(ໄຂກອງປະຊຸມຄັ້ງທີ 1 ຂອງສະພາຜູ່ແທນປະຊາຊົນແຫ່ງຊາດຈີນຊຸດທີ 12)
ກອງປະຊຸມຜູ່ແທນສະພາປະຊາຊົນແຫ່ງຊາດຈີນຄັ້ງທີ 1 ຂອງຊຸດໃຫມ່ໄດ້ໄຂຂຶ້ນໃນຕອນເຊົ້າວັນທີ 5 ມີນານີ້ຢູ່ນະຄອນຫລວງປັກກິ່ງ, ທ່ານຫູຈີນທາວ,ທ່ານສີຈິ້ນຜິງແລະຜູ່ນຳທ່ານອື່ນໆຮ່ວມກັບຜູ່ແທນສະພາປະຊາຊົນຊຸດໃຫມ່ເກືອບ 3 ພັນຄົນໄດ້ເຂົ້າຮ່ວມ, ນີ້ເປັນຂີດຫມາຍສະແດງໃຫ້ເຫັນວ່າຜູ່ແທນສະພາປະຊາຊົນທົ່ວປະເທດຊຸດໃຫມ່ໄດ້ເລີ່ມປະຕິບັດຫນ້າທີ່ເປັນທາງການແລ້ວ.
ຕາມຂ່າວແຈ້ງວ່າ, ໃນບັນດາຜູ່ແທນທົ່ວປະເທດຊຸດໃຫມ່ທີ່ມາຈາກການເລືອກຕັ້ງໂດຍອີງຕາມອັດຕາລະຫວ່າງຕົວເມືອງແລະຊົນນະບົດເທົ່າທຽມກັນຄັ້ງທຳອິດນັ້ນ,ອັດຕາຂອງຜູ່ແທນກະສິກຳແລະຊາວກະສິກອນທີ່ມາຈາກຮາກຖານນັ້ນໄດ້ເພີ່ມຂຶ້ນຢ່າງເດັ່ນຊັດ,ຜູ່ແທນຈາກພະນັກງານຂັ້ນນຳຂອງຄະນະພັກແລະອົງການປົກຄອງນັ້ນຫລຸດຫນ້ອຍລົງຢ່າງຫລວງຫລາຍ, ເຮັດໃຫ້ອົງປະກອບຂອງຜູ່ແທນດີຂຶ້ນຕື່ມອີກ.
ກອງປະຊຸມເທື່ອນີ້ແມ່ນກອງປະຊຸມຄັ້ງທຳອິດຂອງຜູ່ແທນສະພາປະຊາຊົນທົ່ວປະເທດຊຸດໃຫມ່.ໃນໄລຍະດຳເນີນກອງປະຊຸມເປັນເວລາ 12 ວັນເຄິ່ງ,ນອກຈາກວາລະປະຊຸມຕາມປົກກະຕິຄື ຜ່ານບົດລາຍງານວຽກງານຂອງລັດຖະບານແລະອື່ນໆແລ້ວ, ບັນດາຜູ່ແທນປະຊາຊົນທົ່ວປະເທດຊຸດໃຫມ່ຍັງຄ້ນຄວ້າຈະພິຈາລະນາແລະປ່ອນບັດຕໍ່ແຜນການປະຕິຮູບອົງການແລະການຫັນປ່ຽນພັນທະຫນ້າທີ່ຂອງຄະນະລັດຖະບານ,ຈະເປີດເຜີຍໃຫ້ຮູ້ກ່ຽວກັບການຄາດຄະເນຂອງວົງພາຍນອກທີ່ມີການປະຕິຮູບຕໍ່ກະຊວງຕ່າງໆຮອບທີສອງຂອງຈີນ.ສ່ວນສິ່ງທີ່ໄດ້ຮັບຄວາມສົນໃຈຢ່າງສູງນັ້ນແມ່ນກອງປະຊຸມຍັງຈະເລືອກຕັ້ງແລະຕົກລົງຮັບຮອງເອົາຄະນະນຳຊຸດໃຫມ່.
© China Radio International.CRI. All Rights Reserved. 16A Shijingshan Road, Beijing, China. 100040 |