ລັດຖະບານລາວເຜີຍແຜ່ບົດລາຍງານສະແດງໃຫ້ເຫັນວ່າການພັດທະນາຂອງຂະແໜງການທ່ອງທ່ຽວນັບມື້ນັບຈະເລີນຮຸ່ງເຮືອງຂຶ້ນກວ່າເກົ່າ
(GMT+08:00) 2013-05-14 12:47:34 cri
ຕາມຂ່າວCRI: ລັດຖະບານລາວເຜີຍແຜ່ບົດລາຍງານສະຖິຕິຫຼ້າສຸດສະແດງໃຫ້ເຫັນວ່າ, ໃນບໍ່ເທົ່າໃດປີມານີ້, ການພັດທະນາດ້ານຂະແໜງການທ່ອງທ່ຽວລາວນັບມື້ນັບຈະເລີນຮຸ່ງເຮືອງຂຶ້ນກວ່າເກົ່າ, ຈຳນວນນັກທ່ອງທ່ຽວຕ່າງປະເທດທີ່ໄປທ່ຽວຢູ່ລາວເພີ່ມຂຶ້ນໃນແຕ່ລະປີ, ຈາກ1ລ້ານ2ແສນເທື່ອຄົນໃນປີ2006, ເພີ່ມຂຶ້ນຮອດ3ລ້ານ3ແສນເທື່ອຄົນໃນປີ2012, ເກືອບເທົ່າກັບເຄິ່ງໜຶ່ງຂອງປະຊາກອນລາວ. ໃນປີ2012, ຂະແໜງການທ່ອງທ່ຽວໄດ້ສ້າງລາຍຮັບທີ່ມີມູນຄ່າ514ລ້ານໂດລາແກ່ລາວ.
ບົດລາຍງານຂຽນວ່າ, ປັດໄຈທີ່ດຶງດູດນັກທ່ອງທ່ຽວຕ່າງປະເທດລວມທັງທິວທັດທຳມະຊາດທີ່ສວຍງາມ, ວັດທະນະທຳທີ່ມີຢ່າງອຸດົມສົມ ບູນ, ສະພາບແວດລ້ອມດ້ານການເມືອງແລະສັງຄົມມີຄວາມໝັ້ນຄົງ. ບົດລາຍງານຍັງຊີ້ອອກວ່າ, ລັດຖະບານລາວໄດ້ພະຍາຍາມປັບປຸງພື້ນຖານໂຄງລ່າງແລະຂະແໜງການບໍລິການໃຫ້ສົມບູນກວ່າເກົ່າ, ເພື່ອດຶງດູດນັກທ່ອງທ່ຽວຕ່າງປະເທດໃຫ້ໄປທ່ອງທ່ຽວລາວຫຼາຍກວ່າເກົ່າ, ແລະຄາດຄະແນວ່າຈະມີອະນາຄົດດ້ານການພັດທະນາຢ່າງຫຼວງຫຼາຍ.
ຂ່າວແຈ້ງວ່າ, ໃນຊຸມປີມໍ່ໆມານີ້, ລາວໄດ້ເຊັນສັນຍາຮ່ວມມືກັບບໍລິສັດທ່ອງທ່ຽວຕ່າງປະເທດ500ກວ່າແຫ່ງ, ເປີດດ່ານສາກົນເພື່ອໃຫ້ນັກທ່ອງທ່ຽວເຂົ້າອອກໄດ້11ແຫ່ງ, ພ້ອມກັນນັ້ນນຳໃຊ້ມາດຕະການຕ່າງໆ, ເຊັ່ນ: ເພີ່ມງົບປະມານເຂົ້າໃນການກໍ່ສ້າງພື້ນຖານໂຄງລ່າງການທ່ອງທ່ຽວ, ຫຼຸດຄ່າໃຊ້ຈ່າຍໃນການຂໍວິຊາ, ຜ່ອນຄາຍລະບຽບການທ່ອງທ່ຽວຕາມຊາຍແດນແລະອື່ນໆ, ເພື່ອຊຸກຍູ້ຂະແໜງການ ທ່ອງທ່ຽວໃຫ້ມີການພັດທະນາແບບຍືນຍົງ.
ບົດລາຍງານຂຽນວ່າ, ປັດໄຈທີ່ດຶງດູດນັກທ່ອງທ່ຽວຕ່າງປະເທດລວມທັງທິວທັດທຳມະຊາດທີ່ສວຍງາມ, ວັດທະນະທຳທີ່ມີຢ່າງອຸດົມສົມ ບູນ, ສະພາບແວດລ້ອມດ້ານການເມືອງແລະສັງຄົມມີຄວາມໝັ້ນຄົງ. ບົດລາຍງານຍັງຊີ້ອອກວ່າ, ລັດຖະບານລາວໄດ້ພະຍາຍາມປັບປຸງພື້ນຖານໂຄງລ່າງແລະຂະແໜງການບໍລິການໃຫ້ສົມບູນກວ່າເກົ່າ, ເພື່ອດຶງດູດນັກທ່ອງທ່ຽວຕ່າງປະເທດໃຫ້ໄປທ່ອງທ່ຽວລາວຫຼາຍກວ່າເກົ່າ, ແລະຄາດຄະແນວ່າຈະມີອະນາຄົດດ້ານການພັດທະນາຢ່າງຫຼວງຫຼາຍ.
ຂ່າວແຈ້ງວ່າ, ໃນຊຸມປີມໍ່ໆມານີ້, ລາວໄດ້ເຊັນສັນຍາຮ່ວມມືກັບບໍລິສັດທ່ອງທ່ຽວຕ່າງປະເທດ500ກວ່າແຫ່ງ, ເປີດດ່ານສາກົນເພື່ອໃຫ້ນັກທ່ອງທ່ຽວເຂົ້າອອກໄດ້11ແຫ່ງ, ພ້ອມກັນນັ້ນນຳໃຊ້ມາດຕະການຕ່າງໆ, ເຊັ່ນ: ເພີ່ມງົບປະມານເຂົ້າໃນການກໍ່ສ້າງພື້ນຖານໂຄງລ່າງການທ່ອງທ່ຽວ, ຫຼຸດຄ່າໃຊ້ຈ່າຍໃນການຂໍວິຊາ, ຜ່ອນຄາຍລະບຽບການທ່ອງທ່ຽວຕາມຊາຍແດນແລະອື່ນໆ, ເພື່ອຊຸກຍູ້ຂະແໜງການ ທ່ອງທ່ຽວໃຫ້ມີການພັດທະນາແບບຍືນຍົງ.
