ຍີ່ປຸ່ນບໍ່ມີສິດຈັດເອົາເກາະຕ້ຽວອີຂອງຈີນເຂົ້າໃນບັນຊີລາຍຊື່ຮ້ອງຂໍເປັນມໍລະດົກໂລກ
ຕາມຂ່າວສານຊິນຮວາ: ວັນທີ 18 ກຸມພານີ້, ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ທີ່ປັກກິ່ງ, ທ່ານຫົງເຫຼີຍ, ໂຄສົກກະຊວງການຕ່າງປະເທດຈີນ ກ່າວວ່າ, ອີງຕາມຂໍ້ກຳນົດທີ່ກ່ຽວຂ້ອງທີ່ລະບຸໄວ້ໃນ "ສົນທິສັນຍາວ່າດ້ວຍການປົກປັກຮັກສາມໍລະດົກວັດທະນະທຳແລະທຳມະຊາດຂອງໂລກ", ຍີ່ປຸ່ນບໍ່ມີສິດຈັດເອົາເກາະຕ້ຽວອີ ເຊິ່ງແມ່ນດິນແດນຂອງຈີນເຂົ້າໃນບັນຊີລາຍຊື່ຮ້ອງຂໍເປັນມໍລະດົກໂລກ.
ມີນັກຂ່າວຖາມໃນກອງປະຊຸມຂ່າວວ່າ, ມີຂ່າວແຈ້ງວ່າລັດຖະບານຍີ່ປຸ່ນມີເຈດຕະນາຮ້ອງຂໍເອົາ "ອາມາມີ" ແລະ "ຣິວຄິວ" ຂອງແຂວງຄາໂກຊີມາ ແລະ ແຂວງໂອຄີນາວາ ເປັນມໍລະດົກທຳມະຊາດຂອງໂລກ, ເມືອງອີຊີກາຄີ ແຂວງໂອຄີນາວາສະເໜີຕໍ່ລັດຖະບານຍີ່ປຸ່ນ ໂດຍຮຽກຮ້ອງໃຫ້ຈັດເອົາເກາະຕ້ຽວອີເຂົ້າໃນບັນຊີລາຍຊື່ຮ້ອງຂໍດັ່ງກ່າວ. ຝ່າຍຈີນມີຄຳວິຈານແນວໃດຕໍ່ເລື່ອງນີ້?
ທ່ານຫົງເຫຼີຍ ກ່າວວ່າ, ເກາະຕ້ຽວອີ ແລະເກາະດອນຕ່າງໆຢູ່ອ້ອມຂ້າງ ລ້ວນແຕ່ແມ່ນດິນແດນຂອງຈີນມາແຕ່ປະຫວັດສາດ. ອີງຕາມຂໍ້ກຳນົດທີ່ກ່ຽວຂ້ອງທີ່ລະບຸໄວ້ໃນ "ສົນທິສັນຍາວ່າດ້ວຍການປົກປັກຮັກສາມໍລະດົກວັດທະນະທຳແລະທຳມະຊາດຂອງໂລກ", ຍີ່ປຸ່ນບໍ່ມີສິດຈັດເອົາເກາະຕ້ຽວອີ ເຊິ່ງແມ່ນດິນແດນຂອງຈີນເຂົ້າໃນບັນຊີລາຍຊື່ຮ້ອງຂໍເປັນມໍລະດົກໂລກ. ແຜນອຸບາຍຂອງຄົນຈຳນວນໜຶ່ງພາຍໃນປະເທດຍີ່ປຸ່ນຈະບໍ່ໄດ້ສຳເລັດຜົນຢ່າງແນ່ນອນ.
