກັນຂອງຍີ່ປຸ່ນ
ຕາມຂ່າວ CRI: ຕອນຄ່ຳວັນທີ 5 ກຸມພານີ້, ລັດຖະບານຍີ່ປັ່ນ ແຈ້ງວ່າ: ວັນທີ 30 ມັງກອນຜ່ານມານີ້, ກຳປັ່ນຂອງກອງທັບເຮືອຈີນເຄີຍຍິງສັນຍານຣາດາຄວບຄຸມກຳລັງໄຟຕິດຕາມຈັບເປົ້າໝາຍກຳປັ່ນປ້ອງກັນຂອງກອງປ້ອງກັນຕົວເທິງທະເລຂອງຍີ່ປຸ່ນຢູ່ເຂດທະເລຫຼວງຂອງທະເລຈີນຕາເວັນອອກ. ຕາມຜູ້ຊ່ຽວສະເພາະດ້ານຂອງລັດຖະບານຍີ່ປຸ່ນເຜີຍໃຫ້ຮູ້ວ່າ, ບ່ອນເກີດເຫດແມ່ນຢູ່ເຂດທະເລອ້ອມຂ້າງເກາະຕ້ຽວອີ.
ຕອນເຊົ້າວັນທີ 6 ກຸມພານີ້, ທ່ານຊິນໂຈ ອາເບະ, ນາຍົກລັດຖະມົນຕີຍີ່ປຸ່ນ ກ່າວໃນກອງປະຊຸມຄົບຄະນະຂອງສະພາສູງວ່າ: ກຳປັ່ນຂອງກອງທັບເຮືອຈີນຍິງສັນຍານຣາດາຄວບຄຸມກຳລັງໄຟຕິດຕາມຈັບເປົ້າໝາຍກຳປັ່ນປ້ອງກັນຂອງກອງປ້ອງກັນຕົວເທິງທະເລຂອງຍີ່ປຸ່ນ "ແມ່ນການກະທຳທີ່ມີຄວາມອັນຕະລາຍເຊິ່ງອາດຈະພາໃຫ້ເກີດເຫດການນອກການຄາດຄິດ, ແມ່ນການກະທຳທີ່ເປັນການທ້າທາຍເກາະຜິດແຕ່ຝ່າຍດຽວ, ເຮັດໃຫ້ຄົນຮູ້ສຶກເສຍໃຈທີ່ສຸດ". ທ່ານຊິນໂຈ ອາເບະ ຍັງກ່າວວ່າ, ຈະຮຽກຮ້ອງຢ່າງເຄັ່ງຂຶມເພື່ອໃຫ້ຈີນໃຊ້ທ່າທີທີ່ມີຄວາມອົດກັ້ນ, "ຄືນສູ່ເສັ້ນທາງການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດລະຫວ່າງຍີ່ປຸ່ນກັບຈີນ, ບໍ່ຄວນເຮັດໃຫ້ສະພາບການເຄັ່ງຕຶງຂຶ້ນຕື່ມ".
