ນາຍົກລັດຖະມົນຕີຈີນເລີ່ມຢ້ຽມຢາມເຢຍລະມັນ, ແລະຈະກ່າວຄຳປາໄສຢູ່ບ່ອນຈັດກອງປະຊຸມປົສດາມ
(GMT+08:00) 2013-05-26 14:21:13 cri
ຕາມຂ່າວ CRI: ຕອນບ່າຍວັນທີ 25 ພຶດສະພານີ້ຕາມເວລາທ້ອງຖິ່ນ, ທ່ານຫຼີເຄີ້ຊຽງ, ນາຍົກລັດຖະມົນຕີຈີນໄດ້ເດີນທາງໄປຮອດນະຄອນຫຼວງແບກແລງດ້ວຍເຄື່ອງບິນ, ເລີ່ມດຳເນີນການຢ້ຽມຢາມເຢຍລະມັນຢ່າງເປັນທາງການເປັນເວລາ 2 ວັນ, ເຢຍລະມັນແມ່ນປະເທດສຸດທ້າຍໃນການໄປຢ້ຽມຢາມຕ່າງປະເທດເທື່ອທຳອິດຫຼັງຈາກທ່ານຫຼີເຄີ້ຊຽງດຳລົງຕຳແໜ່ງເປັນນາຍົກລັດຖະມົນຕີຈີນເປັນຕົ້ນມາ.
ເຈົ້າໜ້າທີ່ລັດຖະບານເຢຍລະມັນໄດ້ໄປຕ້ອນຮັບທ່ານຫຼີເຄີ້ຊຽງພ້ອມດ້ວຍຄະນະຢູ່ສະໜາມບິນ. ໃນເວລາແຈກຢາຍຄຳປາໄສຢູ່ສະໜາມບິນ, ທ່ານຫຼີເຄີ້ຊຽງກ່າວວ່າ, ເຢຍລະມັນແມ່ນປະເທດເອີລົບທຳອິດທີ່ທ່ານໄປຢ້ຽມຢາມຫຼັງຈາກທ່ານຂຶ້ນຮັບຕຳແໜ່ງເປັນນາຍົກລັດຖະມົນຕີຈີນເປັນຕົ້ນມາ, ເຊິ່ງໄດ້ສະແດງໃຫ້ເຫັນວ່າ, ລັດຖະບານຈີນຊຸດໃໝ່ໃຫ້ຄວາມສຳຄັນຕໍ່ການຂະຫຍາຍການພົວພັນລະຫວ່າງຈີນກັບເຢຍລະມັນກໍ່ຄືຈີນກັບເອີລົບໃນລະດັບສູງ. ຈີນແລະເຢຍລະມັນລ້ວນແຕ່ແມ່ນປະເທດທີ່ມີອິດທິພົນສຳຄັນຕໍ່ໂລກ, ການພັດທະນາການຮ່ວມມືດ້ວຍໄມຕີຈິດມິດຕະພາບກັບເຢຍລະມັນແມ່ນການຄັດເລືອກທາງຍຸດທະສາດແລະນະໂຍບາຍຍາວນານຂອງຈີນ. ພວກຂ້າພະເຈົ້າຍິນດີທຳຄວາມພະຍາຍາມຮ່ວມກັບເຢຍລະມັນ, ເພີ່ມທະວີຄວາມເຂົ້າໃຈກັນ, ລົງເລິກຄວາມໄວ້ເນື້ອເຊື່ອໃຈກັນ, ເປີດກວ້າງການຮ່ວມມື, ເພີ່ມທະວີການແລກປ່ຽນແລະປະສານງານໃນວຽກງານສາກົນກໍ່ຄືໃນພາກພື້ນ, ຊຸກຍູ້ໃຫ້ການພົວພັນຄູ່ຮ່ວມມືຍຸດທະສາດລະຫວ່າງຈີນກັບເຢຍລະມັນໄດ້ຮັບການພັດທະນາໃໝ່, ພ້ອມກັນນັ້ນ, ປະກອບສ່ວນອັນຕັ້ງໜ້າເຂົ້າໃນການພົວພັນລະຫວ່າງຈີນກັບເອີລົບ.
ໃນໄລຍະຢ້ຽມຢາມ, ທ່ານຫຼີເຄີ້ຊຽງຈະພົບປະເຈລະຈາກັບທ່ານນາງອັນເຈີລາ ເມີເຄິ, ນາຍົກລັດຖະມົນຕີເຢຍລະມັນ, ຍັງຈະພົບປະກັບປະທານາທິບໍດີເຢຍລະມັນແລະຜູ້ນຳພັກການເມືອງສຳຄັນຕ່າງໆ, ທ່ານຍັງຈະກ່າວປາຖະກະຖາໃນງານລ້ຽງອາຫານທ່ຽງທີ່ຈັດໂດຍວົງການອຸດສາຫະກຳແລະການຄ້າຈີນແລະເຢຍລະມັນ.
ເຈົ້າໜ້າທີ່ລັດຖະບານເຢຍລະມັນໄດ້ໄປຕ້ອນຮັບທ່ານຫຼີເຄີ້ຊຽງພ້ອມດ້ວຍຄະນະຢູ່ສະໜາມບິນ. ໃນເວລາແຈກຢາຍຄຳປາໄສຢູ່ສະໜາມບິນ, ທ່ານຫຼີເຄີ້ຊຽງກ່າວວ່າ, ເຢຍລະມັນແມ່ນປະເທດເອີລົບທຳອິດທີ່ທ່ານໄປຢ້ຽມຢາມຫຼັງຈາກທ່ານຂຶ້ນຮັບຕຳແໜ່ງເປັນນາຍົກລັດຖະມົນຕີຈີນເປັນຕົ້ນມາ, ເຊິ່ງໄດ້ສະແດງໃຫ້ເຫັນວ່າ, ລັດຖະບານຈີນຊຸດໃໝ່ໃຫ້ຄວາມສຳຄັນຕໍ່ການຂະຫຍາຍການພົວພັນລະຫວ່າງຈີນກັບເຢຍລະມັນກໍ່ຄືຈີນກັບເອີລົບໃນລະດັບສູງ. ຈີນແລະເຢຍລະມັນລ້ວນແຕ່ແມ່ນປະເທດທີ່ມີອິດທິພົນສຳຄັນຕໍ່ໂລກ, ການພັດທະນາການຮ່ວມມືດ້ວຍໄມຕີຈິດມິດຕະພາບກັບເຢຍລະມັນແມ່ນການຄັດເລືອກທາງຍຸດທະສາດແລະນະໂຍບາຍຍາວນານຂອງຈີນ. ພວກຂ້າພະເຈົ້າຍິນດີທຳຄວາມພະຍາຍາມຮ່ວມກັບເຢຍລະມັນ, ເພີ່ມທະວີຄວາມເຂົ້າໃຈກັນ, ລົງເລິກຄວາມໄວ້ເນື້ອເຊື່ອໃຈກັນ, ເປີດກວ້າງການຮ່ວມມື, ເພີ່ມທະວີການແລກປ່ຽນແລະປະສານງານໃນວຽກງານສາກົນກໍ່ຄືໃນພາກພື້ນ, ຊຸກຍູ້ໃຫ້ການພົວພັນຄູ່ຮ່ວມມືຍຸດທະສາດລະຫວ່າງຈີນກັບເຢຍລະມັນໄດ້ຮັບການພັດທະນາໃໝ່, ພ້ອມກັນນັ້ນ, ປະກອບສ່ວນອັນຕັ້ງໜ້າເຂົ້າໃນການພົວພັນລະຫວ່າງຈີນກັບເອີລົບ.
ໃນໄລຍະຢ້ຽມຢາມ, ທ່ານຫຼີເຄີ້ຊຽງຈະພົບປະເຈລະຈາກັບທ່ານນາງອັນເຈີລາ ເມີເຄິ, ນາຍົກລັດຖະມົນຕີເຢຍລະມັນ, ຍັງຈະພົບປະກັບປະທານາທິບໍດີເຢຍລະມັນແລະຜູ້ນຳພັກການເມືອງສຳຄັນຕ່າງໆ, ທ່ານຍັງຈະກ່າວປາຖະກະຖາໃນງານລ້ຽງອາຫານທ່ຽງທີ່ຈັດໂດຍວົງການອຸດສາຫະກຳແລະການຄ້າຈີນແລະເຢຍລະມັນ.
