ເປີດກອງປະຊຸມສົນທະນາລະດັບສູງຂອງປະຊາຊົນລະຫວ່າງຈີນ-ອາຊີຕາເວັນອອກສຽງໃຕ້ຢູ່ນະຄອນໜານໜິງເຂດກວາງຊີຈີນ
ຕາມຂ່າວ CRI: ກອງປະຊຸມສົນທະນາລະດັບສູງຂອງປະຊາຊົນລະຫວ່າງຈີນ-ອາຊີຕາເວັນອອກສຽງໃຕ້ທີ່ຈະດຳເນີນເປັນເວລາສອງວັນ ໄດ້ຈັດຂຶ້ນຢູ່ນະຄອນໜານໜິງ, ເທດສະບາ ນເຂດປົກຄອງຕົນເອງເຜົ່າຈ້ວງກວາງຊີຈີນໃນວັນທີ 3 ມິຖຸນານີ້. ເຂົ້າຮ່ວມກອງປະຊຸມຄັ້ງນີ້ມີນັກການເມືອງສຳຄັນແລະຜູ້ຕາງໜ້າໃນວົງການຕ່າງໆຂອງຈີນ ແລະປະເທດອາຊີຕາເວັນອອກສຽງໃຕ້, ເຊັນ: ລາວ, ກຳປູເຈຍ, ມຽນ ມາ, ຟິລິບປິນ, ໄທ, ອິນໂດເນເຊຍ, ຫວຽດນາມ, ມະເລເຊຍ, ສິງກະໂປ, ບຼູໄນ ແລະ ຕີມໍເລັສເຕ. ທ່ານຫຼິວສີປາວ, ກຳມະການກົມການເມືອງສູນກາງພັກ, ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ, ທ່ານເຜິງຊິ່ງຮວາ, ເລ ຂາຄະນະພັກ ທັງເປັນປະທານຄະນະປະຈຳສະພາປະຊາຊົນເຂດປົກຄອງຕົນເອງເຜົ່າຈ້ວງກວາງຊີ່, ທ່ານວິຣານໂຕ, ປະທານພັກໃຈປະ ຊາຊົນ, ອະດີດຜູ້ບັນຊາການໃຫຍ່ກອງທັບອິນໂດເນເຊຍ ແລະ ທ່ານ ຫຼີຈິ້ນຈີ່ນ, ຮອງຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ ໄດ້ກ່າວຄະປາໄສໃນກອງປະຊຸມ.
ຫົວຂໍ້ຂອງກອງປະຊຸມເທື່ອນີ້ແມ່ນ "ສັນຕິພາບຊຸກຍູ້ການພັດທະນາ, ການຮ່ວມມືເພື່ອຕ່າງຝ່າຍຕ່າງມີຜົນປະໂຫຍດ--ສຽງຮ່ວມໃນດວງໃຈແລະຄວາມຝັນຮ່ວມຂອງປະຊາຊົນຈີນແລະປະຊາຊົນປະເທດອາຊີຕາເວັນອອກສຽງໃຕ້". ອີງຕາມວາລະຂອງກອງປະຊຸມ, ຜູ້ແທນບັນດາທ່ານຈະປຶກສາຫາລືກັນໂດຍປິ່ນອ້ອມສອງຫົວຂໍ້ ຄື: "ເຕົ້າໂຮມຄວາມເຫັນຂອງປະຊາຊົນ, ຊຸກຍູ້ການພົວພັນລະຫວ່າງຈີນ-ອາຊຽນໃຫ້ມີຄວາມຄືບໜ້າໃໝ່", "ມາດຕະການໃໝ່ໃນການຮ່ວມມືທີ່ແທ້ຈິງ", ແລະຍັງຈະດຳເນີນການສົນທະນາໂດຍສະເພາະ ໂດຍປິ່ນອ້ອມຫົວຂໍ້"ລັດຖະບານກັບປະຊາຊົນເກາະແຂນກັນ: ກ້ອນກຳລັງຊຸກຍູ້ສັນຕິພາບແລະການພັດທະນາຂອງພາກພື້ນ".
ທ່ານວິຣານໂຕ, ປະທານພັກໃຈປະຊາຊົນ, ອະດີດຜູ້ບັນຊາການໃຫຍ່ກອງທັບອິນໂດເນເຊຍ ກຳລັງກ່າວຄຳປາໄສຢູ່ທີ່ປະຊຸມ
