ການຂັດແຍ່ງກັນກ່ຽວກັບຜະລິດຕະພັນແສງຕາເວັນລະຫວ່າງຈີນກັບສະຫະພາບເອີລົບໄດ້ກ້າວເຖິງຂັ້ນມີແຜນການແກ້ໄຂ
(GMT+08:00) 2013-07-28 15:16:42 cri
ຕາມຂ່າວ CRI:ວັນທີ 27 ກໍລະກົດນີ້,ທ່ານຄາເລ ເດີ ກຸດ, ກຳມະການການຄ້າຂອງຄະນະກຳມາທິການສະຫະພາບເອີລົບປະກາດວ່າ, ເມື່ອຜ່ານການເຈລະຈາ, ສະຫະພາບເອີລົບກັບຈີນໄດ້ກ້າວເຖິງຂັ້ນມີແຜນການແກ້ໄຂຄວາມຂັດແຍ່ງກັນກ່ຽວກັບແຜ່ນຖ່ານພະລັງງານແສງຕາເວັນຢ່າງມີມິດຕະພາບແລ້ວ, ສາມາດສ້າງຄວາມດຸນດຽງກັນໃຫ້ຕະຫລາດດ້ວຍລາຄາທີ່ມີຄວາມຍືນຍານໄດ້.
ເມື່ອໄດ້ເຈລະຈາຢ່າງເຄັ່ງຕຶງເປັນເວລາຫລາຍອາທິດ, ສະຫະພາບເອີລົບກັບຈີນໄດ້ເປັນເອກະພາບກັນກ່ຽວກັບລາຄາຕ່ຳສຸດຂອງແຜ່ນຖ່ານພະລັງງານແສງຕາເວັນທີ່ຈີນສົ່ງອອກໄປຂາຍຢູ່ສະຫະພາບເອີລົບ, ທ່ານກຸດກ່າວວ່າ, ເຊື່ອວ່າລາຄາໃຫມ່ນີ້ສາມາດເຮັດໃຫ້ຕະຫລາດຜະລິດຕະພັນແສງຕາເວັນຂອງເອີລົບມີຄວາມຫມັ້ນທ່ຽງ,ແລະກ່າວວ່າຈະແຜນການນີ້ຈະສະເຫນີໃຫ້ຄະນະກຳມາທິການສະຫະພາບເອີລົບພິຈາລະນາອະນຸມັດ,ຮອດເວລານັ້ນຈະປະກາດຜົນຂອງການເຈລະຈາຢ່າງລະອຽດ.
ສະຫະພາບເອີລົບມີແຜນຈະເກັບເອົາພາສີສູງຕໍ່ຜະລິດຕະພັນພະລັງງານແສງຕາເວັນຂອງຈີນເລີ່ມແຕ່ວັນທີ 6 ສິງຫາຫນ້າເປັນຕົ້ນໄປ, ແຕ່ພັດເປັນຫ່ວງວ່າຈະເສຍທຸລະກິດຈາກຈີນ ອົງກອນເສດຖະກິດໃຫຍ່ທີ 2 ຂອງໂລກ,ແລະປະເທດສະມາຊິກສະຫະພາບເອີລົບສ່ວນຫລາຍທີ່ມີເຢຍລະມັນເປັນຜູ່ສຳຄັນນັ້ນກໍ່ຄັດຄ້ານເຮັດແນວນີ້ຄືກັນ. ເມື່ອສອງຝ່າຍໄດ້ມີຄວາມເປັນເອກະພາບກັນກ່ຽວກັບລາຄາແລ້ວກໍ່ສາມາດຫລີກເວັ້ນບໍ່ໃຫ້ຄວາມຂັດແຍ່ງກັນດ້ານການຄ້າເທື່ອນີ້ຮຸນແຮງຂຶ້ນ, ແຕ່ກໍ່ຍັງມີວິສາຫະກິດຜະລິດຜະລິດຕະພັນພະລັງງານແສງຕາເວັນເອີລົບສະແດງຄວາມບໍ່ພໍໃຈ,ແລະຕິຕຽນວ່າຄະນະກຳມາທິການສະຫະພາບເອີລົບບໍ່ໄດ້ປົກປ້ອງອຸດສາຫະກຳຂອງເອີລົບຢ່າງພຽງພໍ.
