ທ່ານສີຈິ້ນຜີງກັບຜູ້ນຳພັກລັດທ່ານອື່ນໆຢາມກຳມະການທີ່ເຂົ້າຮ່ວມກອງປະຊຸມຄັ້ງທີ1ຂອງສະພາປຶກສາການເມືອງປະຊາຊົນແຫ່ງຊາດຈີນສະໄໝທີ12ແລະເຂົ້າຮ່ວມການປຶກສາຫາລື
ຕາມຂ່າວCRI: ວັນທີ4ມີນານີ້, ຜູ້ນຳພັກລັດຄື, ທ່ານສີຈິ້ນຜີງ, ທ່ານຫຼີເຄີ້ສຽງ, ທ່ານຈາງເຕີ່ຈ່ຽງ,ທ່ານຢູເຈີ້ງເສີ່ງ, ທ່ານຫຼິວຢູນຊ່ານ, ທ່ານຫວາງສີຊານ,ທ່ານຈ່າງກ່າວລີ້, ໄດ້ຢາມກຳມະການທີ່ເຂົ້າຮ່ວມກອງປະຊຸມຄັ້ງທີ1ຂອງສະພາປຶກສາການເມືອງປະຊາຊົນແຫ່ງຊາດຈີນສະໄໝທີ12ແລະເຂົ້າຮ່ວມການປຶກສາຫາລືຂອງແຕ່ລະວົງການ.
ໃນກອງປະຊຸມຮ່ວມຂອງກຳມການວົງການສະມາຄົມວິທະຍາສາດແລະວົງການເຕັກໂນໂລຊີ, ທ່ານສີຈິ້ງຜີງ, ເລຂາທິການໃຫຍ່ສູນກາງພັກ,ປະທານຄະນະກຳມະການທະຫານສູນກາງພັກກອມມູນິດຈີນຫຼັງຈາກຮັບຟັງການປະກອບຄຳເຫັນກອງກຳມະການແລ້ວໄດ້ກ່າວເນັ້ນວ່າ, ໃນການແຂ່ງຂັນກຳລັງແຫ່ງຊາດສັງລວມໃນທົ່ວໂລກທີ່ນັບມື້ນັບດຸເດືອດກວ່າເກົ່າ,ຕ້ອງເດັດດ່ຽວເດີນຕາມເສັ້ນທາງປະດິດສ້າງໃໝ່ໂດຍເປັນເຈົ້າຕົນເອງທີ່ມີເອກະລັກພິເສດຂອງຈີນ, ເພີ່ມທະວີຄວາມເຊື່ອໝັ້ນຕໍ່ຕົນເອງໃນການປະດິດສ້າງໃໝ່, ລົງເລິກການປະຕິຮູບດ້ານໂຄງປະກອບວິທະຍາສາດເຕັກໂນໂລຊີ, ເສີມຂະຫຍາຍບົດບາດຄ້ຳຊູແລະນຳພາຂອງການປະດິດສ້າງໃໝ່ດ້ານວິທະຍາສາດເຕັກໂນໂລຊີ, ເລັ່ງລັດໃຫ້ຈີນຈາກປະເທດໃຫຍ່ດ້ານເສດຖະກິດເດີນໄປສູ່ປະເທດເຂັ້ມແຂງດ້ານເສດຖະກິດ.
