ອາຊຽນກັບຈີນ ຍີ່ປຸ່ນ ແລະ ສ.ເກົາຫຼີບັນລຸຄວາມຮັບຮູ້ທີ່ເປັນເອກະສັນກັນກ່ຽວກັບການເພີ່ມທະວີການຮ່ວມມືດ້ານການປ້ອງກັນແລະບັນເທົາໄພດ້ານກະສິກຳ
ກອງປະຊຸມໂຕະມົນຍຸດທະສາດການຮ່ວມມືດ້ານຄວາມປອດໄພຂອງສະບຽງອາຫານ ລະຫວ່າງອາຊຽນກັບຈີນ, ຍີ່ປຸ່ນ ແລະ ສ.ເກົາຫຼີ ຫຼື 10+3 ຄັ້ງທີ 5 ໄດ້ອັດລົງທີ່ນະຄອນຮາເອີປິ່ນຈີນໃນວັນທີ 11 ກໍລະກົດນີ້, ຜູ້ແທນຂອງບັນດາຝ່າຍທີ່ເຂົ້າຮ່ວມກອງປະຊຸມ ໄດ້ບັນລຸຄວາມຮັບຮູ້ທີ່ເປັນເອກະສັນກັນກ່ຽວກັບການເພີ່ມທະວີການຮ່ວມມືດ້ານການປ້ອງກັນແລະບັນເທົາໄພທາງ ດ້ານກະສິກຳ.
ທ່ານຖາງເຊິ້ງຢາວ, ຮອງຫົວໜ້າກົມຮ່ວມມືສາກົນກະຊວງກະສິກຳຈີນ ໄດ້ຕີລາຄາສູງຕໍ່ບົດຮຽນຂອງຜູ້ແທນບັນດາປະເທດໃນການປ້ອງກັນ-ບັນເທົາໄພ ແລະການຜະລິດອາຫານຢ່າງໝັ້ນທ່ຽງ. ທ່ານກ່າວວ່າ: ປະເທດຕ່າງໆຮ່ວມກັນຮັບມືກັບໄພທຳມະຊາດ ມີຄວາມໝາຍອັນສຳຄັນຕໍ່ການຮັບປະກັນຄວາມປອດໄພດ້ານສະບຽງອາຫານໃນພາກພື້ນ.
ໃນກອງປະຊຸມໄດ້ບັນລຸຄວາມຮັບຮູ້ທີ່ເປັນເອກະສັນກັນຄືດັ່ງນີ້: ເພີ່ມທະວີກົນໄກປ້ອງກັນແລະບັນເທົາໄພຕາມເຂດຊາຍແດນ, ເພີ່ມທະວີການກໍ່ສ້າງການປະກັນໄພດ້ານກະສິກຳ, ຊົນລະປະທານ, ພື້ນຖານໂຄງລ່າງດ້ານກະສິກຳ, ສະພາບແວດລ້ອມດ້ານຊົນລະປະທານ, ເພີ່ມທະວີການປະດິດສ້າງດ້ານວິທະຍາສາດ-ເຕັກນິກ, ຊຸກຍູ້ການສ້າງກົນໄກປ້ອງກັນ-ບັນເທົາໄພແລະກູ້ໄພທີ່ຮັບມືກັບວິກິດການໂດຍອາໄສວິທະຍາສາດ-ເຕັກນິກທັນສະໄໝ, ເພີ່ມທະວີການປະສານງານຫຼັກໝັ້ນຂອງ 10+3 ໃນບັນຫາການປ່ຽນແປງຂອງດິນຟ້າອາກາດ, ການປະຢັດພະລັງງານ-ການຫຼຸດການລະບາຍທາດກາກບອນດີອ໋ອກຊິດ, ການພັດທະນາແລະນຳໃຊ້ຊັບພະຍາກອນຊີວະພາບ.
