ຟິລິບປິນຈະຍ້າຍຖານທັບເຮືອແລະອາກາດໄປສູ່ອ່າວຊູບິກ
(GMT+08:00) 2013-07-29 11:02:51 cri
ໜັງສືພິມ "ຫຼຽນເຫີຈາວປ້າວ" ຂອງສິງກະໂປລາຍງານວ່າ: ວັນທີ 28 ກໍລະກົດນີ້, ທ່ານວອນຕາເຣ ກາສມິນ, ລັດຖະມົນຕີວ່າການກະຊວງປ້ອງກັນປະເທດຟິລິບປິນກ່າວວ່າ: ລັດຖະບານຟິລິບປິນມີແຜນຈະຍ້າຍຖານທັບອາກາດແລະຖານທັບເຮືອທີ່ສຳຄັນຢູ່ພາຍໃນປະເທດໄປສູ່ອ່າວຊູບິກ, ອະດີດຖານທັບເຮືອອາເມລິກາ, ເພື່ອຈະສາມາດເຂົ້າສູ່ເຂດນ້ຳທະເລຈີນໃຕ້ຢ່າງວ່ອງໄວກວ່າເກົ່າ.
ນອກນີ້, ລັດຖະບານຟິລິບປິນຍັງມີແຜນການຈະເປີດຖານທັບຫຼາຍກວ່າເກົ່າໃຫ້ແກ່ກອງທະຫານ, ກຳປັ່ນຮົບ ແລະ ຍົນຮົບຂອງອາເມລິກາ, ຈັດການຊ້ອມຮົບຮ່ວມລະຫວ່າງສອງປະເທດໃນແຕ່ລະປີໃຫ້ຫຼາຍຂຶ້ນ. ກອງທັບເຮືອຟິລິບປິນແລະກອງທັບເຮືອອາເມລິກາຈະຈັດການຊ້ອມຮົບຍົກພົນຂຶ້ນບົກຢູ່ຫຼາຍບ່ອນພາກເໜືອຟິລິບປິນໃນເດືອນຕຸລາປີນີ້.
