ຫ້ອງດົນຕີ 93 ສະພາຜູ່ແທນປະຊາຊົນແຫ່ງຊາດຈີນ
(GMT+08:00) 2013-03-14 16:43:16 cri
ສ: ຍັງໜູ່ມຜູ້ສາວ ຄືດອກໄມ້ບານ ຍາມຊາລາການ ຄືດອກໄມ້ແຫ້ງຫ່ຽວ
ບໍ່ມີໃຜດອກ ຈະເກັ່ງກ້າຜູ້ດຽວ ຢາກມີຄົນແລຫຼຽວ ຕ້ອງເປັນເຈົ້າຕົນເອງ
ສະບາຍດີທ່ານຜູ້ຟັງທີ່ຮັກແພງແລະຄິດຮອດຄິດເຖິງທຸກໆທ່ານ ສະບາຍດີ ວັນນີ
ວ: ສະບາຍດີ ສົມບັດ ແລະ ສະບາຍດີ ທ່ານຜູ້ຟັງທີ່ຮັກແພງ ແລະ ຄິດຮອດຄິດເຖິງທຸກໆທ່ານເຊັ່ນດຽວກັນ ມາພົບກັບມິດລາຍການທ່ານຜູ້ຟັງມື້ນີ້ ຢູ່ໃນໄລຍະທີ່
ສ.ປຈີນ ກຳລັງດຳເນີນກອງ ປະຊຸມ ຜູ່ແທນ ສະພາປະຊາຊົນແຫ່ງຊາດຈີນ ຊຶ່ງຈະດຳເນີນໄປເປັນເວລາ 12 ວັນເຄິ່ງ.
ສ: ແມ່ນແລ້ວ ໃນເດືອນມີນານີ້ ກໍເປັນໄລຍະທີ່ດຳເນີນກອງປະຊຸມ 2 ສະພາ ຄື
ກອງປະຊຸມສະພາປຶກສາການເມືອງປະຊາຊົນຈີນໄດ້ໄຂຂຶ້ນ ໃນວັນທີ່ 3 ມີນາ ແລະ ຕໍ່ມາໃນວັນທີ່ 5 ມີນາ ກອງປະຊຸມຜູ່ແທນສະພາປະຊາຊົນແຫ່ງຊາດຈີນກໍໄດ້ໄຂຂຶ້ນຫ່າງກັນພຽງແຕ່ວັນດຽວ
ວ: ແມ່ນແລ້ວ ຊຶ່ງໃນແຕ່ລະປີໄຂຂຶ້ນເທື່ອໜຶ່ງ ແລະ ກໍແມ່ນ ໄດ້ດຳເນີນຢູ່ໃນໄລຍະດຽວກັນ ຄືໃນ ວັນທີ່ 3 ແລະວັນທີ່ 5 ນີ້ເອງຖືວ່າສອງກອງປະຊຸມສະພານີ້ສຳຄັນສຸດດ້ານວຽກງານລັດ ວຽກງານຂອງປະເທດ ເພາະວ່າສະພາທີ່ປຶກສາການເມືອງປະຊາຊົນ ກໍ່ເຮັດໜ້າທີ່ໃຫ້ຄຳປຶກສາແກ່ລັດຖະບານ ເປັນອົງການແນວໂຮມທີ່ຮັກຊາດ, ສ່ວນສະພາແຫ່ງຊາດກໍ່ເປັນອົງການນິຕິບັນຍັດສູງສຸດຂອງປະເທດ.
ສ: ແມ່ນແລ້ວ,ໃນຕອນບ່າຍວັນທີ 25 ກຸມພາຜ່ານມາ, ກອງປະຊຸມສາມັນຂອງຄະນະປະຈຳສະພາປະຊາຊົນແຫ່ງຊາດຈີນສະໄໝທີ 11ໄຂຂຶ້ນຢູ່ນະຄອນ
ຫຼວງປັກກິ່ງ, ກອງປະຊຸມໄດ້ສຳຫຼວດພິຈາລະນາບົດລາຍງານການສຳຫຼວດພິຈາ ລະນາຄຸນວຸດຂອງຜູ່ແທນສະພາປະຊາຊົນແຫ່ງຊາດຈີນສະໄໝທີ 12.
ວ: ແຕ່ຕອນນີ້ມາຟັງເພງຈາກລາຍການຫ້ອງດົນຕຣີ 93 CRI93 Mhz ກ່ອນ ຈາກນັ້ນທາງລາຍການກໍຈະນຳສະເໜີ ໃຫ້ທ່ານໄດ້ຮູ້ຈັກກັບ ສະພາຜູ່ແທນປະຊາ
ຊົນແຫ່ງຊາດຈີນ ເນື່ອງວາລະການດຳເນີນກອງປະຊຸມຂອງສະພາຜູ່ແທນ ປະຊາ
ຊົນແຫ່ງຊາດຈີນ
ໃສ່ເພງ 1 + 2
ວ: ທ່ານກໍໄດ້ມ່ວນໆກັບສຽງເພງຈາກທາງລາຍການ ຫ້ອງດົນຕຣີ 93 ຄື້ນສຽງຄື້ນໃຈ CR FM 93 Mhz ຂອງພວກເຮົາຜ່ານໄປ ມາຟັງຕໍ່ກ່ຽວກັບການຄັດເລືອກເອົາຜູ່ແທນທີ່ເຂົ້າຮ່ວມນັ້ນ ແມ່ນອີງຕາມກົດໝາຍການເລືອກຕັ້ງ ແລະ ຂໍ້ກຳນົດທີ່ກ່ຽວ
ຂ້ອງ, 35 ຫົວໜ່ວຍການເລືອກຕັ້ງ, ເຊັ່ນ: ບັນດາແຂວງ, ເຂດປົກຄອງຕົນເອງ, ກຳແພງນະຄອນ, ເຂດບໍລິຫານພິເສດຮົງກົງ, ເຂດບໍລິຫານພິເສດມາກາວ ແລະ ກອງທັບປົດປ່ອຍປະຊາຊົນຈີນ ໄດ້ເລືອກເອົາຜູ່ແທນ ຂອງສະພາປະຊາຊົນແຫ່ງ
ຊາດຈີນສະໄໝທີ 12 ທັງໝົດ 2987 ທ່ານ.
ສ: ກ່ອນຈະຟັງກ່ຽວກັບສະພາຜູ່ແທນປະຊາຊົນແຫ່ງຊາດຈີນມີພາລະບົດບາດຫຍັງນັ້ນ ມາຟັງກ່ຽວກັບລະບົບການເມືອງຂອງຈີນກ່ອນ. ປະເທດຈີນທີ່ເປັນປະເທດໃຫຍ່ທີ່ສຸດອັນດັບ 3 ຂອງໂລກ, ພົນລະເມືອງຫຼາຍທີ່ສຸດໃນໂລກ ແລະ ເປັນປະເທດທີ່ຂະໜາດເສດຖະກິດໃຫຍ່ອັນດັບ 2 ຂອງໂລກແລ້ວ.
ວ: ເວົ້າເຖິງລະບົບລັດຂອງຈີນ, ສ.ປ ຈີນ ເປັນປະເທດສັງຄົມນິຍົມທີ່ນຳໂດຍຊົນຊັ້ນກຳມະກອນແລະ ມີພັນທະມິດ ກຳມະກອນ-ຊາວນາ ເປັນຮາກຖານ, ລະບອບສັງຄົມນິຍົມເປັນລະບອບພື້ນຖານຂອງ ສ.ປ ຈີນ.
ສ: ສວ່ນວ່າລັດຖະທຳມະນູນເປັນກົດໝາຍພື້ນຖານຂອງລັດ ໂດຍທົ່ວໄປຈະລະບຸແຈ້ງ ກ່ຽວກັບລະບອບສັງຄົມຂອງລັດໃດລັດໜຶ່ງ ແລະ ຫຼັກການພື້ນຖານກ່ຽວກັບລະບອບຂອງລັດ ຫຼັກການພື້ນຖານກ່ຽວກັບການຈັດຕັ້ງ ແລະການເຄື່ອນໄຫວຂອງໜ່ວຍງານລັດຖະບານ
ວ: ທ່ານຜູ້ຟັງມາປ່ຽນບັນຍາກາດຟັງເພງ ຈາກທາງລາຍການຫ້ອງດົນຕຣີ 93 ອີກກ່ອນ
ໃສ່ເພງ 3 + 4
ວ: ຟັງເພງຜ່ານໄປແລ້ວມາຟັງຕໍ່ກ່ຽວກັບລັດຖະທຳມະນູນນັ້ນລວມມີ ສິດແລະໜ້າທີ່ພື້ນຖານຂອງພົນລະເມືອງ ແລະ ເລື່ອງສຳຄັນອື່ນໆ ທີ່ມີສ່ວນກ່ຽວຂ້ອງດ້ານຕ່າງໆຂອງຊີວິດຂອງລັດ. ລັດຖະທຳມະນູນບາງສະບັບ ຍັງໄດ້ກຳນົດທຸງຊາດ, ເພງຊາດ, ກາໝາຍຊາດ, ນະຄອນຫຼວງ ແລະ ລະບອບອື່ນໆທີ່ຊົນຊັ້ນປົກຄອງເຫັນວ່າເປັນເລື່ອງສຳຄັນ ທີ່ມີສ່ວນກ່ຽວຂ້ອງເຖິງດ້ານຕ່າງໆທາງຊີວິດຂອງລັດ
ສ: ລັດຖະທຳມະນູນມີອຳນາດເປັນກົດໝາຍສູງສຸດ ເປັນຂໍ້ອ້າງອີງໃນການບັນຍັດກົດໝາຍອື່ນໆ ສະນັ້ນກົດໝາຍ ຫຼື ຂໍ້ກຳນົດລະບົບມະຕິຄຳສັ່ງຕ່າງໆ ຈະຂັດກັບລັດຖະບານບໍ່ໄດ້. ອັນນີ້ກໍ່ຖືວ່າເປັນຄວາມຮູ້ລວມກ່ຽວກັບຄຳວ່າລັດຖະທຳມະນູນເນາະ
ວ:ບັດນີ້ຈະລົງເລິກເຖິງລັດຖະທຳມະນູນຂອງຈີນ,ມີຫຼັກການແລະນະໂຍບາຍຮ່ວມກັນຂອງສະພາປຶກສາການເມືອງປະຊາຊົນຈີນ ທີ່ໄດ້ປະກາດອອກມາກ່ອນທີ່ ສ.ປ ຈີນ ຈະສະຖາປະນາຂື້ນນັ້ນ ບໍ່ພຽງແຕ່ເປັນຫຼັກນະໂຍບາຍຂອງແນວໂຮມປະຊາທິ
ປະໄຕປະຊາຊົນຈີນເທົ່ານັ້ນ
ສ: ແຕ່ມັນຍັງໄດ້ຂະຫຍາຍບົດບາດກາຍມາເປັນລັດຖະທຳມະນູນຊົ່ວຄາວຂອງຈີນອີກ ຫຼັກນະໂຍບາຍຮ່ວມກັນ ໄດ້ລົງມະຕິຮັບຮອງໃນກອງປະຊຸມໃຫຍ່ຄັ້ງທຳອິດຂອງສະພາປຶກສາການເມືອງປະຊາຊົນ ແລະ ປະກາດອອກໃນວັນທີ 29 ກັນຍາ 1949
ວ: ລັດຖະທຳມະນູນທີ່ໄດ້ປະກາດອອກໃນວັນທີ 29 ກັນຍາ 1949 ໄດ້ກາຍເປັນລັດຖະທຳມະນູນຊົ່ວຄາວຂອງຈີນ ຫຼັງຈາກສະຖາປະນາ ສ.ປ ຈີນ ໃນວັນທີ 1 ຕຸລາ 1949 ແລ້ວ ໃນປີ 1954 ຈຶ່ງໄດ້ບັນຍັດແລະປະກາດລັດຖະທຳມະນູນສະບັບທຳອິດຂອງຈີນ
ສ: ຈາກນັ້ນມາກໍ່ມີການປັບປຸງ 3 ເທື່ອ ຄືໃນປີ 1975, 1978, 1982 ຖືວ່າສະບັບລ່າສຸດປະກາດໃຊ້ເມື່ອວັນທີ 4 ທັນວາ 1982 ນັ້ນກໍ່ແມ່ນການສືບທອດແລະພັດທະນາຫຼັກການພື້ນຖານຂອງລັດຖະທຳມະນູນຈີນທຳອິດໃນປີ 1954 ນັ້ນເອງ.
ວ: ມາຟັງເພງອີກກ່ອນຈາກນັ້ນຈຶ່ງມາລົມກັນກ່ຽວກັບເລື່ອງສະພາຜູ່ແທນປະຊາ
ຊົນແຫ່ງຊາດຈີນເນື່ອງວາລະການດຳເນີນກອງປະຊຸມຂອງສະພາຜູ່ແທນປະຊາ
ຊົນແຫ່ງຊາດຈີນທີ່ໄຂຂຶ້ນໃນວັນທີ່ 5 ມີນານັ້ນ
ໃສ່ເພງ 5 + 6
ວ:ຟັງເພງຜ່ານໄປອີກແລ້ວ ມາຟັງຕໍ່ລັດຖະທຳມະນູນຂອງຈີນ ລັກສະນະພິເສດຂອງລັດຖະທຳມະນູນສະບັບນີ້ແມ່ນໄດ້ລະບຸເຖິງລະບອບແລະໜ້າທີ່ພື້ນຖານຂອງຈີນ ໄດ້ກຳນົດຫຼັກການພື້ນຖານ 4 ປະການ ແລະຫຼັກການພື້ນຖານວ່າດ້ວຍການປະຕິຮູບ ແລະ ໄຂປະຕູສູ່ພາຍນອກ
ສ: ໂດຍກຳນົດວ່າ: ປະຊາຊົນເຜົ່າຕ່າງໆແລະທຸກອົງການຕ່າງໆທົ່ວປະເທດ ຕ້ອງຖືລັດຖະທຳມະນູນເປັນຫຼັກການໃນການເຄື່ອນໄຫວ ບໍ່ວ່າອົງການຫຼືບຸກຄົນໃດ ກໍ່ບໍ່ມີສິດອຳນາດພິເສດເໜືອລັດຖະທຳມະນູນໄດ້
ວ: ລັດຖະທຳມະນູນນີ້ແບ່ງອອກເປັນ 5 ໝວດຄື: ໝວດຄຳນຳທົ່ວໄປ, ສິດແລະໜ້າທີ່ພື້ນຖານຂອງພົນລະເມືອງ, ອົງກອນຂອງລັດ, ທຸງຊາດ, ກາໝາຍຊາດ ແລະ ນະຄອນຫຼວງ ລວມມີ 4 ບົດ 138 ມາດຕາ.
ສ: ບາດນີ້ກໍມາຮູ້ຈັກກັບ ສະພາຜູ່ແທນປະຊາຊົນແຫ່ງຊາດຈີນ ເນື່ອງໃນວາລະການດຳເນີນກອງປະຊຸມ ຂອງສະພາຜູ່ແທນປະຊາຊົນແຫ່ງຊາດຈີນທີ່ໄຂຂຶ້ນໃນວັນທີ່ 5 ມີນານັ້ນ
ວ: ລະບອບ ສະພາຜູ່ແທນປະຊາຊົນ ແມ່ນ ລະບອບການເມືອງພື້ນຖານອັນເປັນກົກຮາກຂອງຈີນ. ສະພາປະຊາຊົນແຫ່ງຊາດ ແມ່ນອົງການອຳນາດແຫ່ງລັດເຊິ່ງປະກອບດ້ວຍຜູ່ແທນ ທີ່ເລືອກຕັ້ງໂດຍແຂວງ, ເຂດປົກຄອງຕົນເອງ, ກຳແພງນະ
ຄອນ,ເຂດບໍລິຫານພິເສດ ແລະ ກອງທັບປົດປ່ອຽປະຊາຊົນຈີນ
ວ: ເອົາລະທ່ານຜູ່ຟັງມາມ່ວນໆກັບຜົນງານເພງຈາກລາຍການຫ້ອງດົນຕຣີ 93 ວິ
ທະຍຸສາກົນແຫ່ງປະເທດຈີນກ່ອນ
ໃສ່ເພງ 7+ 8
ວ: ຂະນະນີ້ທ່ານກຳລັງໃຫ້ກຽດຕິດຕາມຮັບຟັງລາຍການຫ້ອງດົນຕຣີ 93 ວິທະຍຸສາກົນແຫ່ງປະເທດຈີນ FM 93 MHz ມາຟັງຕໍ່ ກ່ຽວກັບສະພາຜູ່ແທນປະຊາຊົນແຫ່ງຊາດຈີນ ຕໍ່ຈາກຫວ່າງນຶ່ງນັ້ນ
ສ: ສະພາປະຊາຊົນແຫ່ງຊາດຈີນ ປະຕິບັດສິດນິຕິບັນຍັດແຫ່ງລັດ, ຕົກລົງບັນຫາສຳຄັນໃນຊີວິດການເມືອງແຫ່ງລັດ. ສິດ ແລະ ໜ້າທີ່ຕົ້ນຕໍຂອງສະພາປະຊາຊົນ
ແຫ່ງຊາດຈີນ ມີດັ່ງນີ້: ປັບປຸງລັດຖະທຳມະນູນ, ຕິດຕາມກວດກາການປະຕິບັດລັດຖະທຳມະນູນ,ສ້າງແລະປັບປຸງກົດໝາຍຕ່າງໆເຊັ່ນ,ກົດໝາຍອາຍາ, ກົດໝາຍແພ່ງ,ກົດໝາຍພື້ນຖານຂອງກົງຈັກລັດ ແລະ ອື່ນໆ; ວ: ສຳຫຼວດກວດກາ ແລະ ຮັບຮອງແຜນການພັດທະນາເສດຖະກິດສັງຄົມແຫ່ງ
ຊາດກໍຄືບົດລາຍງານກ່ຽວກັບການປະຕິບັດແຜນການດັ່ງກ່າວ, ບົດລາຍງານກ່ຽວກັບງົບປະມານແຫ່ງລັດພ້ອມດ້ວຍບົດລາຍງານ ກ່ຽວກັບສະພາບການປະຕິບັດງົບປະມານ. ອະນຸມັດການສ້າງຕັ້ງແຂວງ,ເຂດປົກຄອງຕົນເອງແລະກຳແພງນະຄອນ
ສ: ພ້ອມດຽວກັນນີ້ຕົກລົງການສ້າງຕັ້ງເຂດບໍລິຫານພິເສດແລະລະບອບຂອງເຂົາເຈົ້າ.ຕົກລົງບັນຫາສົງຄາມແລະສັນຕິພາບ. ເລືອກຕັ້ງແລະ ຕົກລົງການນຳຂອງອົງ
ການອຳນາດສູງສຸດ ແຫ່ງລັດ ຄືເລືອກຕັ້ງ ສະມາຊິກຄະນະປະຈຳສະພາປະຊາຊົນແຫ່ງຊາດຈີນ, ເລືອກຕັ້ງປະທານ,ຮອງປະທານປະເທດ,
ວ: ຕົກລົງແຕ່ງຕັ້ງນາຍົກລັດຖະມົນຕີແລະ ສະມາຊິກອື່ນໆຂອງຄະນະລັດຖະບານ,ເລືອກຕັ້ງປະທານຄະນະກຳມະການການທະຫານສູນກາງ ແລະ ຕົກລົງຜູ່ສະໝັກຮັບເລືອກຕັ້ງສະມາຊິກອື່ນໆ ຂອງຄະນະກຳມະການດັ່ງກ່າວ.
ສ: ເລືອກຕັ້ງປະທານສານປະຊາຊົນສູງສຸດ, ເລືອກຕັ້ງອະທິໄອຍະການຂອງອົງ
ການອະທິໄອຍະການປະຊາຊົນ,ສະພາປະຊາຊົນແຫ່ງຊາດຈີນຍັງມີສິດປົດຕຳແໜ່ງຂອງບຸກຄົນດັ່ງກ່າວອີກດ້ວຍ.
ວ: ເອົາລະທ່ານຜູ່ຟັງມາມ່ວນໆກັບຜົນງານເພງຈາກລາຍການຫ້ອງດົນຕຣີ 93 ວິ
ທະຍຸສາກົນແຫ່ງປະເທດຈີນກ່ອນ
ໃສ່ເພງ 7+ 8
ວ: ຟັງເພງມ່ວນໆໄປແລ້ວກໍມາເຂົ້າສູ່ການສົນທະນາກັນກັບເລື່ອງສະພາຜູ່ແທນ
ປະຊາຊົນແຫ່ງຊາດຈີນເນື່ອງວາລະການດຳເນີນກອງປະຊຸມຂອງສະພາຜູ່ແທນ
ປະຊາຊົນແຫ່ງຊາດຈີນທີ່ໄຂຂຶ້ນໃນວັນທີ່ 5 ມີນານັ້ນ
ສ: ສະພາປະຊາຊົນແຫ່ງຊາດຈີນແຕ່ລະຊຸດມີອາຍຸການ 5 ປີ, ຈັດກອງປະຊຸມປີລະເທື່ອ. ໃນໄລຍະປິດກອງປະຊຸມສະພາປະຊາຊົນແຫ່ງຊາດ,ແມ່ນໃຫ້ອົງການປະຈຳຂອງສະພາດັ່ງກ່າວຄືຄະນະປະຈຳສະພາປະຊາຊົນແຫ່ງຊາດຈີນປະຕິບັດສິດອຳ
ນາດສູງສຸດແຫ່ງລັດ
ວ: ຄະນະປະຈຳສະພາ ປະຊາຊົນແຫ່ງຊາດຈີນ ປະກອບດ້ວຍປະທານ, ຮອງປະ
ທານ,ເລຂາທິການແລະກຳມະການ.ນິຕິບັນຍັດຂອງຈີນ ແບ່ງອອກເປັນ ນິຕິບັນຍັດຂອງ ສະພາປະຊາຊົນແຫ່ງຊາດແລະຄະນະປະຈຳສະພາດັ່ງກ່າວ,
ສ:ນິຕິບັນຍັດຂອງຄະນະລັດຖະບານແລະກະຊວງທະບວງກົມທີ່ຂຶ້ນກັບຄະນະລັດ
ຖະບານ,ນິຕິບັນຍັດຂອງທ້ອງຖິ່ນທົ່ວໄປ, ນິຕິບັນຍັດຂອງເຂດຊົນເຜົ່າປົກຄອງຕົນເອງ,ນິຕິບັນຍັດຂອງເຂດເສດຖະກິດພິເສດ ແລະ ເຂດບໍລິຫານພິເສດ.
ວ: ຄັນເວົ້າເຖິງບົດບາດໜ້າທີ່ຂອງປະຊາຊົນແຫ່ງຊາດຈີນທີ່ ໄຂກອງປະຊຸມປະ
ຈຳປີຂອງຕົນຂື້ນໃນວັນທີ 5 ຫຼື ວັນອັງຄານນັ້ນ ກໍ່ທຳໜ້າທີ່ຄ້າຍໆກັບ ສະພາແຫ່ງຊາດຂອງລາວນິລະ ຄືພິຈາລະນາຮັບຮອງເອົາການພັດທະນາເສດຖະກິດ-
ການເມືອງຂອງລັດຖະບານໃນຜ່ານມາ , ຄົ້ນຄ້ວາພິຈາລະນາຮັບຮອງແຜນຕໍ່ໄປ
ສ: ລວມທັງການຄົ້ນຄ້ວາ ແລະ ຮັບຮອງເອົາການປັບປຸງແລະສ້າງກົດໝາຍໃໝ່ ແລະແຜນງົບປະມານການເງິນ ອັນນີ້ຄືບົດບາດຫຍໍ້ໆຂອງສະພາປະຊາຊົນແຫ່ງຊາດຈີນ
ວ: ມື້ນີ້ໄດ້ນຳສະເໜີໃຫ້ທ່ານໄດ້ຟັງ ເລື່ອງ ສະພາປະຊາຊົນແຫ່ງຊາດຈີນ ເວລາ
ໝົດແລ້ວ ຟັງເພງຊຸດສຸດທ້າຍ ພ້ອມກັບສຽງເພງຈົບລົງເມື່ອໃດຜູ່ດຳເນີລາຍການທັງສອງ ສົມບັດ ແລະ ວັນນີ ຈາກລາທ່ານຜູ້ຟັງໄປ ສະບາຍດີ
ໃສ່ເພງ 9 + 10
