ບົດລາຍງານການພັດທະນາມະນຸດ ປະຈໍາປີ 2013 ໃນຫົວຂໍ້: ໃບໜ້າໃໝ່ຂອງບັນດາປະເທດກໍາລັງພັດທະນາ ຄວາມກ້າວໜ້າຂອງມະນຸດ.
(GMT+08:00) 2013-03-21 18:13:22 cri
ວັນທີ່ 21 ມີນານີ້, ທີ່ນະຄອນຫລວງວຽງຈັນ ໄດ້ມີພິທີນໍາສະເໜີ ບົດລາຍງານການພັດທະນາມະນຸດສາກົນປະຈໍາປີ 2013 .
ທ່ານ ບຸນທະວີ ສີສຸພັນທອງ ລັດຖະມົນຕີຊ່ວຍວ່າການກະຊວງແຜນການແລະການລົງທຶນກ່າວວ່າ: ບົດລາຍງານການພັດທະນາຊັບພະຍາກອນມະນຸດ ສະບັບປີ 2013ເຊິ່ງມີຫົວຂໍ້: ໃບໜ້າໃໝ່ຂອງບັນດາປະເທດ ກໍາລັງພັດທະນາ: ຄວາມກ້າວໜ້າຂອງມະນຸດໃນໂລກແຫ່ງຄວາມຫລາກຫລາຍ ນີ້ແມ່ນໄດ້ທົບທວນໃຫ້ເຫັນບົດບາດອັນສໍາຄັນຂອງການພັດທະນາຢູ່ໃນບັນດາປະເທດກໍາລັງພັດທະນາ, ເຫັນໄດ້ບົດບາດຂອງບັນດາປະເທດກໍາລັງພັດທະນາພ້ອມທັງຜົນສະທ້ອນຕໍ່ການພັດທະນາຊັບພະຍາກອນມະນຸດ ກໍ່ຄືການພັດທະນາໃນໂລກ. ນອກຈາກນີ້, ບົດລາຍງານດັ່ງກ່າວ ໄດ້ຄາດຄະເນວ່າ ຮອດປີ 2030, ຈະມີຫລາຍກວ່າ 80%ຂອງຊົນຊັ້ນກາງຂອງໂລກ ຈະອາໄສຢູ່ໃນປະເທດກໍາລັງພັດທະນາ, ແລະ ສອງສ່ວນສາມຢູ່ໃນເຂດອາຊີປາຊີຟິກ. ບົດລາຍງານຍັງຄາດຄະເນວ່າ ຮອດປີ 2020, ລວມຍອດຜະລິດຕະພັນຂອງສາມປະເທດທີ່ກໍາລັງພັດທະນາ ຄື: ຈີນ, ອິນເດຍ ແລະ ເບຣຊິນ, ຈະຫລາຍກວ່າລວມຍອດການຜະລິດຈາກ ສະຫະລັດອາເມລິກາ, ເຢຍລະມັນ, ອັງກິດ, ຝະລັງ, ອິຕາລີ ແລະ ການາດາ.
ບົດລາຍງານດັ່ງກ່າວ ໄດ້ສະແດງໃຫ້ເຫັນວ່າ ຄວາມຈະເລີນກ້າວໜ້າຂອງບັນດາປະເທດກໍາລັງພັດທະນາ ໄດ້ປ່ຽນແປງໃບໜ້າໃໝ່ຂອງໂລກ ໃນສະຕະວັດທີ 21 ຢ່າງຊັດເຈນ, ໂດຍມີບັນດາປະເທດກໍາລັງພັດທະນາ ເປັນຕົວຜັກດັນການຂະຫຍາຍຕົວທາງດ້ານເສດຖະກິດ, ຍົກສູງລະດັບຊີວິດການເປັນຢູ່ຂອງປະຊາຊົນຈໍານວນຫລາຍໃຫ້ຫລຸດພົ້ນຈາກຄວາມທຸກຍາກ ພ້ອມທັງຍົກສູງຊີວິດການເປັນຢູ່ຂອງປະຊາຊົນອີກຫລາຍຮ້ອຍລ້ານຄົນຂຶ້ນ ໄປສູ່ສະຖານະປານກາງ.
ທ່ານ ບຸນທະວີ ສີສຸພັນທອງ ລັດຖະມົນຕີຊ່ວຍວ່າການກະຊວງແຜນການແລະການລົງທຶນກ່າວວ່າ: ບົດລາຍງານການພັດທະນາຊັບພະຍາກອນມະນຸດ ສະບັບປີ 2013ເຊິ່ງມີຫົວຂໍ້: ໃບໜ້າໃໝ່ຂອງບັນດາປະເທດ ກໍາລັງພັດທະນາ: ຄວາມກ້າວໜ້າຂອງມະນຸດໃນໂລກແຫ່ງຄວາມຫລາກຫລາຍ ນີ້ແມ່ນໄດ້ທົບທວນໃຫ້ເຫັນບົດບາດອັນສໍາຄັນຂອງການພັດທະນາຢູ່ໃນບັນດາປະເທດກໍາລັງພັດທະນາ, ເຫັນໄດ້ບົດບາດຂອງບັນດາປະເທດກໍາລັງພັດທະນາພ້ອມທັງຜົນສະທ້ອນຕໍ່ການພັດທະນາຊັບພະຍາກອນມະນຸດ ກໍ່ຄືການພັດທະນາໃນໂລກ. ນອກຈາກນີ້, ບົດລາຍງານດັ່ງກ່າວ ໄດ້ຄາດຄະເນວ່າ ຮອດປີ 2030, ຈະມີຫລາຍກວ່າ 80%ຂອງຊົນຊັ້ນກາງຂອງໂລກ ຈະອາໄສຢູ່ໃນປະເທດກໍາລັງພັດທະນາ, ແລະ ສອງສ່ວນສາມຢູ່ໃນເຂດອາຊີປາຊີຟິກ. ບົດລາຍງານຍັງຄາດຄະເນວ່າ ຮອດປີ 2020, ລວມຍອດຜະລິດຕະພັນຂອງສາມປະເທດທີ່ກໍາລັງພັດທະນາ ຄື: ຈີນ, ອິນເດຍ ແລະ ເບຣຊິນ, ຈະຫລາຍກວ່າລວມຍອດການຜະລິດຈາກ ສະຫະລັດອາເມລິກາ, ເຢຍລະມັນ, ອັງກິດ, ຝະລັງ, ອິຕາລີ ແລະ ການາດາ.
ບົດລາຍງານດັ່ງກ່າວ ໄດ້ສະແດງໃຫ້ເຫັນວ່າ ຄວາມຈະເລີນກ້າວໜ້າຂອງບັນດາປະເທດກໍາລັງພັດທະນາ ໄດ້ປ່ຽນແປງໃບໜ້າໃໝ່ຂອງໂລກ ໃນສະຕະວັດທີ 21 ຢ່າງຊັດເຈນ, ໂດຍມີບັນດາປະເທດກໍາລັງພັດທະນາ ເປັນຕົວຜັກດັນການຂະຫຍາຍຕົວທາງດ້ານເສດຖະກິດ, ຍົກສູງລະດັບຊີວິດການເປັນຢູ່ຂອງປະຊາຊົນຈໍານວນຫລາຍໃຫ້ຫລຸດພົ້ນຈາກຄວາມທຸກຍາກ ພ້ອມທັງຍົກສູງຊີວິດການເປັນຢູ່ຂອງປະຊາຊົນອີກຫລາຍຮ້ອຍລ້ານຄົນຂຶ້ນ ໄປສູ່ສະຖານະປານກາງ.
