ຊາວໜຸ່ມເຍົາວະຊົນລາວເຊື້ອສາຍຈີນໄປສຳຜັດວັດທະນະທຳຈີນຢູ່ແຂວງຢຸນນານ
"ງານຕັ້ງຄ້າຍແຂວງຢຸນນານທີ່ງາມສົມບູນ--ກິດຈະກຳວັດທະນະທຳຈີນ 2013" ເລີ່ມ ເປີດຄ້າຍທີ່ນະຄອນຄຸນມິງໃນວັນທີ 4 ກໍລະກົດນີ້, ນັກຮຽນຈາກໂຮງຮຽນຈີນຢູ່ລາວ 40 ຄົນ ພ້ອມຫົວໜ້າທີມໄດ້ເຂົ້າຮ່ວມກິດຈະກຳທີ່ດຳເນີນເປັນເວລາ 10 ວັນເທື່ອນີ້. ນອກຈາກດຳເນີນການຮ່ຳຮຽນແລະແລກປ່ຽນວັດທະນະທຳຊົນເຜົ່າແຂວງຢຸນນານ ແລະ ຄວາມຮູ້ຂອງຊົນຊາດຈີນແລ້ວ, ນັກຮຽນຈາກລາວເຊື້ອສາຍຈີນເຫຼົ່ານີ້ຍັງຈະໄປສຳຜັດກັບຮີດຄອງປະເພນີແຂວງຢຸນນານອີກດ້ວຍ.
ຄຽງຄູ່ກັບສອງປະເທດຈີນແລະລາວໄດ້ມີການຮ່ວມມືນັບມື້ນັບແໜ້ນແຟ້ນຂຶ້ນ, ຢູ່ລາວໄດ້ມີຄົນຮຽນພາສາຈີນນັບມື້ນັບຫຼາຍ, ປະຊາຊົນທີ່ເປັນຄົນລາວແລະຄົນລາວເຊື້ອສາຍຈີນນັບມື້ນັບຫຼາຍຫວັງວ່າຈະໄດ້ຮຽນຣູ້ວິຖີຊີວິດແລະວັດທະນະທຳດັ້ງເດີມຂອງຈີນ. ຄູສອນທີ່ເປັນ ຫົວໜ້າທີມກ່າວວ່າ: ໂຮງຮຽນຈີນຢູ່ລາວພວມປັບປຸງວິທີການສອນຢ່າງບໍ່ຢຸດຢັ້ງ, ເພື່ອໃຫ້ນັກຮຽນທັງຫຼາຍໄດ້ສຳຜັດຕົວຈິງໃນການສິດສອນ.
