ການຊ້ອມຮົບຮ່ວມເທິງທະເລຈີນ-ຣັດເຊຍເລີ່ມຕົ້ນການຊ້ອມຮົບວັນທຳອິດຂອງໄລຍະການຊ້ອມຮົບດ້ວຍກຳລັງຕົວຈິງ
ວັນທີ 8 ກໍລະກົດນີ້ ຕາມເວລາທ້ອງຖິ່ນ, ການຊ້ອມຮົບຮ່ວມທີ່ມີຊື່ວ່າ "ການເຄື່ອນໄຫວຮ່ວມທາງການທະຫານເທິງທະເລ 2013" ລະຫວ່າງຈີນ-ຣັດເຊຍໄດ້ເລີ່ມເຂົ້າສູ່ໄລຍະການຊ້ອມຮົບດ້ວຍກຳລັງຕົວຈິງ, ເຊິ່ງວິຊາຝຶກຊ້ອມໃນວັນທຳອິດແມ່ນຂະຫຍາຍຮູບແຖວ ແລະ ການປ້ອງກັນຢູ່ຕາມບໍລິເວນທອດສະໝໍຂອງກຳປັ່ນ.
ທ່ານຢາງຈຸ້ນເຟີ່ຍ, ຮອງຜູ້ບັນຊາການໃຫຍ່ກອງກຳປັ່ນທະເລເໜືອກອງທັບເຮືອຈີນ, ຜູ້ບັນຊາການກອງກຳປັ່ນຝ່າຍຈີນ ກ່າວວ່າ: ຜ່ານການຝຶກຊ້ອມຕາມສະພາບການຕ່າງໆ, ໄດ້ກວດກາລະດັບເຕັກນິກດ້ານຍຸດທະວິທີຂອງນາຍແລະພົນທະຫານຢ່າງມີປະສິດທິຜົນ. ເມື່ອເບິ່ງຈາກຜົນຕົວຈິງແລ້ວເຫັນວ່າ, ໄດ້ບັນລຸຈຸດປະສົງຂອງການຊ້ອມຮົບເທື່ອນີ້.
ການຊ້ອມຮົບດ້ວຍກຳລົງຕົວຈິງຂອງການຊ້ອມຮົບຮ່ວມ "ການເຄື່ອນໄຫວຮ່ວມທາງການທະຫານເທິງທະເລ 2013" ຈະດຳເນີນເປັນເວລາ 3 ວັນ. ວັນທີ 9 ກໍລະກົດນີ້ຈະດຳເນີນການຝຶກຊ້ອມໃນ 6 ດ້ານ, ເຊັ່ນວ່າ ການປ້ອງກັນອາກາດຮ່ວມ, ການສົ່ງພະລາທິການຮັບປະກັນທາງທະເລ ແລະ ການປ້ອງກັນຮ່ວມດ້ານການເດີນເຮືອເປັນຕົ້ນ, ສ່ວນວັນທີ 10 ກໍລະກົດນີ້ຈະມີການຝຶກຊ້ອມທີ່ສຳຄັນ, ຄື: ການຊ່ວຍເຫຼືອແລະກູ້ໄພຮ່ວມ, ການນຳໃຊ້ອາວຸດຕົວຈິງເທິງທະເລ, ການກວດແຖວກອງທັບເຮືອ ແລະ ການຖອນທະຫານ.
