ສະຖາບັນຂົງຈື້ມະຫາວິທະຍາໄລແຫ່ງຊາດລາວຈັດການສອບເສັງລະດັບພາສາຈີນ
ຕາມຂ່າວສານຊິນຮວາ: ຫວ່າງບໍ່ດົນມານີ້, ສະຖາບັນຂົງຈື້ ມະຫາວິທະຍາໄລແຫ່ງຊາດລາວ ໄດ້ຈັດການສອບເສັງລະດັບພາສາຈີນ ຫຼື HSK, ເຊິ່ງເປັນການສອບເສັງຄັ້ງທີ 4 ນັບແຕ່ຖືກກຳນົດເປັນຈຸດດຳເນີນການສອບເສັງ HSK ເປັນຕົ້ນມາ, ການສອບເສັງເທື່ອນີ້ລວມມີ 142 ຄົນເຂົ້າຮ່ວມ, ລະດັບການສອບເສັງໄດ້ແບ່ງອອກເປັນ 6 ລະດັບ ຄື ແຕ່ລະດັບ 1 ຫາລະດັບ 6.
ຂ່າວແຈ້ງວ່າ, ໃນຈຳນວນຜູ້ເຂົ້າຮ່ວມການສອບເສັງນັ້ນ, ນອກຈາກມີນັກຮຽນຂອງສະຖາບັນຂົງຈື້ແລ້ວ, ຍັງມີນັກສຶກສາຈາກພະແນກພາສາຈີນຂອງມະຫາວິທະຍາໄລແຫ່ງຊາດລາວ, ນັກຮຽນຈາກໂຮງຮຽນຈົ່ງເຕັກສະຫວັນນະເຂດ, ນັກຮຽນຈາກໂຮງຮຽນລຽວໂຕວຽງຈັນ ແລະ ບຸກຄົນສັນຊາດຕ່າງປະເທດທີ່ເຮັດວຽກຢູ່ປະເທດລາວເຂົ້າຮ່ວມອີກດ້ວຍ.
ນັກຮຽນທີ່ຍັງບໍ່ເຄີຍໄດ້ໄປຮຽນທີ່ປະເທດຈີນຫຼາຍໆຄົນຫວັງວ່າຜ່ານການເຂົ້າຮ່ວມການສອບເສັງ HSK ແລະໄດ້ຮັບໃບຢັ້ງຢືນລະດັບພາສາຈີນໄປຄຽງຄູ່ກັນ ແລ້ວຈະໄປຮ້ອງຂໍທຶນການສຶກສານຳສະຖາບັນຂົງຈື້ ເພື່ອໄປສຶກສາຮ່ຳຮຽນຢູ່ຈີນໃນເດືອນກັນຍາປີນີ້, ສະນັ້ນຜູ້ເຂົ້າຮ່ວມການສອບເສັງເທື່ອນີ້ຈຶ່ງໄດ້ເພີ່ມຂຶ້ນທົບເທົ່າເມື່ອທຽບກັບການສອບເສັງຄັ້ງຜ່ານມາ.
