ທ່ານທອງສິງ ທຳມະວົງຊົມເຊີຍທ່ານຫຼີເຄີ້ຊຽງຖືກແຕ່ງຕັ້ງເປັນນາຍົກລັດຖະມົນຕີຈີນ
(GMT+08:00) 2013-03-15 13:53:49 cri
ເຖິງ: ສະຫາຍ ຫຼີເຄີ້ຊຽງ ນາຍົກລັດຖະມົນຕີແຫ່ງສາທາລະນະລັດປະຊາຊົນຈີນ
ທີ່ ນະຄອນຫຼວງປັກກິ່ງ
ສະຫາຍ ນາຍົກ ທີ່ຮັກແພງແລະນັບຖື,
ເນື່ອງໃນໂອກາດທີ່ສະຫາຍໄດ້ຖືກແຕ່ງຕັ້ງໃຫ້ດຳແໜ່ງເປັນນາຍົກລັດຖະມົນຕີແຫ່ງສາທາລະນະລັດປະຊາຊົນຈີນ, ຕາງໜ້າໃຫ້ລັດຖະບານແລະປະຊາຊົນລາວກໍ່ຄືໃນນາມສ່ວນຕົວ,ຂ້າພະເຈົ້າຂໍສົ່ງຄວາມຊົມເຊີຍອັນອົບອຸ່ນທີ່ສຸດມາຍັງສະຫາຍ.
ການທີ່ສະຫາຍໄດ້ຮັບເລືອກຕັ້ງໃຫ້ດຳລົງຕຳແໜ່ງອັນສູງສົ່ງແລະສຳຄັນຍິ່ງນີ້, ເປັນການສະແດງໃຫ້ເຫັນເຖິງຄວາມໄວ້ວາງໃຈຂອງພັກ,ລັດແລະປະຊາຊົນຈີນຕໍ່ການປະກອບສ່ວນອັນໃຫຍ່ຫຼວງແລະມີຫົວຄິດປະດິດສ້າງຂອງສະຫາຍໃນໄລຍະທີ່ຜ່ານມາເຂົ້າໃນພາລະກິດສ້າງສາສັງຄົມນິຍົມທີ່ມີເອກະລັກຂອງຈີນ.
ຂ້າພະເຈົ້າເຊື່ອໝັ້ນຢ່າງໜັກແໜ້ນວ່າ, ລັດຖະບານສ.ປ.ຈີນໂດຍມີສະຫາຍເປັນນາຍົກລັດຖະມົນຕີຈະສືບຕໍ່ນຳພາປະຊາຊົນຈີນ, ເພື່ອຜັນຂະຫຍາຍຈິດໃຈຂອງກອງປະຊຸມໃຫຍ່ຄັ້ງທີ ⅩⅧ ຂອງພັກກອມມູນິດຈີນແນໃສ່ເຮັດໃຫ້ສ.ປ.ຈີນກາຍເປັນປະເທດທີ່ນັບມື້ນັບມີຄວາມມັ່ງຄັ່ງເຂັ້ມແຂງຮອບດ້ານແລະປະກອບສ່ວນເຂົ້າໃນພາລະກິດເສີມສ້າງສັນຕິພາບ,ສະຖຽນລະພາບແລະຈົ່ງເສີມການຮ່ວມມືເພື່ອການພັດທະນາໃນພາກພື້ນອາຊີປາຊີຟິກແລະໃນໂລກ.
ຂໍອວຍພອນໃຫ້ສາຍພົວພັນມິດຕະພາບອັນເປັນມູນເຊື້ອແລະການເປັນຄູ່ຮ່ວມມືຍຸດທະສາດຮອບດ້ານທີ່ມີປະສິດທິຜົນລະຫວ່າງສ.ປ.ປ.ລາວແລະສ.ປ.ຈີນກໍຄືລະຫວ່າງປະຊາຊົນສອງຊາດພວກເຮົາສົ່ງໄດ້ຮັບການເສີມຂະຫຍາຍແລະແຕກດອກອອກຜົນຍິ່ງຂຶ້ນໄປ.
ຂໍອວຍພອນໃຫ້ສະຫາຍສົ່ງມີສຸຂະພາບເຂັ້ມແຂງແລະປະສົບຜົນສຳເລັດໃຫມ່ໃຫຍ່ຫຼວງໃນພາລະກິດອັນສູງສົ່ງຂອງສະຫາຍ.
ນະຄອນຫຼວງວຽງຈັນ ວັນທີ15ມີນາ 2013
ທອງສິງ ທຳມະວົງ
ນາຍົກລັດຖະມົນຕີແຫ່ງສາທາລະນະລັດປະຊາທິປະໄຕປະຊາຊົນລາວ
ທີ່ ນະຄອນຫຼວງປັກກິ່ງ
ສະຫາຍ ນາຍົກ ທີ່ຮັກແພງແລະນັບຖື,
ເນື່ອງໃນໂອກາດທີ່ສະຫາຍໄດ້ຖືກແຕ່ງຕັ້ງໃຫ້ດຳແໜ່ງເປັນນາຍົກລັດຖະມົນຕີແຫ່ງສາທາລະນະລັດປະຊາຊົນຈີນ, ຕາງໜ້າໃຫ້ລັດຖະບານແລະປະຊາຊົນລາວກໍ່ຄືໃນນາມສ່ວນຕົວ,ຂ້າພະເຈົ້າຂໍສົ່ງຄວາມຊົມເຊີຍອັນອົບອຸ່ນທີ່ສຸດມາຍັງສະຫາຍ.
ການທີ່ສະຫາຍໄດ້ຮັບເລືອກຕັ້ງໃຫ້ດຳລົງຕຳແໜ່ງອັນສູງສົ່ງແລະສຳຄັນຍິ່ງນີ້, ເປັນການສະແດງໃຫ້ເຫັນເຖິງຄວາມໄວ້ວາງໃຈຂອງພັກ,ລັດແລະປະຊາຊົນຈີນຕໍ່ການປະກອບສ່ວນອັນໃຫຍ່ຫຼວງແລະມີຫົວຄິດປະດິດສ້າງຂອງສະຫາຍໃນໄລຍະທີ່ຜ່ານມາເຂົ້າໃນພາລະກິດສ້າງສາສັງຄົມນິຍົມທີ່ມີເອກະລັກຂອງຈີນ.
ຂ້າພະເຈົ້າເຊື່ອໝັ້ນຢ່າງໜັກແໜ້ນວ່າ, ລັດຖະບານສ.ປ.ຈີນໂດຍມີສະຫາຍເປັນນາຍົກລັດຖະມົນຕີຈະສືບຕໍ່ນຳພາປະຊາຊົນຈີນ, ເພື່ອຜັນຂະຫຍາຍຈິດໃຈຂອງກອງປະຊຸມໃຫຍ່ຄັ້ງທີ ⅩⅧ ຂອງພັກກອມມູນິດຈີນແນໃສ່ເຮັດໃຫ້ສ.ປ.ຈີນກາຍເປັນປະເທດທີ່ນັບມື້ນັບມີຄວາມມັ່ງຄັ່ງເຂັ້ມແຂງຮອບດ້ານແລະປະກອບສ່ວນເຂົ້າໃນພາລະກິດເສີມສ້າງສັນຕິພາບ,ສະຖຽນລະພາບແລະຈົ່ງເສີມການຮ່ວມມືເພື່ອການພັດທະນາໃນພາກພື້ນອາຊີປາຊີຟິກແລະໃນໂລກ.
ຂໍອວຍພອນໃຫ້ສາຍພົວພັນມິດຕະພາບອັນເປັນມູນເຊື້ອແລະການເປັນຄູ່ຮ່ວມມືຍຸດທະສາດຮອບດ້ານທີ່ມີປະສິດທິຜົນລະຫວ່າງສ.ປ.ປ.ລາວແລະສ.ປ.ຈີນກໍຄືລະຫວ່າງປະຊາຊົນສອງຊາດພວກເຮົາສົ່ງໄດ້ຮັບການເສີມຂະຫຍາຍແລະແຕກດອກອອກຜົນຍິ່ງຂຶ້ນໄປ.
ຂໍອວຍພອນໃຫ້ສະຫາຍສົ່ງມີສຸຂະພາບເຂັ້ມແຂງແລະປະສົບຜົນສຳເລັດໃຫມ່ໃຫຍ່ຫຼວງໃນພາລະກິດອັນສູງສົ່ງຂອງສະຫາຍ.
ນະຄອນຫຼວງວຽງຈັນ ວັນທີ15ມີນາ 2013
ທອງສິງ ທຳມະວົງ
ນາຍົກລັດຖະມົນຕີແຫ່ງສາທາລະນະລັດປະຊາທິປະໄຕປະຊາຊົນລາວ
