ຈີນແລະບຼູໄນອອກຖະແຫຼງການຮ່ວມ
(GMT+08:00) 2013-05-05 15:01:51 cri
ວັນທີ 4 ພຶດສະພານີ້ ຢູ່ພະລາຊະວັງທີ່ບານດາເຊຣີເບກາວັນ, ຊູນດານຮາຈີ ຮາຊານານ ໂບເກຍຂອງລາຊະອານາຈັກບຣູໄນໄດ້ຕ້ອນຮັບການເຂົ້າຢ້ຽມຄຳນັບຂອງທ່ານວາງຢີ້, ລັດຖະມົນຕີວ່າການກະຊວງການຕ່າງປະເທດຈີນທີ່ໄປຢ້ຽມຢາມ.
ສອງຝ່າຍຈີນແລະບຣູໄນໄດ້ອອກຖະແຫຼງການວ່າ, ເນື້ອໃນຕົ້ນຕໍຂອງການພົວພັນລະຫວ່າງຈີນກັບອາຊຽນແມ່ນມິດຕະພາບຖານບ້ານໃກ້ເຮືອນຄຽງ, ຮ່ວມມືຕ່າງຝ່າຍຕ່າງມີຜົນປະໂຫຍດ, ຈີນກັບອາຊຽນແມ່ນຄູ່ຮ່ວມມືຍຸດທະສາດ, ມີຄວາມສາມາດປົກປັກຮັກສາສັນຕິພາບແລະສະຖຽນລະພາບຂອງເຂດທະເລຈີນໃຕ້. ຄວາມຂັດແຍ່ງກັນຈຳນວນໜຶ່ງທີ່ມີຢູ່ໃນປັດຈຸບັນບໍ່ແມ່ນບັນຫາລະຫວ່າງຈີນກັບອາຊຽນ, ຄວນໃຫ້ປະເທດທີ່ກ່ຽວຂ້ອງແກ້ໄຂໂດຍສັນຕິດ້ວຍວິທີການປຶກສາຫາລືແລະເຈລະຈາກັນຢ່າງມີໄມຕີຈິດມິດຕະພາບ.
ໃນການພົບປະ, ຊູນດານຮາຊານານຊົງຕັດວ່າ, ບຣູໄນຍ້ອງຍໍໃນລະດັບສູງຕໍ່ປະເທດຈີນທີ່ໄດ້ເສີມຂະຫຍາຍບົດບາດທີ່ຕັ້ງໜ້າທີ່ມີຄວາມຮັບຜິດຊອບໃນການປົກປັກຮັກສາສັນຕິພາບຂອງພາກພື້ນ, ຍິນດີຮ່ວມກັບຈີນຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງອາຊຽນກັບຈີນໃຫ້ກ້າວໄປໜ້າ.
ທ່ານວາງຢີ້ກ່າວວ່າ, ຈີນຍິນດີອອກແຮງສຸດຂີດເພື່ອສະໜັບສະໜູນບຣູໄນເສີມຂະຫຍາຍບົດບາດທີ່ເປັນປະທານປະທານຝຽນຂອງອາຊຽນ, ຈັດກອງປະຊຸມສຸດຍອດຕ່າງໆຂອງອາຊຽນໃຫ້ດີ, ຮ່ວມກັນສົ່ງສັນຍານໃນທາງບວກແລະຕັ້ງໜ້າໃຫ້ໂລກແລະສະແດງໃຫ້ເຫັນເຖິງອະນາຄົດແຫ່ງການພັດທະນາແລະຈະເລີນຮຸ່ງເຮືອງຕື່ມອີກຂອງອາຊີຕາເວັນອອກ.