ຈັດພິທີມອບຮັບໂຄງການສູນປະຊຸມສາກົນທີ່ຈີນຊ່ວຍເຫລືອລາວ
（ພິທີມອບຮັບໂຄງການສູນປະຊຸມສາກົນທີ່ຈີນຊ່ວຍເຫລືອລາວ）
ສູນປະຊຸມສາກົນລາວທີ່ເປັນທີ່ປະຊຸມຫລັກຂອງກອງປະຊຸມສຸດຍອດອາຊີເອີລົບສະໄຫມທີ 9 ທີ່ໄຂຂຶ້ນໃນປີ 2012 ແມ່ນໂຄງການທີ່ຈີນຊ່ວຍເຫລືອກໍ່ສ້າງ,ໄດ້ຈັດພິທີມອບຮັບທາງດ້ານເຕັກນິກໃນວັນທີ 11 ເມສານີ້ທີ່ນະຄອນຫລວງວຽງຈັນ, ເຊິ່ງຕໍ່ໄປນີ້ໂຄງການນີ້ແມ່ນ ຝ່າຍລາວເປັນຜູ່ຄຸ້ມຄອງບໍລິຫານແລະເປັນຜູ່ຮັກສາດ້ວຍຕົນເອງຫມົດ.ທ່ານນາງປູ້ຈ້ຽນໂກ,ເອກອັກຄະລັດຖະທູດຈີນປະຈຳລາວ, ທ່ານດຣ.ສິນລະວົງ ຄຸດໄພທູນ ກຳມະການສູນກາງພັກປະຊາຊົນປະຕິວັດລາວ ລັດຖະມົນຕີ ຫົວຫນ້າຫ້ອງວ່າການສຳນັກງານນາຍົກລັດຖະມົນຕີລາວພ້ອມດ້ວຍຜູ່ຮັບຜິດອບທີ່ກ່ຽວຂ້ອງຂອງທະບວງກະຊວງຕ່າງໆ,ແລະກົມກອງກຳແພງນະຄອນຫລວງວຽງຈັນກໍ່ຄືພະນັກງານຄຸ້ມຄອງໂຄງການດ່ັງກາວທັງຝ່າຍຈີນແລະຝ່າຍລາວໄດ້ເຂົ້າຮ່ວມພິທີມອບຮັບ.
ໂຄງການດ່ັງກ່າວແມ່ນລັດຖະບານຈີນເປັນຜູ່ຊ່ວຍເຫລືອລ້າ, ບໍລິສັດກໍ່ສ້າງຫຸ່ນສ່ວນຈີນຈຳກັດເປັນຜູ່ກໍ່ສ້າງ, ເລີ່ມລົງມືກໍ່ສ້າງໃນທ້າຍປີ 2011, ແລະສ້າງສຳເລັດໃນວັນທີ 8 ຕຸລາປີ 2012.ສູນປະຊຸມດັ່ງກ່າວກວມເນື້ອທີ່ດິນປະມານ 7 ເຮັກຕາ, ເນື້ອທີ່ປຸກສ້າງມີເກືອບ 2 ຫມື່ນ 5000 ຕາແມັດ,ສາມາດບັນຈຸ 3 ພັນຄົນເຂົ້າຮ່ວມປະຊຸມ.ຫົວຫນ້າຫນ່ວຍງານຄຸ້ມຄອງໂຄງການຂອງຝ່າຍປະເທດລາວກ່າວວ່າ, ໂຄງການສູນປະຊຸມສາກົນແມ່ນສັນຍະລັກແຫ່ງມິດຕະພາບອັນເປັນມູນເຊື້ອແລະການຮ່ວມມືຮອບດ້ານລະຫວ່າງສອງພັກ,ສອງລັດກໍ່ຄືປະຊາຊົນສອງຊາດລາວຈີນ.
