ສູນຖະແຫຼງຂ່າວຂອງກອງປະຊຸມສອງສະພາປີ 2013 ເລີ່ມເປີດບໍລິການຕໍ່ນັກຂ່າວຈີນແລະຕ່າງປະເທດຢ່າງເປັນທາງການ
ວັນທີ 26 ກຸມພານີ້, ສູນຖະແຫຼງຂ່າວຂອງກອງປະຊຸມສອງສະພາປີ 2013 ເລີ່ມເປີດບໍລິການຕໍ່ນັກຂ່າວຈີນແລະຕ່າງປະເທດຢ່າງເປັນທາງການ.
ກອງປະຊຸມຄັ້ງທຳອິດຂອງສະພາປະຊາຊົນແຫ່ງຊາດຈີນສະໄໝທີ 12 ຈະໄຂຂຶ້ນໃນວັນທີ 5 ມີນາແລະກອງປະຊຸມຄັ້ງທຳອິດຂອງສະພາປຶກສາການເມືອງແຫ່ງຊາດຈີນສະໄໝທີ 12 ຈະໄຂຂຶ້ນໃນວັນທີ 3 ມີນາຢູ່ປັກກິ່ງ.
ໂຮງແຮມມິເດຍປັກກິ່ງແມ່ນສູນຖະແຫຼງຂ່າວຂອງກອງປະຊຸມສອງສະພາປີ 2013. ນັກຂ່າວຈີນແລະຕ່າງປະເທດຖືບ່ອນນີ້ເປັນບ່ອນສຳຄັນບ່ອນໜຶ່ງໃນການສູ້ຮົບດ້ານການເອົາຂ່າວນອກຈາກຫໍສະພາປະຊາຊົນ.
ໃນສູນຖະແຫຼງຂ່າວດັ່ງກ່າວມີໜ່ວຍຕ້ອນຮັບນັກຂ່າວຈີນແລະຕ່າງປະເທດ, ຫໍຖະແຫຼງ ຂ່າວ, ຫ້ອງສຳພາດ, ຫ້ອງອິນເຕີເນັດ, ຫ້ອງພັກຜ່ອນກິນນ້ຳຊາແລະຫ້ອງແຈກຢາຍຂໍ້ມູນຕ່າງໆ, ສາມາດສະໜອງການບໍລິການການປະກາດຂໍ້ມູນຂ່າວສານ, ການຕິດຕໍ່ພົວພັນສຳລັບການເອົາຂ່າວແລະສອບຖາມຂ່າວຕ່າງໆເປັນຕົ້ນໃຫ້ແກ່ນັກຂ່າວຕ່າງໆ.
ຢູ່ສູນຖະແຫຼງຂ່າວ, ນັກຂ່າວໄດ້ເຫັນວ່າ, ໃນຍາມເຊົ້າກໍ່ມີນັກຂ່າວມາສຳຫຼວດຢ່າງຫຼວງຫຼາຍ. ນາງຈ້າວອີ້, ນັກຂ່າວຜູ້ໜຶ່ງໄດ້ຊົມໃຊ້ຫົວຂໍ້ສຳພາດຂອງນາງກັບນັກຂ່າວ. ນາງກ່າວວ່າ:
"ປີນີ້ຂ້ອຍໄດ້ສົນໃຈນຳການປ່ຽນຜູ້ນຳແລະການປະຕິຮູບຂອງອົງການລັດຖະບານ, ຍັງໄດ້ສົນໃຈນຳຈຸດສຸມເຊັ່ນເສດຖະກິດແລະຊີວິດການເປັນຢູ່ຂອງປະຊາຊົນເປັນຕົ້ນ."
ເພື່ອໃຫ້ນັກຂ່າວຕ່າງໆສາມາດຮູ້ຈັກສະພາບການຂອງກອງປະຊຸມສອງສະພາຂອງຈີນໃຫ້ດີກວ່າເກົ່າ, ຫ້ອງແຈກຢາຍຂໍ້ມູນຂ່າວສານຂອງສູນຖະແຫຼງຂ່າວຈະສະໜອງຂໍ້ມູນຂ່າວສານສະບັບພາສາຈີນ, ພາສາອັງກິດ, ພາສາຝລັ່ງ, ພາສາເຢຍລະມັນ, ພາສາຍີ່ປຸ່ນ, ພາສາແອັສປາຍແລະພາສາອາຣັບເປັນຕົ້ນ.
"ພວກເຮົາສະໜອງປື້ນຢ່າງຫຼວງຫຼາຍໃຫ້ແກ່ນັກຂ່າວ, ແນະນຳຂົງເຂດຕ່າງໆຂອງຈີນເຊັ່ນການເມືອງ, ເສດຖະກິດ, ສັງຄົມແລະວັດທະນະທຳເປັນຕົ້ນ. ປື້ມເຫຼົ່ານີ້ໄດ້ຮັບຄວາມນິຍົມຫຼາຍ, ໂດຍສະເພາະແມ່ນປື້ມທີ່ມີຄຸນຄ່າໃນການໃຫ້ຄຳປຶກສາແກ່ນັກຂ່າວຕ່າງປະເທດ, ມີນັກຂ່າວມາເອົາຂ່າວຢູ່ຈີນເປັນຊົ່ວຄາວ, ບໍ່ຮູ້ສະພາບການທີ່ກ່ຽວຂ້ອງຂອງຈີນ, ເຂົາເຈົ້າມາແລ້ວກໍ່ສາມາດອ່ານຂໍ້ມູນເຫຼົ່ານີ້, ມີຜົນດີຕໍ່ການເອົາຂ່າວເປັນຢ່າງດີ."
