ທ່ານສີຈິ້ນຜິງຈັບມືທ່ານຫຼີເຄີ້ສຽງ(ຊ້າຍ)
ຕາມຂ່າວສານຊິນຮວາ:ກອງປະຊຸມຄົບຄະນະຄັ້ງທີ5ຂອງກອງປະຊຸມຄັ້ງທຳອິດຂອງສະ ພາຜູ້ແທນປະຊາຊົນແຫ່ງຊາດຈີນສະໄໝທີ12ຈັດຂຶ້ນຢູ່ຫໍສະພາປະຊາຊົນທີ່ນະຄອນຫຼວງ ປັກກິ່ງໃນຕອນເຊົ້າວັນທີ15ມີນານີ້,ໄດ້ຕົກລົງແຕ່ງຕັ້ງໃຫ້ທ່ານຫຼີເຄີ້ສຽງດຳລົງຕຳແໜ່ງເປັນນາຍົກລັດຖະມົນຕີສາທາລະນະລັດປະຊາຊົນຈີນ.
ທ່ານເວີ່ນເຈ່ຍປາວຈັບມືທ່ານຫຼີເຄີ້ສຽງ(ຊ້າຍ)
ຕາມກຳນົດໝາຍແລ້ວ,ຜູ້ແທນທີ່ຄວນເຂົ້າຮ່ວມກອງປະຊຸມໃນມື້ນີ້ແມ່ນ2986ຄົນ,ແຕ່ຜູ້ແທນທີ່ເຂົ້າຮ່ວມກອງປະຊຸມຕົວຈິງນັ້ນມີ2957ຄົນ,ແລະມີ29ຄົນບໍ່ໄດ້ເຂົ້າຮ່ວມ.ຈຳນວນຜູ້ເຂົ້າຮ່ວມແມ່ນຖືກຕ້ອງຕາມການກຳນົດໃນກົດໝາຍ.
ທີ່ປະຊຸມໄດ້ຜ່ານໜັງສືສະເໜີຊື່ຂອງທ່ານສີຈິ້ນຜິງ,ປະທານປເທດຈີນກ່ຽວກັບຜູ້ທີ່ຈະດຳ ລົງຕຳແໜ່ງນາຍົກລັດຖະມົນຕີ,ຜູ້ທີ່ຈະດຳລົງຕຳແໜ່ງເປັນຮອງປະທານຄະນະກຳມະການການທະຫານສູນກາງແລະຜູ້ທີ່ຈະດຳລົງຕຳແໜ່ງເປັນກຳມະການຄະນະກຳມະການການທະຫານສູນກາງຈີນ.
ຜ່ານການປ່ອນບັດລົງຄະແນນສຽງ,ທີ່ປະຊຸມໄດ້ຕົກລົງເຫັນດີແຕ່ງຕັ້ງໃຫ້ທ່ານຫຼີເຄີ້ສຽງດຳລົງຕຳແໜ່ງເປັນນາຍົກລັດຖະມົນຕີສປຈີນ;ແຕ່ງຕັ້ງໃຫ້ທ່ານຟ້ານຊາງຫົຼງແລະທ່ານສູສີຫຼ້ຽງເປັນຮອງປະທານຄະນະກຳມະການການທະຫານສູນກາງສປຈີນ;ແລະແຕ່ງຕັ້ງທ່ານສາງຫວັ້ນໜນ,ທ່ານຝາງເຝີ່ງຮຸ່ຍ,ທ່ານຈ່າງຢາງ,ທ່ານຈ້າວເຄີ້ສື,ທ່ານຈ່າງໂຢ້ເຊຍ, ທ່ານອູເຊີ້ງລີ້,ທ່ານມາສຽວທ່ຽນແລະທ່ານເຫວີ້ຍເຝີ້ງເຫີເປັນກຳມະການຄະນະກຳມະການການທະຫານສູນກາງສປຈີນ.
ທີ່ປະຊຸມໄດ້ເລືອກຕັ້ງທ່ານໂຈ່ວສຽງເປັນປະທານສານປະຊາຊົນສູງສຸດ,ແລະເລືອກຕັ້ງທ່ານຊາວຈ້ຽນໝິນເປັນໄອຍະການສູງສຸດຂອງອົງການໄອຍະການປະຊາຊົນສູງສຸດຈີນ.
ທ່ານສີຈິ້ນຜິງ,ປະທານປະເທດຈີນໄດ້ລົງລາຍເຊັນໃນຄຳສັ່ງປະທານເລກທີ1,ອີງຕາມການຕົກລົງຂອງກອງປະຊຸມ,ແຕ່ງຕັ້ງທ່ານຫຼີເຄີ້ສຽງເປັນນາຍົກລັດຖະມົນຕີສປຈີນ.
© China Radio International.CRI. All Rights Reserved. 16A Shijingshan Road, Beijing, China. 100040 |