ທ່ານສີຈິ້ນຜີງເຈລະຈາກັບປະທານາທິບໍດີແມັກຊິກ, ປະມຸກລັດສອງປະເທດປະກາດຍົກການພົວພັນລະຫວ່າງຈີນກັບແມັກຊິກຂຶ້ນເປັນການພົວພັນຄູ່ຍຸດທະສາດຮອບດ້ານ
(GMT+08:00) 2013-06-05 18:00:14 cri
ຕາມຂ່າວCRI: ວັນທີ 4 ມິຖຸນານີ້ຢູ່ນະຄອນຫຼວງແມັກຊິກໂກ, ທ່ານສີຈິ້ນຜີງ, ປະທານປະເທດຈີນໄດ້ເຈລະຈາກັບທ່ານແອນຣິກ ເປນາ ນິເອໂທ, ປະທານາທິບໍດີແມັກຊິກ. ສອງຝ່າຍລ້ວນແຕ່ເຫັນວ່າເພີ່ມທະວີການຮ່ວມມືມິດຕະພາບໄລຍະຍາວລະຫວ່າງຈີນກັບແມັກຊິກສອດຄ່ອງກັບຜົນປະໂຫຍດພື້ນຖານຂອງສອງປະເທດແລະປະຊາຊົນສອງຊາດ, ກໍ່ມີຜົນດີຕໍ່ການຮ່ວມມືແລະສາມັກຄີກັນລະຫວ່າງປະເທດທີ່ພວມພັດທະນາ. ປະມຸກລັດສອງປະເທດປະກາດວ່າ, ຍົກການພົວພັນຍຸດທະສາດລະຫວ່າງຈີນກັບແມັກຊິກຂຶ້ນເປັນການພົວພັນຄູ່ຍຸດທະສາດຮອບດ້ານ.
ທ່ານສີຈິ້ນຜີງຊີ້ອອກວ່າ, ການພົວພັນລະຫວ່າງຈີນກັບແມັກຊິກໄດ້ເໜືອກາຍຂອບການພົວພັນສອງຝ່າຍ, ມີລັກສະນະພາກສ່ວນລວມແລະລັກສະນະຍຸດທະສາດນັບມື້ນັບຫຼາຍຂຶ້ນໃນການພົວພັນກັບຕ່າງປະເທດຂອງຕົນ. ພາຍໃຕ້ສະຖານະການໃໝ່, ການພົວພັນລະຫວ່າງສອງປະເທດມີຫາດຜົນແລະມີເງື່ອນໄຂຂະຫຍາຍຕົວໃຫ້ດີກວ່າເກົ່າ, ຍົກການພົວພັນລະຫວ່າງສອງປະເທດຂຶ້ນເປັນການພົວພັນຄູ່ຍຸດທະສາດຮອບດ້ານ, ທັງແມ່ນຄວາມຕ້ອງການຕົວຈິງ, ກໍ່ໄດ້ວາງເປົ້າໝາຍອັນຈະແຈ້ງໃຫ້ແກ່ການຂະຫຍາຍການພົວພັນລະຫວ່າງຈີນກັບແມັກຊິກໃນອະນາຄົດ.
ທ່ານເປນາ ນິເອໂຕກ່າວວ່າ, ຍົກການພົວພັນລະຫວ່າງແມັກຊິກກັບຈີນຂຶ້ນເປັນການພົວພັນຄູ່ຍຸດທະສາດຮອບດ້ານເປັນຂີດໝາຍສະແດງໃຫ້ເຫັນວ່າການຮ່ວມມືລະຫວ່າງສອງປະເທດກ້າວຂຶ້ນສູ່ໄລຍະໃໝ່. ແມັກຊິກຍິນດີຮ່ວມກັບຈີນ, ຊຸກຍູ້ການຮ່ວມມືໃນລະດັບສູງກວ່າເກົ່າດ້ວຍກົນໄກທີ່ມີປະສິດທິຜົນຫຼາຍກວ່າເກົ່າ.
ພາຍຫຼັງການເຈລະຈາ, ຜູ້ນຳສອງປະເທດໄດ້ຮ່ວມກັນລົງນາມໃນ"ຖະແຫຼງການຮ່ວມແຫ່ງສາທາລະນະລັດປະຊາຊົນຈີນກັບສະຫະລັດແມັກຊິກ"
ທ່ານສີຈິ້ນຜີງຊີ້ອອກວ່າ, ການພົວພັນລະຫວ່າງຈີນກັບແມັກຊິກໄດ້ເໜືອກາຍຂອບການພົວພັນສອງຝ່າຍ, ມີລັກສະນະພາກສ່ວນລວມແລະລັກສະນະຍຸດທະສາດນັບມື້ນັບຫຼາຍຂຶ້ນໃນການພົວພັນກັບຕ່າງປະເທດຂອງຕົນ. ພາຍໃຕ້ສະຖານະການໃໝ່, ການພົວພັນລະຫວ່າງສອງປະເທດມີຫາດຜົນແລະມີເງື່ອນໄຂຂະຫຍາຍຕົວໃຫ້ດີກວ່າເກົ່າ, ຍົກການພົວພັນລະຫວ່າງສອງປະເທດຂຶ້ນເປັນການພົວພັນຄູ່ຍຸດທະສາດຮອບດ້ານ, ທັງແມ່ນຄວາມຕ້ອງການຕົວຈິງ, ກໍ່ໄດ້ວາງເປົ້າໝາຍອັນຈະແຈ້ງໃຫ້ແກ່ການຂະຫຍາຍການພົວພັນລະຫວ່າງຈີນກັບແມັກຊິກໃນອະນາຄົດ.
ທ່ານເປນາ ນິເອໂຕກ່າວວ່າ, ຍົກການພົວພັນລະຫວ່າງແມັກຊິກກັບຈີນຂຶ້ນເປັນການພົວພັນຄູ່ຍຸດທະສາດຮອບດ້ານເປັນຂີດໝາຍສະແດງໃຫ້ເຫັນວ່າການຮ່ວມມືລະຫວ່າງສອງປະເທດກ້າວຂຶ້ນສູ່ໄລຍະໃໝ່. ແມັກຊິກຍິນດີຮ່ວມກັບຈີນ, ຊຸກຍູ້ການຮ່ວມມືໃນລະດັບສູງກວ່າເກົ່າດ້ວຍກົນໄກທີ່ມີປະສິດທິຜົນຫຼາຍກວ່າເກົ່າ.
ພາຍຫຼັງການເຈລະຈາ, ຜູ້ນຳສອງປະເທດໄດ້ຮ່ວມກັນລົງນາມໃນ"ຖະແຫຼງການຮ່ວມແຫ່ງສາທາລະນະລັດປະຊາຊົນຈີນກັບສະຫະລັດແມັກຊິກ"
