ຫົວໜ້າຫ້ອງການກະຊວງການຕ່າງປະເທດໄທກ່າວວ່າ ກອງປະຊຸມເວທີປຶກສາຫາລືຂັ້ນສູງລະຫວ່າງຈີນ-ອາຊຽນຈະເຈາະຈົງອວ່າຍໜ້າໄປສູ່ອະນາຄົດ
ຫວ່າງມໍ່ໆນີ້, ທ່ານສີຫາສັກ ພວງເກດແກ້ວ, ຫົວໜ້າຫ້ອງການກະຊວງການຕ່າງປະເທດໄທໄດ້ໃຫ້ສຳພາດຕໍ່ນັກຂ່າວ ໂດຍກ່າວວ່າ: ກອງປະຊຸມເວທີປຶກສາຫາລືຂັ້ນສູງລະຫວ່າງຈີນ-ອາຊຽນທີ່ຈະຈັດຂຶ້ນຢູ່ນະຄອນຫຼວງບາງກອກຂອງໄທໃນວັນທີ 2 ສິງຫາໜ້ານີ້ ແມ່ນກິດຈະກຳສະຫຼອງອາຊຽນ-ຈີນສ້າງການພົວພັນຄູ່ຍຸດທະສາດຄົບຮອບ 10 ປີ ເຊິ່ງແມ່ນໄທເປັນເຈົ້າພາບ, ຈະວາງແຜນກ່ຽວກັບທິດທາງແລະໂຄຈອນການພັດທະນາການພົວພັນຄູ່ຍຸດທະສາດລະຫວ່າງສອງຝ່າຍໃນ 10 ປີຂ້າງໜ້າຈົນກະທັ້ງໃນໄລຍະຍາວກວ່ານີ້ອີກ.
ນອກຈາກກອງປະຊຸມເວທີປຶກສາຫາລືຂັ້ນສູງຈີນ-ອາຊຽນແລ້ວ, ໃນ 6 ເດືອນທ້າຍປີນີ້ຍັງຈະຈັດກອງປະຊຸມລັດຖະມົນຕີການຕ່າງປະເທດສະໄໝວິສາມັນຈີນ-ອາຊຽນອີກ, ເພື່ອທຳການກະກຽມໃຫ້ແກ່ກອງປະຊຸມຜູ້ນຳອາຊີຕາເວັນອອກຕ່າງໆທີ່ຈະຈັດຂຶ້ນໃນເດືອນຕຸລາປີນີ້. ທ່ານສີຫາສັກ ພວງເກດແກ້ວກ່າວວ່າ: ຫວັງວ່າກອງປະຊຸມເຫຼົ່ານີ້ສາມາດວາງແຜນການໄລຍະຍາວໃຫ້ແກ່ອະນາຄົດຂອງການພົວພັນຄູ່ຍຸດທະສາດອາຊຽນ-ຈີນ, ສະແດງຕໍ່ທົ່ວໂລກວ່າ ການພົວພັນຄູ່ຮ່ວມມືລະຫວ່າງສອງຝ່າຍພວມນັບມື້ນັບສຸກງອມຂຶ້ນແລະມີຄວາມໝັ້ນຄົງ, ສອງຝ່າຍມີຄວາມສາມາດແກ້ໄຂບັນຫາໃດໆໃນການພົວພັນລະຫວ່າງສອງຝ່າຍ.
ທ່ານສີຫາສັກ ກ່າວຕື່ມວ່າ: ໃນຖານະເປັນປະເທດປະສານງານການພົວພັນລະຫວ່າງອາຊຽນ-ຈີນ, ໄທຫວັງວ່າຈະສາມາດຊຸກຍູ້ການພົວພັນຄູ່ຍຸດທະສາດລະຫວ່າງອາຊຽນ-ຈີນ ໃນອາຍຸຕຳແໜ່ງຂອງຕົນ, ຊຸກຍູ້ການຄ້າແລະການລົງທຶນ, ເພີ່ມທະວີການຮ່ວມມືແລະການແລກປ່ຽນລະຫວ່າງປະຊາຊົນສອງຝ່າຍ, ຊຸກຍູ້ສັນຕິພາບແລະສະຖຽນລະພາບຂອງພາກພື້ນ.
