ຊຸກຍູ້ໃຫ້ວຽກງານດ້ານສິດທິມະນຸດໄດ້ຮັບການພັດທະນາບົນເສັ້ນທາງແຫ່ງການບັນລຸຄວາມຝັນຂອງຈີນ
ວັນທີ 14 ພຶດສະພານີ້, ຫ້ອງການຖະແຫຼງຂ່າວລັດຖະບານຈີນໄດ້ເຜີຍແຜ່ປື້ມ ປົກຂາວ "ຄວາມຄືບໜ້າຂອງວຽກງານດ້ານສິດທິມະນຸດຂອງຈີນປີ 2012", ໄດ້ແນະນຳຜົນສຳເລັດອັນໃໝ່ທີ່ຈີນຍາດມາໄດ້ໃນການພັດທະນາວຽກງານດ້ານສິດທິມະນຸດໃນຊຸມປີຜ່ານມາຢ່າງ ຮອບດ້ານ ຈາກ 6 ດ້ານ, ເຊັ່ນ: ການຮັບປະກັນສິດທິມະນຸດໃນການສ້າງສາເສດຖະກິດ, ການເມືອງ, ວັດທະນະທຳ, ສັງຄົມ ແລະ ອາລິຍະທຳຊີວະພາບ, ການແລກປ່ຽນແລະຮ່ວມມືກັບພາຍນອກໃນຂົງເຂດສິດທິມະນຸດເປັນຕົ້ນ.
ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 18 ຂອງພັກກອມມູນິດຈີນ ທີ່ໄຂຂຶ້ນໃນເດືອນພະຈິກປີກາຍນີ້ ໄດ້ກຳນົດເອົາ "ການທີ່ເຮັດໃຫ້ສິດທິມະນຸດໄດ້ຮັບຄວາມເຄົາລົບແລະມີຄວາມຮັບປະກັນຢ່າງແທ້ຈິງ" ເປັນເປົ້າໝາຍສູ້ຊົນເພື່ອສ້າງສັງຄົມອິ່ມໜຳສຳລານໃຫ້ສຳເລັດຢ່າງ ຮອບດ້ານ. ກ່ອນໜ້ານີ້, "ລັດເຄົາລົບແລະຮັບປະກັນສິດທິມະນຸດ" ກໍໄດ້ຖືກກຳນົດເປັນຫຼັກການທີ່ສຳຄັນຂອງລັດຖະທຳມະນູນ. ການເຄົາລົບແລະຮັບປະກັນສິດທິມະນຸດແມ່ນຄວາມຕັດສິນໃຈແລະການເຄື່ອນໄຫວຂອງພັກກອມມູນິດຈີນແລະອົງການຈັດຕັ້ງທຸກຂັ້ນຂອງລັດ ຖະບານຈີນ.
ໃນຊຸມປີຜ່ານມານີ້, ການສ້າງສາສັງຄົມຂອງຈີນໄດ້ເພີ່ມທະວີຂຶ້ນຢ່າງບໍ່ຢຸດຢັ້ງ, ການພັດທະນາການສຶກສາ, ຊຸກຍູ້ຄວາມເປັນທຳດ້ານການສຶກສາ, ປະຊາຊົນມີວຽກເຮັດງານທຳແລະໄດ້ຮັບຄ່າຕອບແທນຢ່າງສົມເຫດສົມຜົນ, ຜູ້ເຖົ້າຜູ້ແກ່ໄດ້ຮັບການເບິ່ງແຍງດູແລເປັນຢ່າງດີ, ປະຊາຊົນອັນໄພສານມີເຮືອນຢູ່ ຍັງຈະໄດ້ຮັບຄວາມຄືບໜ້າໃໝ່ ບົນເສັ້ນທາງແຫ່ງການບັນລຸຄວາມຝັນຂອງຈີນ, ສິດຮັບປະກັນທາງສັງ ຄົມ, ສິດທາງດ້ານສຸຂະພາບ ແລະ ສິດທາງດ້ານການສຶກສາຂອງພົນລະເມືອງກໍຈະມີການຮັບປະກັນດີຍິ່ງຂຶ້ນ.
ຄວາມຝັນຂອງຈີນແມ່ນຄວາມຝັນຂອງປະຊາຊົນ. ການພັດທະນາວຽກງານດ້ານສິດທິມະນຸດປະສານສົບທົບກັບການສ້າງສາເສດຖະກິດ, ການເມືອງ, ວັດທະນະທຳ, ສັງຄົມ ແລະ ອາລິຍະທຳຊີວະພາບຢ່າງແໜ້ນແຟ້ນກວ່າເກົ່າບົນເສັ້ນທາງແຫ່ງການບັນລຸຄວາມຝັນຂອງປະຊາຊາດອັນຍິ່ງໃຫຍ່, ວຽກງານດ້ານສິດທິມະນຸດຂອງຈີນຈະໄດ້ຮັບການພັດທະນາຫຼາຍກວ່າເກົ່າອີກ.
