ຫ້ອງດົນຕີ 93 ຂັ້ນຕອນການດຳເນີນກອງປະຊຸມ 2 ສະພາຂອງຈີນ ວັນທີ 3 ແລະ 5 ມີນາ 2013
ສ: ເສີມຂະຫຍາຍລະບອບປະຊາທິປະໄຕປະປະຊາຊົນ ພາຍໃຕ້ການນຳພາຂອງພັກ ແມ່ນເສັ້ນທາງກ້າວສູ່ສັງຄົມນິຍົມ ສະບາຍດີທ່ານຜູ້ຟັງທີ່ຮັກແພງ ແລະ ຄິດຮອດຄິດເຖິງທຸກໆທ່ານ ສະບາຍດີ ວັນນີ
ວ: ສະບາຍດີ ສົມບັດ ແລະ ສະບາຍດີ ທ່ານຜູ້ຟັງທີ່ຮັກແພງ ແລະ ຄິດຮອດຄິດເຖິງທຸກໆທ່ານເຊັ່ນດຽວກັນ ກັບມາພົບກັບມິດລາຍການທ່ານຜູ້ຟັງເຊັ່ນເຄີຍ ໃນວັນພະຫັດ ແລະ ວັນສຸກ ແມ່ນສົມບັດ ແລະ ວັນນີມາດຳເນີນລາຍການສູ່ທ່ານຟັງ
ສ: ມາພົບມິດລາຍການທ່ານຜູ່ຟັງມື້ນີ້ ຢູ່ໃນໄລຍະຊົມເຊີຍຜົນສຳເລັດ ຂອງສອງ
ກອງປະຊຸມ ຄື: ກອງປະຊຸມສະພາປຶກສາການເມືອງປະຊາຊົນຈີນ ແລະ ກອງປະຊຸມ ຜູ່ແທນ ສະພາປະຊາຊົນແຫ່ງຊາດຈີນ ຊຶ່ງໄດ້ສຳເລັດ ລົງດ້ວຍຜົນສຳເລັດອັນຈົບງາມ
ວ: ສ່ວນຢູ່ລາວກໍແມ່ນການສ້າງຜົນງານເພື່ອຂໍ່ານັບຮັບຕ້ອນວັນສ້າງຕັ້ງພັກປະຊາ
ຊົນປະຕິວັດລາວຄົບຮອບ 58 ປີ ເປັນຂີດໝາຍປະຫວັດສາດການຕໍ່ສູ້ຂອງປວງຊົນລາວທັງຊາດທີ່ມີພັກນຳພາໃນການຕໍ່ສູ້ເພື່ອຍາດເອົາເອກະລາດ ອະທິປະໄຕມາໃຫ້ ແກ່ຊາດ
ສ: ແມ່ນແລ້ວ ຄືວັນນີເວົ້ານັ້ນລະເນາະ ພາຍໄຕ້ການນຳພາອັນປີຊາສາມາດແລະສະຫລາດສ່ອງໃສຂອງພັກປະຊາຊົນປະຕິວັດລາວ ຈິ່ງເຮັດໃຫ້ປະເທດຊາດໄດ້ຮັບການປົດປ່ອຍອອກຈາກອຳນາດການປົກຄອງເກົ່າ, ອອກຈາກການເປັນຫົວເມືອງຂຶ້ນຂອງຕ່າງຊາດມາເປັນເວລາຍາວນານ
ວ: ແລ້ວ ສ້າງຕັ້ງລະບອບໃໝ່ ລະບອບປະຊາທິປະໄຕປະຊາຊົນ ໃນວັນທີ່ 2 ທັນວາ 1975 ນັ້ນເອງ ແຕ່ຕອນນີ້ມາມ່ວນຊື່ນ ກັບສຽງເພງຈາກລາຍການຫ້ອງດົນຕຣີ 93 CRI ຄື້ນສຽງຄື້ນໃຈ 93 Mhz ກ່ອນ ຈາກນັ້ນມາຮູ້ຈັກັບຂັ້ນຕອນການດຳເນີນກອງປະຊຸມ 2 ສະພາຂອງຈີນ ວັນທີ 3 ແລະ 5 ມີນາ 2013
ໃສ່ເພງ 1 + 2
ວ: ທ່ານກໍໄດ້ມ່ວນໆກັບສຽງເພງຈາກທາງລາຍການ ຫ້ອງດົນຕຣີ 93 ຄື້ນສຽງຄື້ນໃຈ CRI FM 93 Mhzຂອງພວກເຮົາຜ່ານໄປບາດນີ້ກໍມາລົມກັນເລື່ອງຂັ້ນຕອນ ການດຳເນີນກອງປະຊຸມ 2 ສະພາຂອງຈີນ ວັນທີ 3 ແລະ 5 ມີນາ 2013
ສ: ຊຶ່ງວ່າວັນທີ23ກຸມພາ, ກົມການເມືອງສູນກາງພັກຄອມມູນິດຈີນຈັດກອງປະຊຸມ, ຕົກລົງຈະຈັດກອງປະຊຸມຄົບຄະນະຄັ້ງທີ 2 ຂອງຄະນະກຳມະການສູນກາງພັກ ຄອມມູນິດຈີນສະໄໝທີ 18 ແຕ່ວັນທີ 26-28 ກຸມພາ ຢູ່ທີ່ປັກກິ່ງ, ທ່ານສີຈິ້ນພິງ,ເລຂາທິການໃຫຍ່ສູນກາງພັກຄອມມູນິດຈີນນັ່ງເປັນປະທານ.
ວ: ກອງປະຊຸມຄົບຄະນະຂອງຄະນະກຳມະການສູນກາງພັກກອມມູນິດຈີນຄັ້ງທີ2ສະໄໝທີ 18ໄ ດ້ຈັດຂຶ້ນແຕ່ວັນທີ26ຫາວັນທີ28ກຸມພາຢູ່ທີ່ນະຄອນຫຼວງປັກກິ່ງ. ກອງປະຊຸມໄດ້ສຳຫຼວດພິຈາລະນາແລະຮັບຮອງບັນຊີລາຍຊື່ສະເໜີຂອງຜູ້ນຳອົງການແຫ່ງຊາດແລະຜູ້ນຳສະພາປຶກສາການເມືອງປະຊາຊົນແຫ່ງຊາດ.
ສ: ເຂົ້າຮ່ວມກອງປະຊຸມຄັ້ງນີ້ມີກຳມະການສູນກາງພັກ204 ທ່ານ, ກຳມະການສຳ
ຮອງ168ທ່ານ.ພ້ອມດ້ວຍບັນດາສະຫາຍຮັບຜິດຊອບທີ່ກ່ຽວຂ້ອງອີກຈຳນວນ ໜຶ່ງ.
ວ: ກອງປະຊຸມໄດ້ປຶກສາຫາລື" ແຜນການປະຕິຮູບກົງຈັກ ແລະ ປັບປຸງພາລະບົດ
ບາດຂອງລັດຖະບານສະບັບຮ່າງ ". ກອງປະຊຸມເຫັນວ່າ, ການປະຕິຮູບໂຄງປະ
ກອບການບໍລິຫານແມ່ນຄວາມຮຽກຮ້ອງຕ້ອງການ ທີ່ຈຳເປັນໃນການຊຸກຍູ້ໃຫ້ໂຄງບົນເໝາະສົມກັບໂຄງລ່າງ.
ສ: ຕ້ອງອີງຕາມນ້ຳໃຈຂອງກອງປະຊຸມໃຫຍ່ພັກຄອມມູນິດຄັ້ງທີ18, ປະຕິບັດຕາມເປົ້າໝາຍສ້າງສາໂຄງປະກອບການບໍລິຫານ ສັງຄົມນິຍົມທີ່ມີສີສັນພິເສດຂອງຈີນ
,ລົງເລິກປະຕິຮູບກົງຈັກ ແລະ ປັບປຸງພາລະບົດບາດຂອງລັດຖະບານ.ວ:ກອງປະຊຸມໄດ້ປຶກສາຫາລືກັນກ່ຽວກັບບັນຊີລາຍຊື່ຜູ້ນຳລັດທີ່ຈະສະເໜີໃຫ້ກອງປະຊຸມຄັ້ງທີ 1ຂອງສະພາຜູ້ແທນປະຊາຊົນທົ່ວປະເທດຊຸດທີ 12 ແລະບັນຊີລາຍຊື່ຜູ້ນຳສະພາປຶກສາການເມືອງປະຊາຊົນທົ່ວປະເທດ ທີ່ຈະສະເໜີຕໍ່ກອງປະຊຸມຄັ້ງ
ທີ 1 ຂອງຄະນະກຳມະການສະພາປຶກສາການເມືອງປະຊາຊົນແຫ່ງຊາດຈີນຊຸດທີ
12.ສ: ກອງປະຊຸມກຳນົດວ່າຈະຖືເອົາເນື້ອໃນສອງດ້ານດັ່ງກ່າວເປັນຫົວຂໍ້ຂອງກອງປະຊຸມຄົບຄະນະຄັ້ງທີ 2 ຂອງຄະນະກຳມະການສູນກາງພັກຄອມມູນິດຈີນສະໄໝທີ 18.ກອງປະຊຸມໄດ້ປຶກສາຫາລືກັນກ່ຽວກັບ " ບົດລາຍງານວຽກງານຂອງລັດຖະ
ບານ"ທີ່ຈະຍື່ນໃຫ້ກອງປະຊຸມຄັ້ງທີ 1 ຂອງສະພາຜູ້ແທນປະຊາຊົນແຫ່ງຊາດຈີນ
ຊຸດທີ 12 ນຳໄປຄົ້ນຄວ້າພິຈາລະນາ,ເຫັນດີນຳລັດຖະບານທີ່ຈະຍື່ນບົດລາຍງານວຽກງານລັດຖະບານໃຫ້ກອງປະຊຸມຄັ້ງທີ1ຂອງກອງປະຊູມຜູ້ແທນປະຊາຊົນແຫ່ງຊາດຈີນຊຸດທີ 12 ນຳໄປຄົ້ນຄວ້າພິຈາລະນາ.
ວ: ເອົາລະທ່ານຜູ້ຟັງມາປ່ຽນບັນຍາກາດຟັງເພງ ຈາກທາງລາຍການຫ້ອງດົນຕຣີ 93 ອີກກ່ອນ
ໃສ່ເພງ 3 + 4
ວ:ທ່ານກໍໄດ້ຟັງເພງຈາກທາງລາຍການຫ້ອງດົນຕຣີ93CRI ວິທະຍຸສາກົນແຫ່ງ
ປະເທດຈີນ 93 Mhz ຖ້າທ່ານຢາກຕຳນິຕິຊົມລາຍການໂທຣຫາໄດ້ 0086-10
-6889219 ທາງຂໍ້ຄວາມສັ້ນຖ້າທ່ານໃຊ້ຫລັກ (2)2930, (5) 5930, (7)7930
, (9)9930 ຫລື ທາງemail :laos@cri.cn ມາຟັງຕໍ່ ຂັ້ນຕອນການດຳເນີນກອງປະຊຸມ 2 ສະພາຂອງຈີນ ວັນທີ 3 ແລະ 5 ມີນາ 2013
ສ: ແລະຕໍ່ມາວັນທີ 27 ກຸມພາ , ກອງປະຊຸມຄັ້ງທີ 31 ຂອງຄະນະປະຈຳສະພາປະຊາຊົນແຫ່ງຊາດຈີນ ສະໄໝທີ 11ໄດ້ລົງຄະແນນສຽງຮັບຮອງ ຄຸນວຸດຂອງຜູ່
ແທນສະພາປະຊາຊົນແຫ່ງຊາດສະໄໝທີ 12 ທັງໝົດ 2987 ທ່ານ. ຫຼັງກອງປະຊຸມ, ຄະນະປະຈຳສະພາປະຊາຊົນແຫ່ງຊາດ ໄດ້ປະກາດບັນຊີລາຍຊື່ຂອງຜູ້ແທນ .
ວ: ອີງຕາມຂໍ້ກຳນົດທີ່ລະບຸໄວ້ໃນກົດໝາຍວ່າດ້ວຍການເລືອກຕັ້ງ ແລະກົດໝາຍສະບັບອື່ນໆ, ແລະ ພາຍໃຕ້ການເປັນປະທານຂອງຄະນະປະຈຳສະພາປະຊາຊົນແຫ່ງຊາດ, ນັບແຕ່ກາງເດືອນທັນວາປີ 2012 ຮອດເດືອນມັງກອນປີ 2013, 35 ຫົວໜ່ວຍເລືອກຕັ້ງໃນທົ່ວປະເທດ ໄດ້ເລືອກຕັ້ງຜູ້ແທນສະພາປະຊາຊົນແຫ່ງຊາດສະໄໝທີ 12 ທັງໝົດ 2987 ທ່ານ.
ສ: ການເລືອກຕັ້ງຜູ້ແທນສະພາປະຊາຊົນແຫ່ງຊາດເທື່ອນີ້ ແມ່ນດຳເນີນໄປຕາມອັດຕາປະຊາກອນເທົ່າກັນລະຫວ່າງຕົວເມືອງກັບຊົນນະບົດເປັນຄັ້ງທຳອິດນັບແຕ່ຈີນໄດ້ປັບປຸງກົດໝາຍການເລືອກຕັ້ງໃນປີ 2010 ເປັນຕົ້ນມາ.
ວ: ຜົນການເລືອກຕັ້ງປະກົດວ່າ, ຢູ່ເຂດແຄວ້ນຕ່າງໆ, ຊົນເຜົ່າຕ່າງໆ ແລະ ດ້ານຕ່າງໆ ລ້ວນແຕ່ມີຜູ້ແທນຈຳນວນທີ່ເໝາະສົມ, ໂດຍສະເພາະຜູ້ແທນຈາກກຳມະກອນ ແລະ ຊາວກະສິກອນໄດ້ມີອັດຕາເພີ່ມຂຶ້ນຢ່າງຊັດເຈນ,
ສ: ຈຳນວນຜູ້ແທນຈາກຊາວກະສິກອນທີ່ໄປເຮັດວຽກໃນຕົວເມືອງ ໄດ້ເພີ່ມຂຶ້ນຢ່າງຫຼວງຫຼາຍ, ອັດຕາຜູ້ແທນແມ່ຍິງກໍໄດ້ເພີ່ມຂຶ້ນ, ຜູ້ແທນຈາກພະນັກງານການນຳພັກ ແລະ ລັດໄດ້ກວມອັດຕາຫຼຸດລົງຢ່າງຊັນເຈນ, ອັດຕາຕົວແທນຂອງຜູ້ແທນໄດ້ຮັບການປັບປຸງດີຂຶ້ນຕື່ມອີກ.
ວ: ວັນທີ່28 ກຸມພາສື່ທາງການຈີນເຜີຍແຜ່ປະກາດແຈ້ງການຂອງກອງປະຊຸມຄົບຄະນະຂອງຄະນະກຳມະການສູນກາງພັກກອມມູນິດຈີນຄັ້ງທີ 2 ສະໄໝທີ 18 ທີ່ຮັບຮອງໂດຍກອງປະຊຸມຄົບຄະນະ.ມາຟັງເພງອີກຊຸດໜຶ່ງກ່ອນ ມອບເປັນຄວາມມ່ວນຊື່ນໃຫ້ແກ່ທຸກໆທ່ານ
ໃສ່ເພງ 5 + 6
ວ:ຟັງເພງຜ່ານໄປອີກແລ້ວມາກ້າວເຂົ້າສູ່ການ ຮູ້ຈັກກັບ ຂັ້ນຕອນການດຳເນີນກອງປະຊຸມ ສອງສະພາ ຂອງຈີນຕໍ່ຈາກຫວ່າງນຶ່ງນັ້ນ
ສ: ມາຕອນບ່າຍວັນທີ 3 ມີນານີ້, ກອງປະຊຸມປະຈຳປີຂອງສະພາປຶກສາການເມືອງປະຊາຊົນແຫ່ງຊາດຈີນ ເຊິ່ງເປັນອົງການປຶກສາການເມືອງສູງສຸດຂອງຈີນ ໄດ້ໄຂຂຶ້ນຢູ່ນະຄອນຫຼວງປັກກິ່ງ.ນີ້ແມ່ນກອງປະຊຸມປະຈຳປີຄັ້ງທຳອິດຂອງສະພາ
ປຶກສາການເມືອງຈີນສະໄໝທີ 12ໃນໄລຍະຕຳແໜ່ງທີ່ເປັນເວລາ 5ປີ, ຜູ້ນຳພັກແລະລັດ ເຊັ່ນ ທ່ານຫູຈີນທາວ, ທ່ານສີຈິ້ນຜິງ ແລະ ທ່ານອື່ນໆໄດ້ເຂົ້າຮ່ວມພິທີໄຂກອງປະຊຸມ.ວ: ທ່ານເຈຍຊິງລິນ ປະທານສະພາປຶກສາການເມືອງປະຊາຊົນແຫ່ງຊາດຈີນຊຸດທີ 11 ໄດ້ຕາງໜ້າຄະນະປະຈຳຊຸດກ່ອນ, ລາຍງານວຽກງານໃນ5ປີຜ່ານມາຕໍ່ກອງປະ
ຊຸມ, ແລະມີຄວາມສະເໜີຕໍ່ວຽກງານຂອງສະພາປຶກສາການເມືອງປະຊາຊົນແຫ່ງຊາດຊຸດໃໝ່.ສ: ມື້ດຽວກັນ, ກຳມະການຂອງສະພາປຶກສາການເມືອງ ປະຊາຊົນແຫ່ງຊາດ ຈີນ ຊຸດໃໝ່ 2 ພັນ 200 ກວ່າທ່ານກໍເລີ່ມປະຕິບັດພາລະໜ້າທີ່ຂອງຕົນ. ກຳມະການຊຸດນີ້ມີຜູ້ເປັນສະມາຊິກພັກກອມມູນິດກວມຈີນ 39,9%, ຜູ້ບໍ່ແມ່ນສະມາຊິກພັກກອມມູນິດຈີນກວມ 60,1%.
ວ: ວາລະຕົ້ນຕໍຂອງກອງປະຊຸມຄັ້ງນີ້ລວມທັງ: ຮັບຟັງ ແລະ ພິຈາລະນາສຳຫຼວດບົດລາຍງານວຽກງານ ຂອງຄະນະປະຈຳສະພາປຶກສາການເມືອງແຫ່ງຊາດ ແລະ
ບົດລາຍງານກ່ຽວກັບວຽກງານຍັດຕິ; ເຂົ້າຮ່ວມກອງປະຊຸມຄັ້ງທີ 1 ຂອງສະພາປະ
ຊາຊົນແຫ່ງຊາດຈີນສະໄໝທີ 12
ສ ຮັບຟັງ ແລະ ປຶກສາບົດລາຍງານວຽກງານລັດຖະບານ ແລະ ບົດລາຍງານ ກ່ຽວ
ຂ້ອງອື່ນໆ; ເລືອກຕັ້ງປະທານ, ຮອງປະທານ, ເລຂາທິການໃຫຍ່, ກຳມະການປະຈຳເປັນຕົ້ນຂອງສະພາເປິກສາການເມືອງແຫ່ງຊາດຈີນຊຸດທີ 12.
ວ: ມາປ່ຽນບັນຍາກາດມ່ວນໆກັບເພງຈາກທາງລາຍການອີກກ່ອນ ຫລັງຈາກນັ້ນຈິ່ງມາພົບກັບຜູ່ດຳເນີນລາຍການທັງ 2
ໃສ່ເພງ 7+ 8
ວ: ທ່ານກໍໄດ້ມ່ວນໆກັບສຽງເພງຈາກທາງລາຍການ ຫ້ອງດົນຕຣີ 93 CRI ວິທະຍຸສາກົນແຫ່ງປະເທດຈີນ 93 Mhz ຖ້າທ່ານຢາກຕຳນິຕິຊົມລາຍການໂທຣ
ຫາໄດ້0086-10-68892192 ທາງຂໍ້ຄວາມສັ້ນ ຖ້າທ່ານໃຊ້ຫລັກ (2) 2930 , (5) 5930,(7)7930,(9)9930ຫລືທາງemail:laos@cri.cn
ສ: ກ່ຽວກັບກອງປະຊຸມ ສະພາປຶກສາການເມືອງປະຊາຊົນຈີນວັນທີ 3-12 ມີນາ
2013 ນັກຂ່າວຈີນ ແລະ ຕ່າງປະເທດມີຄວາມສົນໃຈ ສະເໜີຊື່ມາເອົາຂ່າວກອງປະຊຸມສອງສະພາໃນປີນີ້ມີເຖິງ 3 ພັນກວ່າຄົນ, ໃນນັ້ນ,ນັກຂ່າວຕ່າງປະເທດມີເກືອບ 1ພັນຄົນ, ແລະນັກຂ່າວຮົງກົງ, ມາເກົາ ແລະ ໄຕ້ຫວັນຫຼາຍກວ່າ 400 ຄົນ.ວ: ນັກຂ່າວຕ່າງປະເທດເຫຼົ່ານີ້ສ່ວນໜຶ່ງ ແມ່ນນັກຂ່າວຂອງສື່ມວນຊົນຕົ້ນຕໍ ຂອງປະເທດທີ່ພັດທະນາແລ້ວ, ກໍມີສ່ວນໜຶ່ງແມ່ນນັກຂ່າວຂອງສື່ມວນຊົນປະເທດທີ່
ພວມພັດທະນາ ທີ່ມາຈາກອາຟຼິກາ ແລະ ອາເມລິກາລາຕິນ,
ສ: ເຂົາເຈົ້າສ່ວນຫຼາຍເອົາໃຈໃສ່ນຳຫົວຂໍ້ທີ່ວ່າ: ນະໂຍບາຍເສດຖະກິດມະຫາພາກແລະທ່ວງທ່າພັດທະນາເສດຖະກິດມະຫາພາກຂອງຈີນ,ຈີນຈະໃຊ້ນະໂຍ
ບາຍກະຕຸ້ນເສດຖະກິດໃໝ່ຫຼືບໍ່, ຈີນຈະໃຊ້ມາດຕະການຊ່ວຍເຫຼືອແນວໃດຕໍ່ວິກິດການໜີ້ສິນປະເທດເອີລົບເຫຼົ່ານີ້ເປັນຕົ້ນ.
ວ: ນອກນີ້, ເມື່ອທຽບກັບຫຼາຍປີຜ່ານມາແລ້ວ, ສື່ມວນຊົນຕ່າງປະເທດກໍໄດ້ສົນໃຈນຳບັນຫາຊີວິດການເປັນຢູ່ຂອງປະຊາຊົນຈີນຫຼາຍຂຶ້ນ, ເຊິ່ງລວມທັງ ການປະກັນສັງຄົມ, ການປະຕິຮູບດ້ານການປິ່ນປົວພະຍາດ, ການປະຕິຮູບລະບົບການສຶກສາ, ການດັດສົມລາຄາເຮືອນຢູ່ເຫຼົ່ານີ້ເປັນຕົ້ນ.
ສ: ທ່ານຜູ່ຟັງທີ່ຮັກແພງ ທີ່ທາງລາຍການຫ້ອງດົນຕຣີ 93 ວິທະຍຸສາກົນແຫ່ງປະເທດຈີນໄດ້ນຳສະເໜີໃຫ້ທ່ານໄດ້ຮູ້ຈັກກັບຂັ້ນຕອນການດຳເນີນກອງປະຊຸມສອງ
ສະພາຈີນເພື່ອໃເປັນການຊົມເຊີຍຜົນສຳເລັດຂອງກອງປະຊຸມສອງສະພາໃນຄັ້ງນີ້
ວ: ທ່ານຜູ້ຟັງທີ່ຮັກແພງ ຂໍຂອບໃຈທຸກທ່ານ ທີ່ໃຫ້ກຽດ ຕິດຕາມຮັບຟັງມາໂດຍຕະ
ຫລອດ ຟັງເພງຊຸດສຸດທ້າຍຜູ່ດຳເນີລາຍການທັງສອງ ສົມບັດ ແລະ ວັນນີ ລາທ່ານໄປພຽງແຕ່ເທົ່ານີ້ ໂອກາດໜ້າພົບກັນໃໝ່ ສະບາຍດີ
ໃສ່ເພງ 9 + 10
