ສະພາແຫ່ງຊາດກຳປູເຈຍປະຕິເສດຟື້ນຟູຖານະສະມາຊິກສະພາຂອງທ່ານສຳລັງສີ
ວັນທີ 25 ກໍລະກົດນີ້, ຄະນະປະຈຳສະພາແຫ່ງຊາດກຳປູເຈຍໄດ້ອອກປະກາດແຈ້ງການ, ໂດຍໄດ້ປະຕິເສດຖານະສະມາຊິກສະພາແຫ່ງຊາດສະໄໝທີ 4 ຂອງທ່ານສຳລັງສີ. ນີ້ແມ່ນການປະຕິເສດຄຳຮ້ອງເປັນຄັ້ງທີ 2 ທ່ານສຳລັງສີ ພາຍຫຼັງທ່ານກັບຄືນປະເທດໃນວັນທີ 19 ກໍລະກົດນີ້ເພື່ອສະແຫວງ ຫາການເຂົ້າຮ່ວມການເມືອງ.
ກຳປູເຈຍຈະດຳເນີນການເລືອກຕັ້ງສະພາແຫ່ງຊາດສະໄໝທີ 5 ໃນວັນທີ 28 ກໍລະກົດນີ້. ກ່ອນໜ້ານີ້ ຄື ໃນວັນທີ 12, ສຳເດັດໂນໂຣດົມ ສີຫາໂມນີ, ມະຫາກະສັດກຳປູເຈຍ ໄດ້ຊົງປະກາດຄຳສັ່ງອະໄພໂທດໃຫ້ແກ່ທ່ານສຳລັງສີ. ທ່ານສຳລັງສີກໍໄດ້ສິ້ນສຸດຊີວິດທີ່ລີ້ໄພຢູ່ຕ່າງປະເທດແລະກັບຄືນມາກຳປູເຈຍໃນວັນທີ 19 ກໍລະກົດນີ້ ເພື່ອເຂົ້າຮ່ວມການເຄື່ອນໄຫວເລືອກຕັ້ງທົ່ວໄປຂອງພັກກູ້ຊາດກຳປູເຈຍ ຫຼື CNRP, ແລະໄດ້ຮ້ອງຂໍເປັນຜູ້ສະໝັກຮັບເລືອກຕັ້ງສະພາແຫ່ງຊາດກຳປູເຈຍພາຍຫຼັງກັບຄືນຮອດປະເທດ. ວັນທີ 22 ກໍລະກົດນີ້, ຄະນະກຳມະການເລືອກຕັ້ງທົ່ວປະເທດກຳປູເຈຍ ໄດ້ປະຕິເສດຄຳຮ້ອງຂໍດັ່ງກ່າວ ໂດຍອ້າງວ່າເວລາສະເໜີຊື່ຜູ້ສະໝັກຮັບເລືອກຕັ້ງໄດ້ກາຍກຳນົດແລ້ວ.
