ລາຍການຫ້ອງດົນຕີ 93 ກອງປະຊຸມສະພາປຶກສາການເມືອງປະຊາຊົນຈີນ
ສ: ຄົນຢູ່ໃຕ້ລຸ່ມຟ້າ ຄວາມມັກບໍ່ຄືກັນ ທ່ານເອີຍ ບາງຄົນໂວຍວາຍສຽງ ເພື່ອນຟູງ
ພັດເຕັມບ້ານ ບາງຄົນສິນທານສ້າງ ຄວາມດີໂດຍຕລອດ ເວົ້າຫວານປານນໍ້າເຜິ້ງ ຄົນຍັງປ້ອຍທົ່ວເມືອງ ສະບາຍດີທ່ານຜູ້ຟັງ ເພື່ອນມິດລາຍການທີ່ຮັກແພງທຸກໆທ່ານ
ພ: ສະບາຍດີທ່ານຜູ່ຟັງ ທຸກໆທ່ານ ມາຮອດເລລານີ້ແລ້ວ ກໍມາພົບກັບຜູ່ດຳເນີນລາຍການທັງ 2 ສົມບັດ ແລະ ສົມແພງຄືເກົ່າທີ່ເກົ່າເວລາເດີມ ໃນລາຍການຫ້ອງດົນຕຣີ 93 ຄື້ນສຽງ ຄື້ນໃຈ CRI FM 93 Mhz
ສ: ມາພົບກັບມິດລາຍການທ່ານຜູ່ຟັງ ມື້ນີ້ກໍຢູ່ໃນຕົ້ນເດືອນມີນາແລ້ວ ເດືອນມີນາກໍເປັນອີກເດືອນນຶ່ງ ທີ່ມີວັນສຳຄັນທາງດ້ານປະຫັວດສາດ ແລະ ທາງດ້ານການເມືອງ ບໍ່ວ່າຈະເປັນຈີນກໍຄືລາວ ສົມແພງ ຮູ້ຈັກບໍ່ວ່າມີວັນຫຍັງແດ່ໃນເດືອນ ນີ້
ພ: ໃຫ້ສົມແພງຄິດເບິ່ງກ່ອນວ່າມີວັນສຳຄັນຫຍັງແດ່ …ເອີ ໃນເດືອນມີນານີ້ ໃນວັນທີ 3 ທີ່ຜ່ານມານີ້ກໍແມ່ນກອງປະຊຸມສະພາປຶກສາການເມືອງປະຊາຊົນຈີນກໍໄດ້ໄຂຂຶ້ນແລ້ວ, ແລະ ມື້ນີ້ ກໍແມ່ນກອງປະຊຸມຜູ່ແທນສະພາປະຊາຊົນແຫ່ງຊາດຈີນກໍໄດ້ໄຂຂຶ້ນແລ້ວເຊັ່ນດຽວກັນ ໃນຕອນເຊົ້າຂອງມື້ນີ້ນັ້ນເອງ
ສ: ແມ່ນແລ້ວ ສ່ວນລາວກໍມີ 2 ວັນ, ວັນທີ່ 8 ມີນາ ກໍແມ່ນວັນແມ່ຍິງສາກົນ ແລະວັນທີ່ 22 ກໍແມ່ນວັນສ້າງຕັ້ງ ພັກປະຊາຊົນປະຕິວັດລາວ ວັນ ທີ່ 8 ມີນາເປັນວັນແມ່ຍິງສາກົນ ຊຶ່ງເປັນວັນທີ່ແມ່ຍິງທົ່ວໂລກໄດ້ລຸກຂຶ້ນ ຕໍ່ສູ້ເພື່ອທວງເອົາສິດສະເໝີພາບໃຫ້ເທົ່າທຽມກັບເພດຊາຍ
ພ : ແມ່ນແລ້ວ ສ່ວນວັນທີ່ 22 ມີນາກໍແມ່ນມື້ວັນສ້າງຕັ້ງພັກປະຊາຊົນປະຕິວັດລາວ ຊຶ່ງເປັນວັນກຳເນີດເກີດຂຶ້ນຂອງພັກ ປະຊາຊົນປະຕິວັດລາວເພື່ອຊີ້ນຳ ນຳພາຂະບວນການລຸກຂຶ້ນຕໍ່ສູ້ ເພື່ອຍາດເອົາເອກະລາດ ມາໃຫ້ແກ່ປະເທດຊາດ ແຕ່ ຕອນນີ້ຈະໃຫ້ທ່ານຜູ້ຟັງໄດ້ຟັງຜົນງານເພງກ່ອນ ຈາກນັ້ນຈຶ່ງມາລົມກັນກ່ຽວກັບເລື່ອງ ກອງປະຊຸມສະພາປຶກສາການເມືອງປະຊາຊົນຈີນ
ໃສ່ເພງ 1 + 2
ພ: ຮັກກັນໄວ້ດີກວ່າຊັງກັນ ຮັກກັນດີມີກຳໄລບໍ່ຂາດທຶນ ນຳພາທ່ານກັບເຂົ້າສູ່ ບັນຍາກາດຊອງລາຍການ ຫ້ອງດົນຕຣີ 93 ທາງວິທະຍຸສາກົນແຫ່ງປະເທດຈີນ ຫລື CRI FM 93 Mhz ຂໍຂອບໃຈທຸກໆທ່ານທີ່ໄດ້ໃຫ້ກຽດຕິດຕາມຮັບຟັງ
ສ: ທ່ານຜູ່ຟັງ ຄືດັງທີ່ສົມແພງເວົ້າວ່າຮັກກັນໄວ້ດີກວ່າຊັງກັນ ຮັກກັນດີມີກຳໄລບໍ່ຂາດທຶນ ເວົ້າເລື່ອງຄວາມຮັກແລ້ວໃຜໆ ກໍຕ້ອງການແມນບໍ່ສົມແພງ
ພ: ແມ່ນແລ້ວ ໃຜບໍ່ຕ້ອງການຄວາມຮັກນີ້ ບໍ່ມີດອກເນາະໃນໂລກໜ່ວຍນີ້ ຄວາມຮັກນີ້ກໍມີຄວາມໝາຍອັນໃຫຍ່ຫລວງ ຕໍ່ຊີວິດຂອງທຸກໆຄົນ
ສ: ດັ່ງທີ່ໄດ້ສະເໜີໄວ້ ໃນຕອນຕົ້ນຂອງລາຍການວ່າ ທາງລາຍການຈະສະເໜີເລື່ອງ ກອງປະຊຸມສະພາປຶກສາການເມືອງປະຊາຊົນຈີນຊຶ່ງໄດ້ໄຂຂຶ້ນແລ້ວໃນວັນທີ່ 3 ວັນອາທິດທີ່ຜ່ານມາ ທີ່ຫໍສະພາປະຊາຊົນ
ຊ: ເວົ້າເຖິງຜູ່ແທນ ສະພາປຶກສາການເມືອງປະຊາຊົນຈີນ ທີ່ໄດ້ເຂົ້າຮ່ວມກອງປະຊຸມ ທີ່ນະຄອນຫຼວງປັກກິ່ງເທື່ອນີ້ ທົ່ວປະເທດຈີນ ມີຄຸນວຸດຕາມກົດໝາຍທັງໝົດ 2987 ທ່ານ
ສ: ຊຶ່ງໃນຕອນບ່າຍວັນທີ 25 ກຸມພາທີ່ຜ່ານມາ ກອງປະຊຸມສາມັນຂອງຄະນະປະຈຳສະພາປະຊາຊົນແຫ່ງຊາດຈີນສະໄໝທີ 11ໄຂຂຶ້ນຢູ່ນະຄອນຫຼວງປັກກິ່ງ, ກອງປະຊຸມໄດ້ສຳຫຼວດ ພິຈາລະນາບົດລາຍງານການສຳຫຼວດ ພິຈາລະນາຄຸນວຸດຂອງ
ຜູ່ແທນ ສະພາປະຊາຊົນແຫ່ງຊາດຈີນສະໄໝທີ 12
ພ: ອີງຕາມກົດໝາຍການເລືອກຕັ້ງແລະ ຂໍ້ກຳນົດທີ່ກ່ຽວຂ້ອງ, 35 ຫົວໜ່ວຍການເລືອກຕັ້ງ, ເຊັ່ນ: ບັນດາແຂວງ, ເຂດປົກຄອງຕົນເອງ, ກຳແພງນະຄອນ, ເຂດບໍລິຫານພິເສດຮົງກົງ, ເຂດບໍລິຫານພິເສດມາກາວ ແລະ ກອງທັບປົດປ່ອຍປະຊາຊົນຈີນໄດ້ເລືອກຕັ້ງຜູ່ແທນຂອງສະພາປະຊາຊົນແຫ່ງຊາດຈີນສະໄໝທີ12ທັງໝົດ
2987ທ່ານ.
ສ: ໂດຍສະເພາະໃນກອງປະຊຸມນີ້ກໍ່ແມ່ນນໍາສະເໜີການພັດທະນາເສດຖະກິດຕົວຈິງ. ສົ່ງເສີມວິສະຫະກິດຂະໜາດກາງ ແລະ ຂະໜາດນ້ອຍ, ກະຕຸ້ນການບໍລິໂພກ
ພາຍໃນ, ປັບປຸງສະພາບແວດລ້ອມ ແລະ ຄຸນນະພາບຂອງອາກາດ, ນອກນັ້ນກໍ່ມີກ່ຽວກັບຄວາມປອດໄພດ້ານອາຫານ ແລະ ຢາ. ປັບປຸງລະບົບການເບິ່ງແຍງ ປິ່ນປົວສຸຂະພາບ ໂດຍສະເພາະກໍ່ແມ່ນລະດັບທ້ອງຖິ່ນ, ເພີ່ມຄວາມເຂັ້ມແຂງດ້ານການບໍລິຫານຄຸ້ມຄອງສັງຄົມ, ສົ່ງເສີມວັດທະນະທຳ ແລະ ບັນຫາອື່ນໆອີກ
ພ: ຖືກຕ້ອງທີ່ສຸດ ແຕ່ຕອນນີ້ມາຟັງເພງຈາກລາຍອີກກ່ອນ ເພື່ອສ້າງບັນຍາກາດໃຫ້ທ່ານໄດ້ມ່ວນໆກັບລາຍການຫ້ອງດົນຕຣີ 93 CRI FM 93 MHz
ໃສ່ເພງ 3+ 4
ພ: ທ່ານຜູ່ຟັງທີ່ຮັກແພງໄດ້ຟັງ ເພງຈາກທາງລາຍການ ຜ່ານໄປຫວັງວ່າຈະສ້າງຄວາມມ່ວນຊື່ນໃຫ້ທ່ານບໍ່ຫລາຍກໍຄົງຈະໄດ້ພໍສົມຄວນ ຖືກໃຈ ຫລື ບໍ່, ກໍສົ່ງຂ່າວຄາວຫາຜູ່ດຳເນີນລາຍການໄດ້ຫລາຍຊ່ອງທາງ ໂທຣະສັບ :0086-10-68892192 ທາງຂໍ້ຄວາມສັ້ນ ຖ້າທ່ານໃຊ້ຫລັກ (2) 2930 , (5) 5930, ( 7)7930,(9)9930 ຫລື ທາງemail: laos@cri.cn ກໍໄດ້
ສ: ໃນລາຍການ ຂອງພວກເຮົາມື້ນີ້ລົມກັນເລື່ອງ ກອງປະຊຸມສະພາປຶກສາການເມືອງປະຊາຊົນຈີນຊຶ່ງໄດ້ໄຂຂຶ້ນແລ້ວໃນວັນທີ່ 3 ວັນອາທິດທີ່ຜ່ານມາ ທີ່ຫໍສະພາປະຊາຊົນ
ພ : ແມ່ນແລ້ວ ສະພານີ້ຄັນເອີ້ນຫຍໍ້ກໍ່ແມ່ນ ສະພາປຶກສາການເມືອງປະຊາຊົນຈີນ. ເປັນອົງການແນວໂຮມຮັກຊາດ ຂອງປະຊາຊົນຈີນ ເປັນອົງການສຳຄັນໃນການ
ຮ່ວມມືກັບຫຼາຍພັກ. ແລະ ການປຶກສາຫາລືກັນທາງດ້ານການເມືອງທີ່ນຳໂດຍພັກກອມມູນິດຈີນ
ສ: ຊຶ່ງເປັນຮູບແບບສຳຄັນຫຼາຍ ທີ່ສົ່ງເສີມປະຊາທິປະໄຕຂອງສັງຄົມນິຍົມໃນຊີວິດການເມືອງຂອງຈີນ. ຄວາມສາມັກຄີແລະປະຊາທິປະໄຕ ເປັນຫົວຂໍ້ສຳຄັນສອງອັນຂອງການປະຊຸມຂອງສະພານີ້ໃນແຕ່ລະປີ. ເພາະວ່າສະພານີ້ຈະປະຊຸມປີລະເທື່ອ
ພ: ສະພາປຶກສາການເມືອງປະຊາຊົນຈີນມີອາຍຸ 5 ປີ. ພາລະບົດບາດຕົ້ນຕໍຂອງສະພານີ້ທັງຢູ່ສູນກາງ ແລະ ທ້ອງຖິ່ນ ກໍ່ແມ່ນການໃຫ້ຄຳປຶກສາຫາລືກັນທາງດ້ານການເມືອງ ຄວບຄຸມການກວດກາແບບປະຊາທິປະໄຕ ເຂົ້າຮ່ວມການບໍລິຫານແລະ ຮ່ວມກັນປຶກສາຫາລືບັນຫາບ້ານເມືອງ
ສ: ເຈົ້າແມ່ນແລ້ວ ການປຶກສາຫາລືກັນທາງດ້ານການເມືອງ ແມ່ນປຶກສາຫາລືກັນກ່ຽວກັບຫຼັກນະໂຍບາຍສຳຄັນຕ່າງໆຂອງລັດຖະບານກໍ່ຄືທ້ອງຖິ່ນ.ຈົນຮອດບັນຫາສຳຄັນທາງດ້ານ ການເມືອງ ເສດຖະກິດ ວັດທະນະທຳ ແລະ ຊີວິດທາງສັງຄົມກ່ອນຈະວາງນະໂຍບາຍ
ພ: ພ້ອມທັງ ປຶກສາກັນກ່ຽວກັບບັນຫາສຳຄັນໃນຂະບວນການວາງນະໂຍບາຍແລະປະຕິບັດຕາມນະໂຍບາຍ, ສະພາລະດັບທ້ອງຖິ່ນຈະຮິບໂຮມຂໍ້ສະເໜີ ຄວາມມູ່ງມາດປະຖາໜາຂອງປະຊາຊົນໃນແຕ່ລະເຂດແຂວງ ແລະ ປະຊຸມກັນເພື່ອຄັດໂຕໃດສຳຄັນກ່ອນ ສຳຄັນລຸນ ແລ້ວກໍ່ນຳມາສະເໜີຕໍ່ກອງປະຊຸມໃຫຍ່ທີ່ປັກກິ່ງ
ສ: ນີ້ກໍ່ແມ່ນຂັ້ນຕອນວິທີການເຮັດວຽກຂອງສະພາປຶກສາການເມືອງປະຊາຊົນຈີນ ຟັງເພງອີກກ່ອນແລ້ວຈະມາເວົ້າສູ່ຟັງວ່າການມີສ່ວນຮ່ວມຄວບຄຸມກວດກາ ແບບປະຊາທິປະໄຕຂອງສະພານີ້ແມ່ນເພິ່ນເຮັດແນວໃດ ໃສ່ເພງ 5 + 6
ພ: ທ່ານ ກໍໄດ້ມ່ວນໆກັບຜົນງານເພງ ຈາກທາງລາຍການຜ່ານໄປອີກແລ້ວ ມາ
ລົມກັນຕໍ່ ກ່ຽວກັບເລື່ອງກອງປະຊຸມສະພາປຶກສາການເມືອງປະຊາຊົນຈີນຊຶ່ງໄດ້ໄຂຂຶ້ນແລ້ວໃນວັນທີ່ 3 ວັນອາທິດທີ່ຜ່ານມາ ທີ່ຫໍສະພາປະຊາຊົນ
ສ: ເວົ້າເຖິງບົດບາດ ໃນການຊ່ວຍຄວບຄຸມກວດກາແບບປະຊາທິປະໄຕຂອງສະພາທີ່ປຶກສາການເມືອງປະຊາຊົນຈີນນີ້ໝາຍເຖິງດຳເນີນການຄວບຄູມກວດກາຕໍ່ການປະຕິບັດຕາມລັດຖະທຳມະນູນ ກົດໝາຍ ຂໍ້ກຳນົດລະບຽບ ມະຕິຄຳສັ່ງຕ່າງໆ
ພ: ການປະຕິບັດຕາມຫຼັກນະໂຍບາຍອັນສຳຄັນ ແລະ ກວດກາວຽກງານຂອງໜ່ວຍງານ ລັດຖະບານ ແລະ ເຈົ້າໜ້າທີ່ໃນໜ່ວຍງານລັດຖະບານ ໂດຍຜ່ານການສະເໜີຂໍ້ສະເໜີ ແລະ ຄຳວິຈານຕ່າງໆ
ສ: ສຳລັບການເຂົ້າຮ່ວມບໍລິຫານ ແລະ ຮ່ວມກັນປຶກສາຫາລື ບັນຫາບ້ານເມືອງກໍ່ໝາຍເຖິງການດຳເນີນການສຳຫຼວດການສຶກສາ, ລາຍງານສະພາບທາງສັງຄົມ ແລະ ຄວາມມຸ່ງມາດປາຖະໜາຂອງປະຊາຊົນ
ພ: ແລ້ວນຳເອົາມາປຶກສາຫາລື ລວມທັງການຊີ້ແຈງອະທິບາຍຕໍ່ບັນຫາສຳຄັນ ທາງການເມືອງ ເສດຖະກິດ ສັງຄົມ ຕະຫຼອດຈົນເຖິງບັນຫາທີ່ປະຊາຊົນສ່ວນໃຫຍ່ໃຫ້ຄວາມສົນໃຈ ເພື່ອສະເໜີຄຳຄິດເຫັນຕໍ່ພັກກອມມູນິດຈີນ ແລະ ລັດຖະບານຈີນ ດ້ວຍວິທີຍື່ນລາຍງານຜົນສຳຫຼວດສຶກສາ ເປັນຍັດຕິ ແລະ ວິທີອື່ນໆ
ສ: ໃນເດືອນກັນຍາ 1949 ການປະຊຸມເຕັມຄະນະຄັ້ງທຳອິດຂອງສະພານີ້ໄດ້ໃຊ້ສິດ ແລະ ອຳນາດແທນການປະຊຸມສະພາປະຊາຊົນແຫ່ງຊາດປະກາດສະຖາປະ
ນາ ສາທາລະນະລັດປະຊາຊົນຈີນຂື້ນ ໂດຍໃນນາມຂອງຄວາມມຸ່ງມາດປາຖາໜາຂອງປະຊາຊົນຈີນໃນທົ່ວປະເທດ
ພ: ຫຼັງຈາກມີການປະຊຸມສະພາປະຊາຊົນແຫ່ງຊາດຂອງຈີນຄັ້ງທຳອິດ ໃນປີ 1949 ແລ້ວ, ກອງປະຊຸມສະພາທີ່ປຶກສາການເມືອງປະຊາຊົນຈີນ ກໍ່ບໍ່ໄດ້ໃຊ້ສິດແລະ ອຳນາດແທນສະພາປະຊາຊົນແຫ່ງຊາດອີກ. ແຕ່ຍັງຄົງຕົວຢູ່ຕໍ່ໄປ ໃນຖານະທີ່ເປັນອົງການແນວໂຮມຮັກຊາດ ທີ່ກ້ວາງຂວາງຂອງຈີນ. ມາປ່ຽນບັນຍາກາດຟັງເພງກ່ອນ ຈາກນັ້ນ ຈຶ່ງມາພົບກັບຜູ່ດຳເນີນລາຍການທັງສອງອີກໃນໄລຍະຕໍ່ໄປ
ໃສ່ເພງ 7 + 8
ພ: ຟັງເພງຈາກລາຍການຜ່ານໄປ ມາເຂົ້າສູ່ບັນຍາກາດຂອງລາຍການຫ້ອງດົນ
ຕຣີ 93 ທາງວິທະຍຸສາກົນແຫ່ງປະເທດຈີນ FM 93 Mhz ບາດນີ້ມາລົມກັນເລື່ອງ
ບົດບາດຂອງສະພາປຶກສາການເມືອງປະຊາຊົນຈີນປະຈຸບັນນີ້ກ້ວາງຂວາງຊ່ຳໃດ
ສ: ເວົ້າເຖິງບົດບາດຂອງສະພາປຶກສາການເມືອງປະຊາຊົນປະຈຸບັນນີ້ແລ້ວກໍ່ຖືວ່າ
ກ້ວາງຂວາງແລະສຳຄັນຫຼາຍ ເຮັດວຽກໜັກຫຼາຍໃນທາງຊີວິດການເມືອງຊ່ວຍພັກ
ຊ່ວຍລັດຖະບານຈີນ ທາງສັງຄົມຍິ່ງໃກ້ຊິດກັບປະຊາຊົນຂົງເຂດຕ່າງໆ ແລ້ວກໍ່ຍັງ
ພົວພັນກັບອົງການຕ່າງປະເທດ ທີ່ມີບົດບາດໃກ້ຄຽງກັນອີກ
ພ: ຮອດເດືອນ ມີນາ 2004 ສະພາປຶກສາການເມືອງຂອງຈີນ ໄດ້ສ້າງຄວາມສຳພັນກັບ 170 ອົງການ ໃນ 101 ປະເທດທົ່ວໂລກ ຕະຫຼອດຮອດອົງການຈັດຕັ້ງສາກົນ ຫຼື ອົງການພາກພື້ນ 8 ອົງການ ໂດຍມີການໄປມາຫາສູ່ແລກປ່ຽນບົດຮຽນນຳກັນເລື້ອຍໆ!
ສ: ຖືວ່າ ສະພາປຶກສາການເມືອງຈີນມີຄວາມສຳຄັນຫຼາຍໃນການປະກອບສ່ວນພັດທະນາຊາດ ເພາະວ່າຜູ່ແທນກໍ່ຄືເວົ້າຫັ້ນລະວ່າ ມາຈາກທຸກຂະແໜງການ ທຸກທ້ອງຖິ່ນ ທຸກສາຂາອາຊີບ ທຸກເພດທຸກໄວ ທຸກຊົນເຜົ່າ ເພື່ອເຮັດໃຫ້ກວມໝົດທຸກຂະແໜງການທ້ອງຖິ່ນອີ່ຫຼີ, ດາລາ ຫຼື ນັກກິລາດັງໆຂອງຈີນກໍ່ເປັນສະມາຊິກຂອງສະພານີ້ຫຼາຍສົມຄວນ
ຊ: ສະພາປຶກສາການເມືອງ ປະຊາຊົນຈີນມີອາຍຸ 5 ປີ. ພາລະບົດບາດຕົ້ນຕໍຂອງສະພານີ້ທັງຢູ່ສູນກາງແລະທ້ອງຖິ່ນ ກໍ່ແມ່ນການໃຫ້ຄຳປຶກສາຫາລືກັນທາງດ້ານການເມືອງ ຄວບຄຸມການກວດກາແບບປະຊາທິປະໄຕ ເຂົ້າຮ່ວມການບໍລິຫານແລະ ຮ່ວມກັນປຶກສາຫາລືບັນຫາບ້ານເມືອງ
ສ: ທ່ານຜູ່ຟັງທີ່ຮັກແພງນີ້ ກໍແມ່ນເລື່ອງບັນຫາສຳຄັນທາງດ້ານການເມືອງຂອງຈີນ ທີ່ທາງລາຍການພວກເຮົານຳມາລົມ ມາສົນທະນາກັນໃນລາຍການຫ້ອງດົນ
ຕຣີ 93 ທາງວິທະຍຸສາກົນແຫ່ງປະເທດຈີນ ຫລື CRI 93 MHz ໃນມື້ນີ້
ພ: ຂໍຂອບໃຈທ່ານຜູ່ຟັງທຸກໆທ່ານທີ່ໄດ້ໃຫ້ກຽດຕິດຕາມຮັບຟັງມາໂດຽຕະຫລອດ ທ່ານຜູ່ຟັງທີ່ຮັກແພງມາຮອດນີ້ເວລາໃນລາຍການກໍໄກ້ຈະໝົດແລ້ວ ຂໍໃຫ້ທຸກທ່ານມີແຕ່ຄວາມສຸກຄວາມສະບາຍທຸກທົ່ວໜ້າ ພ້ອມສຽງເພງສຸດທ້າຍ ມື້ນີ້ຜູ່ດຳເນີນລາຍການທັງສອງສົມບັດ ແລະ ສົມແພງລາທ່ານໄປພຽງແຕ່ເທົ່ານີ້ ມື້ໜ້າພົບກັນໃໝ່ທີ່ເກົ່າເວລາເດີມ ສຳຫລັບມື້ນີ້ ສະບາຍດີ ໃສ່ເພງ 9 + 10
