ນາຍົກລາວຕີລາຄາໃນລະດັບສູງຕໍ່ການພົວພັນຄູ່ຮ່ວມມືຍຸດທະສາດຮອບດ້ານຈີນລາວ
(GMT+08:00) 2013-07-13 14:51:30 cri
ຕາມຂ່າວ CRI: ວັນທີ 12 ກໍລະກົດນີ້ ຢູ່ນະຄອນຫຼວງວຽງຈັນ ທ່ານທອງສິງ ທຳມະວົງ ນາຍົກລັດຖະມົນຕີລາວກ່າວວ່າ, ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນກັບລາວພວມຢູ່ໃນໄລຍະທີ່ໄດ້ຮັບໝາກຜົນອຸດົມສົມບູນທີ່ສຸດແລະມີລະດັບສູງທີ່ສຸດ.
ທ່ານທອງສິງ ທຳມະວົງແມ່ນໃຫ້ທັດສະນະດັ່ງກ່າວໃນເວລາຕ້ອນຮັບການເຂົ້າພົບຂອງທ່ານກ່ວນຮວາປິ່ງ, ເອກອັກຄະລັດຖະທູດຜູ້ມີອຳນາດເຕັມຂອງຈີນປະຈຳລາວຄົນໃໝ່.
ໃນການພົບປະ, ທ່ານທອງສິງໄດ້ຕີລາຄາໃນລະດັບສູງຕໍ່ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງລາວກັບຈີນທີ່ໄດ້ຂະຫຍາຍລົງສູ່ລວງເລິກຢ່າງບໍ່ຢຸດຢັ້ງ, ແລະຕາງໜ້າພັກ, ລັດແລະປະຊາຊົນລາວສະແດງຄວາມຂອບໃຈດ້ວຍຄວາມຈິງໃຈຕໍ່ພັກ, ລັດແລະປະຊາຊົນຈີນທີ່ໄດ້ໃຫ້ການສະໜັບສະໜູນອັນປະເສີດໃຫ້ແກ່ຝ່າຍລາວຕະຫຼອດມາ. ທ່ານເຫັນວ່າ, ໃນຫຼາຍປີມໍ່ໆມານີ້ ການຮ່ວມມືລະຫວ່າງລາວກັບຈີນໄດ້ຮັບການຂະຫຍາຍຕົວຢ່າງບໍ່ຢຸດຢັ້ງ ແລະໄດ້ຮັບໝາກກົນອັນມະຫາສານທີ່ເຮັດໃຫ້ຄົນເພິ່ງພໍໃຈ.
ທ່ານທອງສິງໄດ້ສະແດງຄວາມຍິນດີຕ້ອນຮັບທ່ານກ່ວນຮວາປິ່ງທີ່ໄປດຳເນີນຕຳແໜ່ງເອກອັກຄະລັດຖະທູດຈີນ, ແລະສະແດງຄວາມເຊື່ອວ່າ, ທ່ານກ່ວນຮວາປິ່ງຈະສືບຕໍ່ຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງສອງພັກ, ສອງລັດແລະປະຊາຊົນສອງຊາດລາວຈີນໃຫ້ຂະຫຍາຍຕົວຢ່າງບໍ່ຢຸດຢັ້ງ ແລະສ້າງຄວາມສຸກໃຫ້ແກ່ປະຊາຊົນສອງຊາດ.
ທ່ານກ່ວນຮວາປິງໄດ້ຝາກຄວາມຢື້ຢາມຖາມຂ່າວຂອງທ່ານຫຼີເຄີ້ຊຽງ, ນາຍົກລັດຖະມົນຕີຈີນຕໍ່ທ່ານທອງສິງ ທຳມະວົງ, ແລະໄດ້ສະແດງຄວາມປິຕິຊົມຊື່ນທີ່ໄດ້ເຫັນການກໍ່ສ້າງເສດຖະກິດແລະສັງຄົມຂອງລາວໄດ້ຮັບໝາກຜົນອັນມະຫາສານ, ທ່ານສະແດງຄວາມເຊື່ອວ່າ, ພາຍໃຕ້ການນຳພາຂອງພັກປະຊາຊົນປະຕິວັດລາວ, ປະຊາຊົນລາວຍ່ອມຈະໄດ້ຮັບໝາກຜົນທີ່ຍິ່ງໃຫຍ່ກວ່າເກົ່າຢ່າງບໍ່ຢຸດຢັ້ງໃນພາລະກິດແຫ່ງການປ້ອງກັນແລະສ້າງສາປະເທດຊາດ. ທ່ານກ່າວວ່າ, ປັດຈຸບັນ, ການນຳຂັ້ນສູງຂອງສອງປະເທດຢ້ຽມຢາມກັນເລື້ອຍໆ, ຄວາມໄວ້ເນື້ອເຊື່ອໃຈໃນດ້ານການເມືອງເພີ່ມຂຶ້ນຢ່າງບໍ່ຢຸດຢັ້ງ, ໄດ້ດຳເນີນການຮ່ວມມືທີ່ບັງເກີດຜົນໃນຂົງເຂດເສດຖະກິດ, ວັດທະນະທຳ, ການສຶກສາແລະຂົງເຂດອື່ນໆ, ໄດ້ສະໜັບສະໜູນແລະປະສານງານເຊິ່ງກັນແລະກັນໃນວຽກງານສາກົນ. ຈີນຈະສືບຕໍ່ໃຫ້ການຊ່ອຍເຫຼືອຕາມຄວາມສາມາດຂອງຕົນໃຫ້ແກ່ພາລະກິດສ້າງສາສັງຄົມນິຍົມຂອງລາວ, ແລະຫວັງຢາກໃຫ້ທ່ານທອງສິງ ທຳມະວົງສືບຕໍ່ເອົາໃຈໃສ່ແລະສະໜັບສະໜູນການຮ່ວມມືລະຫວ່າງຈີນກັບລາວໃນທຸກຂົງເຂດ.
ນອກນັ້ນ ທ່ານກ່ວນຮວາປິງຍັງໄດ້ລາຍງານໃຫ້ທ່ານທອງສິງ ທຳມະວົງຊາບວ່າ, ເພື່ອສະໜັບສະໜູນລາວຕ້ານພະຍາດໄຂ້ເລືອດອອກໃນປັດຈຸບັນ, ສະພາກາແດງຈີນຈະໃຫ້ການຊ່ອຍເຫຼືອຕົກເປັນເງິນ 5 ໝື່ນໂດລາສະຫະລັດແກ່ລາວ.
ທ່ານທອງສິງ ທຳມະວົງແມ່ນໃຫ້ທັດສະນະດັ່ງກ່າວໃນເວລາຕ້ອນຮັບການເຂົ້າພົບຂອງທ່ານກ່ວນຮວາປິ່ງ, ເອກອັກຄະລັດຖະທູດຜູ້ມີອຳນາດເຕັມຂອງຈີນປະຈຳລາວຄົນໃໝ່.
ໃນການພົບປະ, ທ່ານທອງສິງໄດ້ຕີລາຄາໃນລະດັບສູງຕໍ່ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງລາວກັບຈີນທີ່ໄດ້ຂະຫຍາຍລົງສູ່ລວງເລິກຢ່າງບໍ່ຢຸດຢັ້ງ, ແລະຕາງໜ້າພັກ, ລັດແລະປະຊາຊົນລາວສະແດງຄວາມຂອບໃຈດ້ວຍຄວາມຈິງໃຈຕໍ່ພັກ, ລັດແລະປະຊາຊົນຈີນທີ່ໄດ້ໃຫ້ການສະໜັບສະໜູນອັນປະເສີດໃຫ້ແກ່ຝ່າຍລາວຕະຫຼອດມາ. ທ່ານເຫັນວ່າ, ໃນຫຼາຍປີມໍ່ໆມານີ້ ການຮ່ວມມືລະຫວ່າງລາວກັບຈີນໄດ້ຮັບການຂະຫຍາຍຕົວຢ່າງບໍ່ຢຸດຢັ້ງ ແລະໄດ້ຮັບໝາກກົນອັນມະຫາສານທີ່ເຮັດໃຫ້ຄົນເພິ່ງພໍໃຈ.
ທ່ານທອງສິງໄດ້ສະແດງຄວາມຍິນດີຕ້ອນຮັບທ່ານກ່ວນຮວາປິ່ງທີ່ໄປດຳເນີນຕຳແໜ່ງເອກອັກຄະລັດຖະທູດຈີນ, ແລະສະແດງຄວາມເຊື່ອວ່າ, ທ່ານກ່ວນຮວາປິ່ງຈະສືບຕໍ່ຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງສອງພັກ, ສອງລັດແລະປະຊາຊົນສອງຊາດລາວຈີນໃຫ້ຂະຫຍາຍຕົວຢ່າງບໍ່ຢຸດຢັ້ງ ແລະສ້າງຄວາມສຸກໃຫ້ແກ່ປະຊາຊົນສອງຊາດ.
ທ່ານກ່ວນຮວາປິງໄດ້ຝາກຄວາມຢື້ຢາມຖາມຂ່າວຂອງທ່ານຫຼີເຄີ້ຊຽງ, ນາຍົກລັດຖະມົນຕີຈີນຕໍ່ທ່ານທອງສິງ ທຳມະວົງ, ແລະໄດ້ສະແດງຄວາມປິຕິຊົມຊື່ນທີ່ໄດ້ເຫັນການກໍ່ສ້າງເສດຖະກິດແລະສັງຄົມຂອງລາວໄດ້ຮັບໝາກຜົນອັນມະຫາສານ, ທ່ານສະແດງຄວາມເຊື່ອວ່າ, ພາຍໃຕ້ການນຳພາຂອງພັກປະຊາຊົນປະຕິວັດລາວ, ປະຊາຊົນລາວຍ່ອມຈະໄດ້ຮັບໝາກຜົນທີ່ຍິ່ງໃຫຍ່ກວ່າເກົ່າຢ່າງບໍ່ຢຸດຢັ້ງໃນພາລະກິດແຫ່ງການປ້ອງກັນແລະສ້າງສາປະເທດຊາດ. ທ່ານກ່າວວ່າ, ປັດຈຸບັນ, ການນຳຂັ້ນສູງຂອງສອງປະເທດຢ້ຽມຢາມກັນເລື້ອຍໆ, ຄວາມໄວ້ເນື້ອເຊື່ອໃຈໃນດ້ານການເມືອງເພີ່ມຂຶ້ນຢ່າງບໍ່ຢຸດຢັ້ງ, ໄດ້ດຳເນີນການຮ່ວມມືທີ່ບັງເກີດຜົນໃນຂົງເຂດເສດຖະກິດ, ວັດທະນະທຳ, ການສຶກສາແລະຂົງເຂດອື່ນໆ, ໄດ້ສະໜັບສະໜູນແລະປະສານງານເຊິ່ງກັນແລະກັນໃນວຽກງານສາກົນ. ຈີນຈະສືບຕໍ່ໃຫ້ການຊ່ອຍເຫຼືອຕາມຄວາມສາມາດຂອງຕົນໃຫ້ແກ່ພາລະກິດສ້າງສາສັງຄົມນິຍົມຂອງລາວ, ແລະຫວັງຢາກໃຫ້ທ່ານທອງສິງ ທຳມະວົງສືບຕໍ່ເອົາໃຈໃສ່ແລະສະໜັບສະໜູນການຮ່ວມມືລະຫວ່າງຈີນກັບລາວໃນທຸກຂົງເຂດ.
ນອກນັ້ນ ທ່ານກ່ວນຮວາປິງຍັງໄດ້ລາຍງານໃຫ້ທ່ານທອງສິງ ທຳມະວົງຊາບວ່າ, ເພື່ອສະໜັບສະໜູນລາວຕ້ານພະຍາດໄຂ້ເລືອດອອກໃນປັດຈຸບັນ, ສະພາກາແດງຈີນຈະໃຫ້ການຊ່ອຍເຫຼືອຕົກເປັນເງິນ 5 ໝື່ນໂດລາສະຫະລັດແກ່ລາວ.
