ຈີນຮຽກຮ້ອງໃຫ້ປະເທດທີ່ກ່ຽວຂ້ອງຢ່າໃຊ້ການກະທຳທີ່ອາດຈະເຮັດໃຫ້ສະຖານະການທະເລຈີນໃຕ້ສັບສົນຂຶ້ນ
(GMT+08:00) 2013-05-11 14:46:47 cri
ວັນທີ 10 ພຶດສະພານີ້, ໃນກອງປະຊຸມຂ່າວ, ນາງຮວ້າຊຸ່ນອີ໋ງ ໂຄສົກກະຊວງການຕ່າງປະເທດຈີນກ່າວວ່າ, ຈີນຮຽກຮ້ອງໃຫ້ປະເທດທີ່ກ່ຽວຂ້ອງເຄົາລົບນ້ຳໃຈ "ຖະແຫຼງການວ່າດ້ວຍການກະທຳຝ່າຍຕ່າງໆຢູ່ທະເລຈີນໃຕ້" ຫຼື DOC ຢ່າງແທ້ຈິງ, ຢ່າໃຊ້ການກະທຳໃດໆທີ່ອາດຈະເຮັດໃຫ້ສະຖານະການທະເລຈີນໃຕ້ສັບສົນຂຶ້ນ, ທຳຄວາມພະຍາຍາມເທົ່າທີ່ຄວນ ເພື່ອຮັກສາສັນຕິພາບ ແລະ ສະຖຽນລະພາບຂອງທະເລຈີນໃຕ້.
ກ່ຽວກັບຟິລິບປິນສົ່ງກຳປັ່ນຕິດຕາມກຳປັ່ນຮົບ ແລະ ເຮືອຈີນຢູ່ເຂດມໍ່ຫີນແກ້ງເຢີ໋ນອ້າຍ, ນາງຮວ້າຊຸ່ນອີ໋ງກ່າວວ່າ, ຈີນມີອະທິປະໄຕທີ່ໂຕ້ຖຽງບໍ່ໄດ້ຕໍ່ໝູ່ເກາະນານຊ່າ ພ້ອມທັງເຂດທະເລທີ່ຢູ່ບໍລິເວນໃກ້ຄຽງ, ກຳປັ່ນລັດຖະບານຈີນລາດຕະເວນປະຕິບັດກົດໝາຍຢູ່ເຂດທະເລໝູ່ເກາະນານຊ່າຢ່າງເປັນປົກກະຕິແມ່ນຖືກຕ້ອງໝົດ.
