ປະທານາທິບໍດີປາແລັສຕິນຫວັງໃຫ້ຈີນເສີມຂະຫຍາຍບົດບາດທີ່ສຳຄັນໃນຂະບວນການສັນຕິພາບອາຊີກາງ
(GMT+08:00) 2013-05-07 19:40:28 cri
ຕາມຂ່າວCRI: ວັນທີ6ພຶດສະພານີ້, ທ່ານມາຮ໌ມຸດ ອັບບາສ, ປະທານາທິບໍດີປາແລັສຕີນທີ່ມາຢ້ຽມຢາມຈີນກ່າວໃນເວລາໃຫ້ສຳພາດຕໍ່ນັກຂ່າວCRIຢູ່ນະຄອນຫຼວງປັກກິ່ງວ່າ, ເຊື່ອວ່າຈີນຄວນເສີມຂະຫຍາຍບົດບາດທີ່ສຳຄັນໃນຂະບວນການສັນຕິພາບຕາເວັນອອກກາງ.
ທ່ານມາຮ໌ມຸດ ອັບບາສກ່າວວ່າ, ປາແລັສຕີນເຫັນດີນຳແລະສະໜັບສະໜູນຂໍ້ສະເໜີໃດໆທີ່ສະເໜີໂດຍຜູ້ນຳຈີນມາໂດຍຕະຫຼອດ. ທ່ານກ່າວວ່າ:
"ຂ້າພະເຈົ້າເຊື່ອວ່າຈີນຄວນເສີມຂະຫຍາຍບົດບາດທີ່ສຳຄັນແລະມີລັກສະນະພື້ນຖານໃນຂະບວນການສັນຕິພາບ, ເພາະວ່າຈີນແມ່ນປະເທດທີ່ຍຸດຕິທຳ, ບໍ່ເຂົ້າຂ້າງຝ່າຍໃດຝ່າຍໜຶ່ງ, ພຽງແຕ່ປົກປັກຮັກສາຄວາມເປັນທຳ, ສະນັ້ນປາແລັສຕີນສະໜັບສະໜູນຈີນໂດຍຕະຫຼອດ. ກ່ຽວກັບຂໍ້ສະເໜີຂອງທ່ານປະທານປະເທດຈີນທີ່ສະເໜີໃຫ້ແກ້ໄຂບັນຫາດ້ວຍວິທີທາງການເມືອງ, ພວກເຮົາມີຄວາມເຫັນເປັນເອກະສັນກັນກ່ຽວກັບຫຼັກການນີ້."
ທ່ານມາຮ໌ມຸດ ອັບບາສເຜີຍໃຫ້ຮູ້ວ່າ, ທ່ານເດີນທາງມາຢ້ຽມຢາມຈີນໃນຄັ້ງນີ້, ນອກຈາກແຈ້ງໃຫ້ຝ່າຍຈີນຊາບກ່ຽວກັບຄວາມຄືບໜ້າຫຼ້າສຸດຂອງການພົວພັນລະຫວ່າງປາແລັສຕີນກັບອິສຣາແອນແລະສະຖານະການໃນໂລກອາຣັບໃນ2ປີຜ່ານມາແລ້ວ, ການເພີ່ມທະວີການຮ່ວມມືດ້ານເສດຖະກິດສອງຝ່າຍແມ່ນຂົງເຂດສຳຄັນທີ່ທ່ານໄດ້ລົງເລິກປຶກສາຫາລືກັບຜູ້ນຳຈີນ, ສອງຝ່າຍຈະເລີ່ມດຳເນີນການຮ່ວມມືໃນຂົງເຂດພະລັງງານທີ່ສະອາດ. ທ່ານມາຮ໌ມຸດ ອັບບາສຍັງກ່າວຕື່ມອີກວ່າ, ຫວັງຢາກຝາກຝັງມິດຕະພາບແບບມີໄມຕີຈິດຂອງຜູ້ນຳແລະປະຊາຊົນຈີນໄປຍັງປະເທດແລະປະຊາຊົນອາຣັບທັງໝົດດ້ວຍການກະຈາຍສຽງພາກພາສາອາຣັບຂອງCRI.
ທ່ານມາຮ໌ມຸດ ອັບບາສກ່າວວ່າ, ປາແລັສຕີນເຫັນດີນຳແລະສະໜັບສະໜູນຂໍ້ສະເໜີໃດໆທີ່ສະເໜີໂດຍຜູ້ນຳຈີນມາໂດຍຕະຫຼອດ. ທ່ານກ່າວວ່າ:
"ຂ້າພະເຈົ້າເຊື່ອວ່າຈີນຄວນເສີມຂະຫຍາຍບົດບາດທີ່ສຳຄັນແລະມີລັກສະນະພື້ນຖານໃນຂະບວນການສັນຕິພາບ, ເພາະວ່າຈີນແມ່ນປະເທດທີ່ຍຸດຕິທຳ, ບໍ່ເຂົ້າຂ້າງຝ່າຍໃດຝ່າຍໜຶ່ງ, ພຽງແຕ່ປົກປັກຮັກສາຄວາມເປັນທຳ, ສະນັ້ນປາແລັສຕີນສະໜັບສະໜູນຈີນໂດຍຕະຫຼອດ. ກ່ຽວກັບຂໍ້ສະເໜີຂອງທ່ານປະທານປະເທດຈີນທີ່ສະເໜີໃຫ້ແກ້ໄຂບັນຫາດ້ວຍວິທີທາງການເມືອງ, ພວກເຮົາມີຄວາມເຫັນເປັນເອກະສັນກັນກ່ຽວກັບຫຼັກການນີ້."
ທ່ານມາຮ໌ມຸດ ອັບບາສເຜີຍໃຫ້ຮູ້ວ່າ, ທ່ານເດີນທາງມາຢ້ຽມຢາມຈີນໃນຄັ້ງນີ້, ນອກຈາກແຈ້ງໃຫ້ຝ່າຍຈີນຊາບກ່ຽວກັບຄວາມຄືບໜ້າຫຼ້າສຸດຂອງການພົວພັນລະຫວ່າງປາແລັສຕີນກັບອິສຣາແອນແລະສະຖານະການໃນໂລກອາຣັບໃນ2ປີຜ່ານມາແລ້ວ, ການເພີ່ມທະວີການຮ່ວມມືດ້ານເສດຖະກິດສອງຝ່າຍແມ່ນຂົງເຂດສຳຄັນທີ່ທ່ານໄດ້ລົງເລິກປຶກສາຫາລືກັບຜູ້ນຳຈີນ, ສອງຝ່າຍຈະເລີ່ມດຳເນີນການຮ່ວມມືໃນຂົງເຂດພະລັງງານທີ່ສະອາດ. ທ່ານມາຮ໌ມຸດ ອັບບາສຍັງກ່າວຕື່ມອີກວ່າ, ຫວັງຢາກຝາກຝັງມິດຕະພາບແບບມີໄມຕີຈິດຂອງຜູ້ນຳແລະປະຊາຊົນຈີນໄປຍັງປະເທດແລະປະຊາຊົນອາຣັບທັງໝົດດ້ວຍການກະຈາຍສຽງພາກພາສາອາຣັບຂອງCRI.
