ນັກຂ່າວຕ່າງປະເທດທີ່ເຂົ້າຮ່ວມກິດຈະກຳ"ນັກຂ່າວຈີນແລະຕ່າງປະເທດໄປເອົາຂ່າວກ່ຽວກັບວັດທະນະທຳທາງພຸດທະສາສະໜາຈີນ2013"ຢ້ຽມຢາມCRI
(GMT+08:00) 2013-07-25 18:55:00 cri
ຕາມຂ່າວCRI: ຕອນບ່າຍວັນທີ24ກໍລະກົດນີ້, ຄະນະຜູ້ແທນທີ່ເຂົ້າຮ່ວມກິດຈະກຳ"ນັກຂ່າວຈີນແລະຕ່າງປະເທດໄປເອົາຂ່າວກ່ຽວກັບວັດທະນະທຳທາງພຸດທະສາສະໜາຈີນ2013"ທີ່ປະກອບດ້ວຍນັກຂ່າວ12ຄົນທີ່ມາຈາກໜັງສືພິມປະຊາຊົນລາວ, ວິທະຍຸກະຈາຍສຽງແຫ່ງຊາດໄທ, ວິທະຍຸແຫ່ງຊາດກຳປູເຈຍ, ວິທະຍຸມິດຕະພາບຈີນ-ກຳປູເຈຍ, CRI FM93ທີ່ນະຄອນຫຼວງວຽງຈັນລາວ, ສະຖານີວິທະຍຸໂທລະພາບແຫ່ງຊາດມຽນມາໄດ້ມາຢ້ຽມຢາມວິທະຍຸສາກົນແຫ່ງປະເທດຈີນຫຼືCRI, ທ່ານອ່ານ ສຽວ ຢູ, ຫົວໜ້າສູນກະຈາຍສຽງເຂດອາຊີອາຄະເນຂອງCRIໄດ້ຕ້ອນຮັບຄະນະຜູ້ແທນນັກຂ່າວທີ່ມາຢ້ຽມຢາມໃນຄັ້ງນີ້.
ທ່ານອ່ານ ສຽວ ຢູ ໄດ້ແນະນຳຈຸດປະສົງຂອງການດຳເນີນກິດຈະກຳຄັ້ງນີ້ຕໍ່ນັກຂ່າວຕ່າງປະເທດທີ່ໄດ້ມາຢ້ຽມຢາມCRI. ທ່ານກ່າວວ່າ, ເຖິງແມ່ນວ່ານັກຂ່າວທີ່ເຂົ້າຮ່ວມກິດຈະກໍາໃນຄັ້ງນີ້ໃຊ້ພາສາທີ່ແຕກຕ່າງກັນກໍຕາມ, ແຕ່ວ່າວັດທະນະທຳທາງພຸດທະສາສະໜາຂອງຈີນແລະປະເທດພວກທ່ານແມ່ນໄດ້ມີການເຊື່ອມຕໍ່ກັນ. ຫວັງວ່າກິດຈະກຳການແລກປ່ຽນດ້ານວັດທະນະທຳທາງພຸດທະສາສະໜາຄືແນວນີ້ຈະສາມາດດຳເນີນຕໍ່ໄປເປັນໄລຍະຍາວນານໂດຍຜ່ານການຮ່ວມມືລະຫວ່າງສື່ມວນຊົນ, ໃຫ້ເພື່ອນມິດຂອງປະເທດອາຊີອາຄະເນມາເຕົ້າໂຮມກັນຢູ່ຈີນຍ້ອນກິດຈະກຳເກັບຊ່າວັດທະນະທຳທາງພຸດທະສາສະໜາ.
ທ່ານ ຄຳໝັ້ນ ແສງສະນັ່ນ, ນັກຂ່າວທີ່ມາຈາກCRI FM93ທີ່ນະຄອນຫຼວງວຽງຈັນຂອງລາວກ່າວວ່າ, ການເຂົ້າຮ່ວມກິດຈະກຳຄັ້ງນີ້ໄດ້ເຮັດໃຫ້ທ່ານຮັບຮູ້ເຖິງສະພາບການຝຶກສະມາທິວິປັດສະນາກຳມະຖານຂອງພະສົງຈີນ. ທ່ານກ່າວວ່າບໍ່ວ່າຢູ່ຈີນຫຼືວ່າຢູ່ລາວ, ພຸດທະສາສະໜາກໍສົ່ງເສີມການສ້າງບຸນກຸສົນເຊັ່ນດຽວກັນ. ທ່ານໄດ້ຍ້ອງຍໍວັດວາອາຮາມຈີນທີ່ໄດ້ທຳການໂຄສະນາເຜີຍແຜ່ພະທຳຄ່າສອນຂອງພະພຸດທະເຈົ້າ, ຫຼັງຈາກກັບຄືນລາວແລ້ວຈະຈັດເອົາສິ່ງທີ່ໄດ້ຮູ້ໄດ້ເຫັນເຂົ້າໃນລາຍການເພື່ອຈະໄດ້ເລົ່າໃຫ້ທ່ານຜູ້ຟັງໄດ້ຟັງ. ນອກນີ້, ນັກຂ່າວທ່ານອື່ນໆກໍ່ໄດ້ສະແດງຄວາມຂອບໃຈຕໍ່CRIທີ່ໄດ້ຈັດກິດຈະກຳຄັ້ງນີ້ຂຶ້ນ.
ກິດຈະກຳ "ນັກຂ່າວຈີນແລະຕ່າງປະເທດໄປເອົາຂ່າວກ່ຽວກັບວັດທະນະທຳທາງພຸດທະສາສະໜາຈີນ 2013"ແມ່ນCRIເປັນຜູ້ຈັດຕັ້ງ, ໄດ້ເຊື້ອເຊີນນັກຂ່າວຂອງ4ປະເທດອາຊຽນ, ຄື: ລາວ, ໄທ, ກຳປູເຈຍ,ແລະມຽນມາຮ່ວມກັບນັກຂ່າວCRIໄປສຳພາດຂ່າວຢູ່ນະຄອນຫຼວງປັກກິ່ງແລະແຂວງຫູໜານຈີນແຕ່ວັນທີ20ຫາວັນທີ28ກໍລະກົດນີ້, ໂດຍຖືວັດທະນະທຳທາງພຸດທະສາສະໜາເປັນຕົ້ນຕໍ.
ທ່ານອ່ານ ສຽວ ຢູ ໄດ້ແນະນຳຈຸດປະສົງຂອງການດຳເນີນກິດຈະກຳຄັ້ງນີ້ຕໍ່ນັກຂ່າວຕ່າງປະເທດທີ່ໄດ້ມາຢ້ຽມຢາມCRI. ທ່ານກ່າວວ່າ, ເຖິງແມ່ນວ່ານັກຂ່າວທີ່ເຂົ້າຮ່ວມກິດຈະກໍາໃນຄັ້ງນີ້ໃຊ້ພາສາທີ່ແຕກຕ່າງກັນກໍຕາມ, ແຕ່ວ່າວັດທະນະທຳທາງພຸດທະສາສະໜາຂອງຈີນແລະປະເທດພວກທ່ານແມ່ນໄດ້ມີການເຊື່ອມຕໍ່ກັນ. ຫວັງວ່າກິດຈະກຳການແລກປ່ຽນດ້ານວັດທະນະທຳທາງພຸດທະສາສະໜາຄືແນວນີ້ຈະສາມາດດຳເນີນຕໍ່ໄປເປັນໄລຍະຍາວນານໂດຍຜ່ານການຮ່ວມມືລະຫວ່າງສື່ມວນຊົນ, ໃຫ້ເພື່ອນມິດຂອງປະເທດອາຊີອາຄະເນມາເຕົ້າໂຮມກັນຢູ່ຈີນຍ້ອນກິດຈະກຳເກັບຊ່າວັດທະນະທຳທາງພຸດທະສາສະໜາ.
ທ່ານ ຄຳໝັ້ນ ແສງສະນັ່ນ, ນັກຂ່າວທີ່ມາຈາກCRI FM93ທີ່ນະຄອນຫຼວງວຽງຈັນຂອງລາວກ່າວວ່າ, ການເຂົ້າຮ່ວມກິດຈະກຳຄັ້ງນີ້ໄດ້ເຮັດໃຫ້ທ່ານຮັບຮູ້ເຖິງສະພາບການຝຶກສະມາທິວິປັດສະນາກຳມະຖານຂອງພະສົງຈີນ. ທ່ານກ່າວວ່າບໍ່ວ່າຢູ່ຈີນຫຼືວ່າຢູ່ລາວ, ພຸດທະສາສະໜາກໍສົ່ງເສີມການສ້າງບຸນກຸສົນເຊັ່ນດຽວກັນ. ທ່ານໄດ້ຍ້ອງຍໍວັດວາອາຮາມຈີນທີ່ໄດ້ທຳການໂຄສະນາເຜີຍແຜ່ພະທຳຄ່າສອນຂອງພະພຸດທະເຈົ້າ, ຫຼັງຈາກກັບຄືນລາວແລ້ວຈະຈັດເອົາສິ່ງທີ່ໄດ້ຮູ້ໄດ້ເຫັນເຂົ້າໃນລາຍການເພື່ອຈະໄດ້ເລົ່າໃຫ້ທ່ານຜູ້ຟັງໄດ້ຟັງ. ນອກນີ້, ນັກຂ່າວທ່ານອື່ນໆກໍ່ໄດ້ສະແດງຄວາມຂອບໃຈຕໍ່CRIທີ່ໄດ້ຈັດກິດຈະກຳຄັ້ງນີ້ຂຶ້ນ.
ກິດຈະກຳ "ນັກຂ່າວຈີນແລະຕ່າງປະເທດໄປເອົາຂ່າວກ່ຽວກັບວັດທະນະທຳທາງພຸດທະສາສະໜາຈີນ 2013"ແມ່ນCRIເປັນຜູ້ຈັດຕັ້ງ, ໄດ້ເຊື້ອເຊີນນັກຂ່າວຂອງ4ປະເທດອາຊຽນ, ຄື: ລາວ, ໄທ, ກຳປູເຈຍ,ແລະມຽນມາຮ່ວມກັບນັກຂ່າວCRIໄປສຳພາດຂ່າວຢູ່ນະຄອນຫຼວງປັກກິ່ງແລະແຂວງຫູໜານຈີນແຕ່ວັນທີ20ຫາວັນທີ28ກໍລະກົດນີ້, ໂດຍຖືວັດທະນະທຳທາງພຸດທະສາສະໜາເປັນຕົ້ນຕໍ.
