ຈີນມີຫຼັກຖານຢັ້ງຢືນກຳປັ່ນແລະຍົນຂອງຍີ່ປຸ່ນເຂົ້າໃກ້ຕິດຕາມລົບກວນກຳປັ່ນແລະຍົນຂອງຈີນ
(GMT+08:00) 2013-02-28 17:08:23 cri
ໃນກອງປະຊຸມຖະແຫຼງຂ່າວທີ່ກະຊວງປ້ອງກັນປະເທດຈີນຈັດຂຶ້ນໃນວັນທີ 28 ກຸມພານີ້, ທ່ານເກິງອ້ຽນເຊິ່ງ, ໂຄສົກກະຊວງປ້ອງກັນປະເທດຈີນ ກ່າວວ່າ, ໃນໄລຍະດົນນານມານີ້, ຍີ່ປຸ່ນໄດ້ສົ່ງກຳປັ່ນແລະຍົນເຂົ້າໃກ້ຕິດຕາມແລະລົບກວນກຳປັ່ນແລະຍົນຂງຈີນ, ໄດ້ສ້າງໄພຂົ່ມຂູ່ຕໍ່ຝ່າຍຈີນ, ນີ້ແມ່ນສາເຫດຕົ້ນຕໍຂອງບັນຫາຄວາມປອດໄພເທິງທະເລລະຫວ່າງຈີນກັບຍີ່ປຸ່ນ. ຈີນມີຫຼັກຖານອ້າງອີງຢ່າງເຕັມສ່ວນຕໍ່ເລື່ອງນີ້, ແລະຈະສະຫງວນສິດໃນການໃຊ້ມາດຕະການທີ່ສົມຄູ່ກັນ.
ໃນເວລາກຳປັ່ນຂອງກອງທັບເຮືອຈີນໄປດຳເນີນການຝຶກຊ້ອມການລາດຕະເວນຢູ່ມະ ຫາສະໝຸດປາຊີຟິກຕາເວັນຕົກ ກໍຖືກຍົນແລະກຳປັ່ນຮົບຂອງຍີ່ປຸ່ນເຂົ້າໃກ້ຕິດຕາມເລື້ອຍໆ, ຕໍ່ເລື່ອງນີ້, ທ່ານເກິງອ້ຽນເຊິ່ງ ກໍ່ກ່າວວ່າ, ຈີນກຳສະພາບດັ່ງກ່າວໄດ້ທັງໝົດ.
