ວິຊາການເຫັນວ່າການພົວພັນລະຫວ່າງຈີນກັບອາເມລິກາຄວນຫລີກເວັ້ນຄວາມຂັດແຍ່ງກັນແລະທຳຄວາມເຂົ້າໃຈກັນໃຫ້ຫລາຍກວາເກົ່າ
(GMT+08:00) 2013-06-10 14:46:15 cri
ການພົບປະກັນຢູ່ເຮືອນພັກລະຫວ່າງທ່ານຊີຈິ້ນຜິງ ປະທານປະເທດຈີນກັບທ່ານບາຣັກ ໂອບາມາ ປະທານາທິບໍດີອາເມລິກາໄດ້ສິ້ນສຸດລົງໃນຕອນທ່ຽງວັນທີ 8 ມິຖຸນາຕາເມວລາທ້ອງຖີ່ນ. ນັກວິຊາການທີ່ຄົ້ນຄວ້າການພົວພັນລະຫວ່າງຈີນກັບອາເມລິກາໄດ້ຢືນຢັນຢ່າງເຕັມສ່ວນຕໍ່ຄວາມຫມາຍຂອງການພົບປະເທື່ອນີ້ທີ່ມີຕໍ່ການຂະຫຍາຍການພົວພັນລະຫວ່າງຈີນກັບອາເມລິກາ, ເຫັນວ່າ,ປະມຸກລັດສອງປະເທດມີຄວາມຮັບຮູ້ທີ່ຄືກັນອັນສຳຄັນກ່ຽວກັບການສ້າງການພົວພັນລະຫວ່າງປະເທດໃຫຍ່ແບບໃຫມ່ແມ່ນຫມາກຜົນທີ່ສຳຄັນທີ່ສຸດທີ່ໄດ້ຮັບໃນການ ພົບປະເທື່ອນີ້.ໃນອະນາຄົດ,ຈີນກັບອາເມລິກາຈະພະຍາຍາມເພີ່ມຜົນປະໂຫຍດໃຫ້ແກ່ກັນ, ຄວບຄຸມຄວາມເຫັນທີ່ຕ່າງກັນເປັນຢ່າງດີ,ນີ້ຕ້ອງການໃຫ້ສອງຝ່າຍທຳຄວາມເຂົ້າໃຈກັນໃຫ້ຫລາຍກວ່າເກົ່າແລະດີກວ່າເກົ່າ, ທັງຫມົດເຫລົ່ານີ້ແມ່ນຍ້ອນວ່າທັງສອງຝ່າຍມີຄວາມຕ້ອງການອີງອາໃສນຳຝ່າຍກົງກັນຂ້າມ.
ທ່ານຊີຊິ່ງ, ຫົວຫນ້າສະຖາບັນຄົ້ນຄວ້າບັນຫາສາກົນຈີນເຫັນວ່າ, ການພົບປະລະຫວ່າງຜູ້ນຳສອງຝ່າຍໄດ້ມີຄວາມຮັບຮູ້ຄືກັນ,ເພື່ອພະຍາຍາມສ້າງການພົວພັນລະຫວ່າງປະເທດໃຫຍ່ແບບໃຫມ່,ນີ້ໄດ້ສ້າງພື້ນຖານໃຫ້ແກ່ການພົວພັນລະຫວ່າງສອງປະເທດໃນ 10 ປີຕໍ່ຫນ້ານີ້,ແລະມີຄວາມຫມາຍດ້ານຍຸດທະສາດໃຫ້ແກ່ສັນຕິພາບແລະການພັດທະນາຂອງອາຊີປາຊີຟິກກໍ່ຄືຂອງໂລກ.ທ່ານກ່າວວ່າ:
ການພົບປະເທື່ອນີ້ໄດ້ສົ່ງສັນຍານອັນແຮງກ້າວອັນຫນຶ່ງໄປໃຫ້ປະຊາຄົມໂລກຄື ຈີນກັບອາເມລິກາແມ່ນຫມູ່ຄູ່ຮ່ວມມືກັນ.
ເລື່ອງຈິງໄດ້ຢືນຢັນໃຫ້ເຫັນແລ້ວວ່າ, ການຮ່ວມມືລະຫວ່າງຈີນກັບອາເມລິກາໃນດ້ານການຕ້ານກັບໂຈນທະເລຢູ່ອ່າວອາເຕັນ,ການເຈລະຈາ 6 ຝ່າຍແລະດ້ານອື່ນໆມີຜົນດີຕໍ່ການເພີ່ມຄວາມໄວ້ເນື້ອເຊື່ອໃຈກັນລະຫວ່າງສອງຝ່າຍ, ສ່ວນການຮ່ວມມືໃນຂົງເຂດການປ່ຽນແປງຂອງດິນຟ້າອາກາດ,ການຕ້ານການກໍ່ການຮ້າຍແລະອື່ນໆນັ້ນກໍ່ມີຄວາມຫມາຍສຳຄັນຕໍ່ທົ່ວໂລກ.
ໃນການພົບປະ,ທ່ານຊີຈິ້ນຜິງໄດ້ເປັນເຈົ້າການກ່າວເຖິງບັນຫາທະເລຈີນຕາເວັນອອກແລະທະເລຈີນໃຕ້,ນີ້ສະແດງໃຫ້ເຫັນວ່າທັງສອງຝ່າຍມີຄວາມຂັດແຍ່ງກັນຈຳນວນຫນຶ່ງ, ແຕ່ກໍ່ເຫັນດີຮ່ວມກັນຄຸ້ມຄອງຄວາມຂັດແຍ່ງກັນຢ່າງມີລັກສະນະສ້າງສັນ.
ນັກວິຊາການທີ່ໃຫ້ສຳພາດເຫັນໂດຍທົ່ວໄປວ່າ, ຈີນແລະອາເມລິກາໃນຊູ່ມື້ນີ້, ບໍ່ວ່າໃນດ້ານການພັດທະນາຂອງຕົນເອງ, ການສ້າງສາສິດປະກອບຄຳຄິດຄຳເຫັນໃນທົ່ວໂລກຫລືໃນດ້ານການຮັບມືກັບສິ່ງທ້າທາຍໃນທົ່ວໂລກນັ້ນ, ລ້ວນແຕ່ນັບມື້ນັບປາສະຈາກຝ່າຍກົງກັນຂ້າມບໍ່ໄດ້. ຄົນທັງຫລາຍຄອງຄອຍຢາກເຫັນວ່າລະຫວ່າງຈີນກັບອາເມລິກາບໍ່ປະທະກັນບໍ່ເປັນປໍລະປັກກັນ,ໂດຍຖືການສ້າງການພົວພັນແບບໃຫມ່ລະຫວ່າງປະເທດໃຫຍ່,ນີ້ແມ່ນການເລີ່ມຕົ້ນແຫ່ງຍຸກສະໄຫມໃຫມ່.
