ທໍ່ສົ່ງແກັສຈີນ-ມຽນມາມີຄວາມໝາຍສຳຄັນຕໍ່ການພັດທະນາຂອງມຽນມາໃນໄລຍະຍາວນານ
(GMT+08:00) 2013-07-29 14:43:31 cri
ຕາມຂ່າວCRI: ວັນທີ28ກໍລະກົດນີ້, ທໍ່ສົ່ງແກັສຈີນ-ມຽນມາເຊິ່ງຮ່ວມກັນລົງທຶນກໍ່ສ້າງໂດຍ6ຝ່າຍຂອງ4ປະເທດ ຄື: ຈີນ, ມຽນມາ, ສ.ເກົາຫຼີ ແລະ ອິນເດຍໄດ້ເລີ່ມສົ່ງແກັສທຳມະຊາດສູ່ຈີນແລ້ວ. ທ່ານຢຽນຕຸນ, ຮອງປະທານາທິບໍດີມຽນມາທີ່ໄປເຂົ້າຮ່ວມພິທີໂດຍສະເພາະນັ້ນໄດ້ກ່າວວ່າ, "ທໍ່ສົ່ງນ້ຳມັນເຊື້ອໄຟແລະແກັສຈີນ-ມຽນມາແມ່ນໂຄງການທີ່ມີຜົນປະໂຫຍດຮ່ວມກັນຂອງ4ປະເທດທີ່ລົງທຶນຮ່ວມມີຄວາມໝາຍສຳຄັນຕໍ່ການພັດທະນາຂອງມຽນມາໃນໄລຍະຍາວນານ."
ທ່ານວາງ ຕົ່ງ ຈິ້ນ, ຮອງຜູ້ອຳນວຍການໃຫຍ່ກຸ່ມບໍລິສັດນ້ຳມັນເຊື້ອໄຟແລະແກັສທຳມະຊາດຈີນກ່າວຕໍ່ນັກຂ່າວວ່າ, ທໍ່ສົ່ງແກັສຈີນ-ມຽນມາທີ່ຮ່ວມລົງທຶນໂດຍ4ປະເທດໄດ້ເຮັດໃຫ້ຝ່າຍຕ່າງໆໄດ້ຮັບຜົນປະໂຫຍດຮ່ວມກັນ, ເຊິ່ງໄດ້ເສີມຂະຫຍາຍບົດບາດອັນຕັ້ງໜ້າເຂົ້າໃນການແກ້ໄຂຄວາມຮຽກຮ້ອງຕ້ອງການດ້ານພະລັງງານຂອງມຽນມາຢ່າງແທ້ຈິງ, ບໍ່ພຽງແຕ່ບໍລິການການພັດທະນາເສດຖະກິດສັງຄົມຂອງມຽນມາເທົ່ານັ້ນ, ແຕ່ຍັງສາມາດຊັກນຳໃຫ້ເສດຖະກິດພາກພື້ນນີ້ພັດທະນາຢ່າງບໍ່ຢຸດຢັ້ງ.
ເລຂາທິການໃຫຍ່ສະມາຄົມອຸດສາຫະກຳ-ການຄ້າມຽນມາກ່າວວ່າ, ຄາດຄະເນວ່າໃນ20ປີຕໍ່ໜ້ານີ້, ກາເຕີບໂຕດ້ານເສດຖະກິດຂອງມຽນມາສະເລ່ຍຕໍ່ປີຈະບັນລຸ7%-8%, ອຸດສາຫະກຳນ້ຳມັນເຊື້ອໄຟແລະອາຍແກັສທຳມະຊາດແມ່ນພື້ນຖານແລະສິ່ງຄ້ຳຊູອັນສຳຄັນໃນການພັດທະນາເສດຖະກິດ, ທໍ່ສົ່ງແກັສແລະນ້ຳມັນເຊື້ອໄຟຈີນ-ມຽນມາຈະມີຄວາມໝາຍສຳຄັນຕໍ່ການຊັກນຳແລະຊຸກຍູ້ການພັດທະນາເສດຖະກິດສັງຄົມຂອງມຽນມາ.
ນອກຈາກພື້ນຖານໂຄງລ່າງແລ້ວ, ທໍ່ສົ່ງແກັສແລະນ້ຳມັນເຊື້ອໄຟຈີນ-ມຽນມາຍັງຈະສາມາດເຝິກອົບຮົມພະນັກງານວິຊາການຈຳນວນຫຼວງຫຼາຍແກ່ຂະແໜງການອຸດສາຫະກຳພະລັງງານມຽນມາ, ຈະພະຍາຍາມເຮັດໃຫ້ພະນັກງານກຳມະກອນທ້ອງຖິ່ນບັນລຸ75%ໃນ5ຫາ6ປີຕໍ່ໜ້ານີ້.
ນັກວິເຄາະເຫັນວ່າ, ທໍ່ສົ່ງນ້ຳມັນເຊື້ອໄຟແລະແກັສຈີນ-ມຽນມາຈະເຮັດໃຫ້ຄວາມຕ້ອງການດ້ານການສະໜອງພະລັງງານລະຫວ່າງຈີນກັບອາຊີຕາເວັນອອກສຽງໃຕ້ແລະອາຊີໃຕ້ແໜ້ນແຟ້ນກວ່າເກົ່າດ້ວຍເຄືອຄ່າຍນ້ຳມັນເຊື້ອໄຟແລະອາຍແກັສທຳມະຊາດ, ມີຜົນດີຕໍ່ການພັດທະນາຮ່ວມກັນໃນພາກພື້ນນີ້.
ນັກເສດຖະສາດກຳປູເຈຍກ່າວວ່າ, "ການຮ່ວມມືລະຫວ່າງຈີນກັບມຽນມາແລະປະເທດອື່ນໆບໍ່ພຽງແຕ່ມີຜົນດີຕໍ່ການຊຸກຍູ້ການພັດທະນາເສດຖະກິດຂອງປະເທດຕົນເທົ່ານັ້ນ, ແຕ່ຍັງສາມາດຊັກນຳການເຕີບໂຕດ້ານເສດຖະກິດໃນພາກພື້ນອີກດ້ວຍ, ຊັກນຳການຮ່ວມມືລະຫວ່າງບັນດາປະເທດອາຊີ, ຊຸກຍູ້ການເຕີບໂຕດ້ານເສດຖະກິດໃນພາກພື້ນນີ້ແລະໃນທົ່ວໂລກ."
ປະທານສະມາຄົມຊ່ວຍເຫຼືອການຄ້າມຽນມາກ່າວວ່າ, "ໂຄງການທໍ່ສົ່ງນ້ຳມັນເຊື້ອໄຟແລະແກັສຈີນ-ມຽນມາຈະນຳເອົາຜົນປະໂຫຍດອັນແທ້ຈິງມາໃຫ້ແກ່ມຽນມາ, ເມື່ອມຽນມາໄດ້ພັດທະນາແລ້ວ, ກໍຈະສ້າງຄວາມສະດວກໃຫ້ແກ່ໄທກັບອິນເດຍໃນການພັດທະນາ, ນຳເອົາຄວາມຈະເລີນຮຸ່ງເຮືອງມາສູ່ພາກພື້ນນີ້, ແລະຊຸກຍູ້ການກໍ່ສ້າງແລ້ວທາງເສດຖະກິດຈີນ, ອິນເດຍ, ມຽນມາແລະບັງກະລາເດັດ."
ທ່ານວາງ ຕົ່ງ ຈິ້ນ, ຮອງຜູ້ອຳນວຍການໃຫຍ່ກຸ່ມບໍລິສັດນ້ຳມັນເຊື້ອໄຟແລະແກັສທຳມະຊາດຈີນກ່າວຕໍ່ນັກຂ່າວວ່າ, ທໍ່ສົ່ງແກັສຈີນ-ມຽນມາທີ່ຮ່ວມລົງທຶນໂດຍ4ປະເທດໄດ້ເຮັດໃຫ້ຝ່າຍຕ່າງໆໄດ້ຮັບຜົນປະໂຫຍດຮ່ວມກັນ, ເຊິ່ງໄດ້ເສີມຂະຫຍາຍບົດບາດອັນຕັ້ງໜ້າເຂົ້າໃນການແກ້ໄຂຄວາມຮຽກຮ້ອງຕ້ອງການດ້ານພະລັງງານຂອງມຽນມາຢ່າງແທ້ຈິງ, ບໍ່ພຽງແຕ່ບໍລິການການພັດທະນາເສດຖະກິດສັງຄົມຂອງມຽນມາເທົ່ານັ້ນ, ແຕ່ຍັງສາມາດຊັກນຳໃຫ້ເສດຖະກິດພາກພື້ນນີ້ພັດທະນາຢ່າງບໍ່ຢຸດຢັ້ງ.
ເລຂາທິການໃຫຍ່ສະມາຄົມອຸດສາຫະກຳ-ການຄ້າມຽນມາກ່າວວ່າ, ຄາດຄະເນວ່າໃນ20ປີຕໍ່ໜ້ານີ້, ກາເຕີບໂຕດ້ານເສດຖະກິດຂອງມຽນມາສະເລ່ຍຕໍ່ປີຈະບັນລຸ7%-8%, ອຸດສາຫະກຳນ້ຳມັນເຊື້ອໄຟແລະອາຍແກັສທຳມະຊາດແມ່ນພື້ນຖານແລະສິ່ງຄ້ຳຊູອັນສຳຄັນໃນການພັດທະນາເສດຖະກິດ, ທໍ່ສົ່ງແກັສແລະນ້ຳມັນເຊື້ອໄຟຈີນ-ມຽນມາຈະມີຄວາມໝາຍສຳຄັນຕໍ່ການຊັກນຳແລະຊຸກຍູ້ການພັດທະນາເສດຖະກິດສັງຄົມຂອງມຽນມາ.
ນອກຈາກພື້ນຖານໂຄງລ່າງແລ້ວ, ທໍ່ສົ່ງແກັສແລະນ້ຳມັນເຊື້ອໄຟຈີນ-ມຽນມາຍັງຈະສາມາດເຝິກອົບຮົມພະນັກງານວິຊາການຈຳນວນຫຼວງຫຼາຍແກ່ຂະແໜງການອຸດສາຫະກຳພະລັງງານມຽນມາ, ຈະພະຍາຍາມເຮັດໃຫ້ພະນັກງານກຳມະກອນທ້ອງຖິ່ນບັນລຸ75%ໃນ5ຫາ6ປີຕໍ່ໜ້ານີ້.
ນັກວິເຄາະເຫັນວ່າ, ທໍ່ສົ່ງນ້ຳມັນເຊື້ອໄຟແລະແກັສຈີນ-ມຽນມາຈະເຮັດໃຫ້ຄວາມຕ້ອງການດ້ານການສະໜອງພະລັງງານລະຫວ່າງຈີນກັບອາຊີຕາເວັນອອກສຽງໃຕ້ແລະອາຊີໃຕ້ແໜ້ນແຟ້ນກວ່າເກົ່າດ້ວຍເຄືອຄ່າຍນ້ຳມັນເຊື້ອໄຟແລະອາຍແກັສທຳມະຊາດ, ມີຜົນດີຕໍ່ການພັດທະນາຮ່ວມກັນໃນພາກພື້ນນີ້.
ນັກເສດຖະສາດກຳປູເຈຍກ່າວວ່າ, "ການຮ່ວມມືລະຫວ່າງຈີນກັບມຽນມາແລະປະເທດອື່ນໆບໍ່ພຽງແຕ່ມີຜົນດີຕໍ່ການຊຸກຍູ້ການພັດທະນາເສດຖະກິດຂອງປະເທດຕົນເທົ່ານັ້ນ, ແຕ່ຍັງສາມາດຊັກນຳການເຕີບໂຕດ້ານເສດຖະກິດໃນພາກພື້ນອີກດ້ວຍ, ຊັກນຳການຮ່ວມມືລະຫວ່າງບັນດາປະເທດອາຊີ, ຊຸກຍູ້ການເຕີບໂຕດ້ານເສດຖະກິດໃນພາກພື້ນນີ້ແລະໃນທົ່ວໂລກ."
ປະທານສະມາຄົມຊ່ວຍເຫຼືອການຄ້າມຽນມາກ່າວວ່າ, "ໂຄງການທໍ່ສົ່ງນ້ຳມັນເຊື້ອໄຟແລະແກັສຈີນ-ມຽນມາຈະນຳເອົາຜົນປະໂຫຍດອັນແທ້ຈິງມາໃຫ້ແກ່ມຽນມາ, ເມື່ອມຽນມາໄດ້ພັດທະນາແລ້ວ, ກໍຈະສ້າງຄວາມສະດວກໃຫ້ແກ່ໄທກັບອິນເດຍໃນການພັດທະນາ, ນຳເອົາຄວາມຈະເລີນຮຸ່ງເຮືອງມາສູ່ພາກພື້ນນີ້, ແລະຊຸກຍູ້ການກໍ່ສ້າງແລ້ວທາງເສດຖະກິດຈີນ, ອິນເດຍ, ມຽນມາແລະບັງກະລາເດັດ."
