ລັດຖະມົນຕີອະນຸລັກສິ່ງແວດລ້ອມ 5 ປະເທດອາຊຽນປຶກສາຫາລືກ່ຽວກັບບັນຫາໝອກຄວັນ
(GMT+08:00) 2013-07-18 12:45:15 cri
ຕາມຂ່າວCRI: ວັນທີ 17 ກໍລະກົດນີ້, ລັດຖະມົນຕີທີ່ຮັບຜິດຊອບວຽກງານດ້ານສິ່ງແວດລ້ອມຂອງມະເລເຊຍ, ສິງກະໂປ, ອິນໂດເນເຊຍ, ບຣຸໄນແລະໄທໄດ້ຈັດກອງປະຊຸມຢູ່ນະຄອນຫຼວງກົວລາລຳເປີດຂອງມະເລເຊຍ, ເພື່ອປຶກສາຫາລືກ່ຽວກັບການຊອກຫາຊ່ອງທາງເພື່ອຮັບມືກັບບັນຫາໝອກຄວັນ
ຂ້າມແດນທີ່ເກີດຈາກການ"ຈູດເຜົາປ່າ"ຢູ່ເຂດສຸມາຕຣາຂອງອິນໂດເນເຊຍ.
ທ່ານດາຕຸກ ເຊຣີ ປາລານີເວນ , ລັດຖະມົນຕີວ່າການກະຊວງຊັບພະຍາກອນທຳມະຊາດແລະສິ່ງແວດລ້ອມມະເລເຊຍກ່າວວ່າ, ກອງປະຊຸມທີ່ຈັດຂຶ້ນໃນມື້ດຽວກັນໄດ້ປຶກສາຫາລືຫຼາຍຫົວຂໍ້ກ່ຽວກັບບັນຫາໝອກຄວັນ, ເຊິ່ງລວມທັງຜົນສະທ້ອນບົ່ມຊ້ອນທີ່ມີຕໍ່ຂະແໜງການທ່ອງທ່ຽວແລະສຸຂະພາບຂອງປະຊາຊົນເປັນຕົ້ນ.
ຍ້ອນວ່າສະພາບອາກາດໃນຫຼາຍເດືອນຕໍ່ໜ້ານີ້ຍັງອາດຈະແຫ້ງແລ້ງຕໍ່ໄປ, ແລະເຮັດໃຫ້ເກີດບ່ອນໄຟໄໝ້ຫຼາຍກວ່າເກົ່າ, ສະນັ້ນ, ບັນດາປະເທດທີ່ເຂົ້າຮ່ວມກອງປະຊຸມໄດ້ຕົກລົງເພີ່ມທະວີການກະກຽມເພື່ອຮັບມືກັບໝອກຄວັນທີ່ອາດຈະມີຂຶ້ນອີກ, ແຕ່ວ່າປະເທດທີ່ເຂົ້າຮ່ວມກອງປະຊຸມຄັ້ງນີ້ຍັງມີຄວາມເຫັນທີ່ແຕກຕ່າງກັນບາງດ້ານ. ນອກນີ້, ອິນໂດເນເຊຍໄດ້ໃຫ້ຄຳໝັ້ນສັນຍາວ່າຈະພະຍາຍາມໃຫ້ລັດຖະສະພາອານຸມັດສົນທິສັນຍາກ່ຽວກັບມົນລະພິດໝອກຄວັນຂ້າມຊາຍແດນຂອງອາຊຽນຢ່າງເປັນທາງການໃນ 6 ເດືອນຕົ້ນປີ2014ໜ້ານີ້. ປະຈຸບັນນີ້, ອິນໂດເນເຊຍແມ່ນປະເທດພຽງໜຶ່ງດຽວທີຍັງບໍ່ທັນໄດ້ອະນຸມັດສົນທິສັນຍານີ້ໃນ10ປະເທດອາຊຽນ.
ກອງປະຊຸມລະດັບລັດຖະມົນຕີຈຄັ້ງນີ້ໄດ້ກຳນົດໃນເບື້ອງຕົ້ນໃຫ້ຈັດຂຶ້ນໃນເດືອນສິງຫາໜ້ານີ້ແຕ່ຍ້ອນວ່າໝອກຄວັນທີ່ເກີດຂຶ້ນຈາກໄຟປ່າຢູ່ເກາະສຸມາຕຣາໃນເດືອນແລ້ວນີ້ໄດ້ເຮັດໃຫ້ສິງກະໂປແລະບາງເຂດແຄວ້ນຂອງມະເລເຊຍໄດ້ຮັບຜົນກະທົບຢ່າງຮຸນແຮງ, ຈຶ່ງໄດ້ຈັດກອງປະຊຸມກ່ອນເວລາກຳນົດ.
ຂ້າມແດນທີ່ເກີດຈາກການ"ຈູດເຜົາປ່າ"ຢູ່ເຂດສຸມາຕຣາຂອງອິນໂດເນເຊຍ.
ທ່ານດາຕຸກ ເຊຣີ ປາລານີເວນ , ລັດຖະມົນຕີວ່າການກະຊວງຊັບພະຍາກອນທຳມະຊາດແລະສິ່ງແວດລ້ອມມະເລເຊຍກ່າວວ່າ, ກອງປະຊຸມທີ່ຈັດຂຶ້ນໃນມື້ດຽວກັນໄດ້ປຶກສາຫາລືຫຼາຍຫົວຂໍ້ກ່ຽວກັບບັນຫາໝອກຄວັນ, ເຊິ່ງລວມທັງຜົນສະທ້ອນບົ່ມຊ້ອນທີ່ມີຕໍ່ຂະແໜງການທ່ອງທ່ຽວແລະສຸຂະພາບຂອງປະຊາຊົນເປັນຕົ້ນ.
ຍ້ອນວ່າສະພາບອາກາດໃນຫຼາຍເດືອນຕໍ່ໜ້ານີ້ຍັງອາດຈະແຫ້ງແລ້ງຕໍ່ໄປ, ແລະເຮັດໃຫ້ເກີດບ່ອນໄຟໄໝ້ຫຼາຍກວ່າເກົ່າ, ສະນັ້ນ, ບັນດາປະເທດທີ່ເຂົ້າຮ່ວມກອງປະຊຸມໄດ້ຕົກລົງເພີ່ມທະວີການກະກຽມເພື່ອຮັບມືກັບໝອກຄວັນທີ່ອາດຈະມີຂຶ້ນອີກ, ແຕ່ວ່າປະເທດທີ່ເຂົ້າຮ່ວມກອງປະຊຸມຄັ້ງນີ້ຍັງມີຄວາມເຫັນທີ່ແຕກຕ່າງກັນບາງດ້ານ. ນອກນີ້, ອິນໂດເນເຊຍໄດ້ໃຫ້ຄຳໝັ້ນສັນຍາວ່າຈະພະຍາຍາມໃຫ້ລັດຖະສະພາອານຸມັດສົນທິສັນຍາກ່ຽວກັບມົນລະພິດໝອກຄວັນຂ້າມຊາຍແດນຂອງອາຊຽນຢ່າງເປັນທາງການໃນ 6 ເດືອນຕົ້ນປີ2014ໜ້ານີ້. ປະຈຸບັນນີ້, ອິນໂດເນເຊຍແມ່ນປະເທດພຽງໜຶ່ງດຽວທີຍັງບໍ່ທັນໄດ້ອະນຸມັດສົນທິສັນຍານີ້ໃນ10ປະເທດອາຊຽນ.
ກອງປະຊຸມລະດັບລັດຖະມົນຕີຈຄັ້ງນີ້ໄດ້ກຳນົດໃນເບື້ອງຕົ້ນໃຫ້ຈັດຂຶ້ນໃນເດືອນສິງຫາໜ້ານີ້ແຕ່ຍ້ອນວ່າໝອກຄວັນທີ່ເກີດຂຶ້ນຈາກໄຟປ່າຢູ່ເກາະສຸມາຕຣາໃນເດືອນແລ້ວນີ້ໄດ້ເຮັດໃຫ້ສິງກະໂປແລະບາງເຂດແຄວ້ນຂອງມະເລເຊຍໄດ້ຮັບຜົນກະທົບຢ່າງຮຸນແຮງ, ຈຶ່ງໄດ້ຈັດກອງປະຊຸມກ່ອນເວລາກຳນົດ.
