ຈີນກ່າວວ່າ,ຄັດຄ້ານປະເທດທີ່ກ່ຽວຂ້ອງຜູກເປັນກຸ່ມ
ຕາມຂ່າວCRI: ໃນເວລາພົບປະກັບຜູ້ບັນຊາການສູງສຸດກອງທັບເຮືອຟິລິບປິນ,ລັດຖະມົນຕີວ່າການກະຊວງປ້ອງກັນປະເທດຍີ່ປຸ່ນກ່າວວ່າ, ຫວ່າງມໍ່ໆນີ້, ຈີນໄດ້ມີການເຄື່ອນໄຫວທາງທະເລຢ່າງເນື່ອງນິດ, ວັນທີ 28 ມິຖຸນານີ້, ຢູ່ທີ່ປັກກິ່ງ, ທ່ານນາງຮວ້າຊຸ່ນອີ໋ງ ໂຄສົກກະຊວງການຕ່າງປະເທດຈີນກ່າວວ່າ, ຈີນຄັດຄ້ານປະເທດທີ່ກ່ຽວຂ້ອງຜູກເປັນກຸ່ມ, ຊັກນຳຫາງສຽງສາກົນຢ່າງຜິດພາດ.
"ຈີນດີໃຈທີ່ໄດ້ເຫັນປະເທດອື່ນໆຂະຫຍາຍການພົວພັນມິດຕະພາບອັນປົກກະຕິ, ແຕ່ຄັດຄ້ານປະເທດທີ່ກ່ຽວຂ້ອງຜູກເປັນກຸ່ມ, ທ້າທາຍເກາະຜິດກໍ່ເລື່ອງກໍ່ລາວຕັ້ງໃຈໂຄສະນາສະພາບອັນເຄັ່ງຕຶງຂອງພາກພື້ນ, ຊັກນຳຫາງສຽງສາກົນຢ່າງຜິດພາດ. ຈີນຫວັງວ່າ, ປະເທດທີ່ກ່ຽວຂ້ອງຕ້ອງຮັບຮູ້ສະຖານະການຢ່າງຖືກຕ້ອງແລະປອງໃສ,ທຳຄວາມພະຍາຍາມເພື່ອມີຜົນດີເພິ່ມທະວີຄວາມໄວ້ເນື້ອເຊື່ອໃຈກັນທາງການເມືອງ ແລະ ຄວາມໝັ້ນຄົງຂອງພາກພື້ນ ແລະ ສາກົນ, ຊຸກຍູ້ສັນຕິພາບ ແລະ ສະຖຽນລະພາບຂອງພາກພື້ນນັ້ນ, ແຕ່ບໍ່ແມ່ນເຮັດໄປທາງກົງກັນຂ້າມ.
ທ່ານນາງຮວ້າຊຸ່ນອີ໋ງກ່າວວ່າ, ການເຄື່ອນໄຫວທາງທະເລອັນປົດກະຕິຂອງຈີນແມ່ນດຳເນີນຕາມກົດໝາຍສາກົນ ແລະ ກົດບັນຍັດພາຍໃນປະເທດທີ່ກ່ຽວຂ້ອງ,ບໍ່ມີຫຍັງພໍທີ່ຈະຕິຕຽນໜັກໂພດ.ພ້ອມກັນນັ້ນ, ຈີນມີເຈດຈຳນົງ ແລະ ສຸມກຳລັງແກ້ໄຂຄວາມຂັດແຍ່ງກ່ຽວກັບຜືນແຜ່ນດິນເທິງທະເລໂດຍຜ່ານການສົນທະນາ ແລະ ປຶກສາຫາລືມາໂດຍຕະຫຼອດ, ແມ່ນຜູ້ຮັກສາສັນຕິພາບ ແລະ ສະຖຽນລະພາບຂອງພາກພື້ນທີ່ໝັ້ນໜຽວ.
