5 ປະເທດອາຊີອາຄະເນຈະຈັດກອງປະຊຸມລະດັບລະຖະມົນຕີເພື່ອປຶກສາຫາລືບັນຫາໝອກຄວັນຂ້າມຊາຍແດນ
5 ປະເທດອາຊີອາຄະເນ ຄື: ມະເລເຊຍ, ສິງກະໂປ, ອິນໂດເນເຊຍ, ບຼູໄນ ແລະ ໄທຕົກລົງຈັດກອງປະຊຸມລະດັບລັດຖະມົນຕີຢູ່ນະ ຄອນຫຼວງກົວລາລຳເປີແຕ່ວັນທີ 20-21 ສິງຫາໜ້ານີ້, ເພື່ອປຶກສາຫາລືບັນຫາໝອກຄວັນທີ່ແຜ່ລາມປົກຄຸມຫຼາຍປະເທດ, ແລະຊອກຫາຊ່ອງທາງເພື່ອເຮັດແນວໃດຈະສາມາດເພີ່ມທະວີການຮ່ວມມືໃນພາກພື້ນ, ສ້າງກົນໄກການຄຸ້ມຄອງແລະຄວບຄຸມທີ່ກ່ຽວຂ້ອງ.
ໃນໄລຍະບໍ່ດົນມານີ້, ບາງເຂດແຄວ້ນຂອງສິງກະໂປແລະມະເລເຊຍໄດ້ປະສົບບັນຫາໝອກຄວັນ, ສາເຫດແມ່ນຊາວນາຢູ່ເທິງເກາະຊູມັດຕຣາຈູດເຜົາປ່າ, ເພື່ອກະກຽມດິນປູກຝັງທີ່ມີບໍລິເວນກວ້າງຂວາງໃນປ່າເຂດຮ້ອນ. ແຕ່ໝອກຄວັນທີ່ເກີດຈາກໄຟປ່າໄດ້ປິວໄປຮອດແຫຼມມະເລເຊຍຕາມສາຍລົມ, ບວກກັບດິນຟ້າອາກາດໃນປີນີ້ໄດ້ເກີດສະພາບແຫ້ງແລ້ງ, ໄດ້ເຮັດໃຫ້ມົນລະພິດຈາກໝອກຄວັນໄດ້ຮ້າຍແຮງຍິ່ງຂຶ້ນເມື່ອທຽບກັບຫຼາຍປີຜ່ານມາ.
