ຮອງນາຍົກລັດຖະມົນຕີກຳປູເຈຍກ່າວວ່າຈະສືບຕໍ່ຊຸກຍູ້ການພົວພັນໄມຕີຈິດມິດຕະພາບ ລະຫວ່າງກຳປູເຈຍກັບຈີນເຂົ້າສູ່ລວງເລິກ
(GMT+08:00) 2013-07-31 15:10:30 cri
ຕາມຂ່າວCRI: ວັນທີ30ກໍລະກົດນີ້, ທ່ານເຕຍ ບັນ, ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງປ້ອງກັນປະເທດກຳປູເຈຍກ່າວວ່າ, ການພົວພັນລະຫວ່າງກຳປູເຈຍກັບຈີນໄດ້ມີການພັດທະນາເປັນຢ່າງດີ, ກຳປູເຈຍຈະພະຍາຍາມຊຸກຍູ້ຢ່າງບໍ່ຢຸດຢັ້ງເພື່ອການພົວພັນລະຫວ່າງສອງປະເທດສືບຕໍ່ເຂົ້າສູ່ລວງເລິກ.
ທ່ານ ເຕຍ ບັນ ແມ່ນກ່າວຄວາມເວົ້າດັ່ງກ່າວໃນຕ້ອນຮັບການເຂົ້າຢ້ຽມຄຳນັບຂອງທ່ານນາງ ປູ້ ຈ້ຽນກົວ, ເອກອັກຄະລັດຖະທູດຈີນຄົນໃໝ່ປະຈຳກຳປູເຈຍ. ທ່ານ ເຕຍ ບັນ ກ່າວວ່າ, ທ່ານເພິ່ງພໍໃຈຕໍ່ການພົວພັນໄມຕີຈິດມິດຕະພາບລະຫວ່າງປະເທດທັງສອງກຳປູເຈຍຈີນໃນປະຈຸບັນນີ້, ສອງປະເທດມີການຮ່ວມມືຢ່າງແໜ້ນແຟ້ນໃນທຸກດ້ານຄືການເມືອງ, ເສດຖະກິດ, ການທະຫານແລະອື່ນໆ, ທ່ານເຊື່ອວ່າພາຍໃຕ້ຄວາມພະຍາຍາມຂອງສອງຝ່າຍການພົວພັນລະຫວ່າງສອງປະເທດຈະສືບຕໍ່ເຂົ້າສູ່ລວງເລິກໃນຕໍ່ໜ້າ.
ທ່ານ ເຕຍ ບັນ ໄດ້ສະແດງຄວາມຂອບອົກຂອບໃຈຕໍ່ລັດຖະບານແລະປະຊາຊົນຈີນທີ່ໄດ້ສະໜອງການຊ່ວຍເຫຼືອໃຫ້ແກ່ລັດຖະບານແລະປະຊາຊົນກຳປູເຈຍໃນເວລາດົນນານມານີ້, ແລະກ່າວວ່າກໍາປູເຈຍສຸດທິເອົາໃຈໃສ່ນຳການແລກປ່ຽນແລະການຮ່ວມມືໃນຂົງເຂດການທະຫານກັບຈີນ, ທ່ານຈະສືບຕໍ່ຊຸກຍູ້ການພົວພັນດ້ານການຮ່ວມມືລະຫວ່າງສອງກອງທັບໃຫ້ພັດທະນາຕື່ມອີກ.
ທ່ານນາງ ປູ້ ຈ້ຽນກົວ ກ່າວວ່າ, ການພົວພັນລະຫວ່າງຈີນກຳປູເຈຍໄດ້ຖືກຍົກລະດັບຂຶ້ນເປັນການພົວພັນຄູ່ຮ່ວມມືຍຸດທະສາດຮອບດ້ານ, ການຮ່ວມມືລະຫວ່າງສອງຝ່າຍໃນຂົງເຂດການເມືອງ, ເສດຖະກິດ, ການທະຫານແລະຂົງເຂດອື່ນລະຫວ່າງສອງຝ່າຍໄດ້ຮັບຜົນສຳເລັດຢ່າງບໍ່ເຄີຍມີມາກ່ອນ, ໃນໄລຍະດຳລົງຕຳແໜ່ງປະຕິບັດໜ້າທີ່ທ່ານຈະພະຍາຍາມສຸດຂີດ, ປະກອບສ່ວນເຂົ້າໃນການພັດທະນາການພົວພັນມິດຕະພາບແລະການຮ່ວມມືລະຫວ່າງຈີນກຳປູເຈຍ, ຊຸກຍູ້ການຮ່ວມມືແລະການພັດທະນາໃນທຸກຂົງເຂດລະຫວ່າງສອງປະເທດຢ່າງບໍ່ຢຸດຢັ້ງ.
ທ່ານ ເຕຍ ບັນ ແມ່ນກ່າວຄວາມເວົ້າດັ່ງກ່າວໃນຕ້ອນຮັບການເຂົ້າຢ້ຽມຄຳນັບຂອງທ່ານນາງ ປູ້ ຈ້ຽນກົວ, ເອກອັກຄະລັດຖະທູດຈີນຄົນໃໝ່ປະຈຳກຳປູເຈຍ. ທ່ານ ເຕຍ ບັນ ກ່າວວ່າ, ທ່ານເພິ່ງພໍໃຈຕໍ່ການພົວພັນໄມຕີຈິດມິດຕະພາບລະຫວ່າງປະເທດທັງສອງກຳປູເຈຍຈີນໃນປະຈຸບັນນີ້, ສອງປະເທດມີການຮ່ວມມືຢ່າງແໜ້ນແຟ້ນໃນທຸກດ້ານຄືການເມືອງ, ເສດຖະກິດ, ການທະຫານແລະອື່ນໆ, ທ່ານເຊື່ອວ່າພາຍໃຕ້ຄວາມພະຍາຍາມຂອງສອງຝ່າຍການພົວພັນລະຫວ່າງສອງປະເທດຈະສືບຕໍ່ເຂົ້າສູ່ລວງເລິກໃນຕໍ່ໜ້າ.
ທ່ານ ເຕຍ ບັນ ໄດ້ສະແດງຄວາມຂອບອົກຂອບໃຈຕໍ່ລັດຖະບານແລະປະຊາຊົນຈີນທີ່ໄດ້ສະໜອງການຊ່ວຍເຫຼືອໃຫ້ແກ່ລັດຖະບານແລະປະຊາຊົນກຳປູເຈຍໃນເວລາດົນນານມານີ້, ແລະກ່າວວ່າກໍາປູເຈຍສຸດທິເອົາໃຈໃສ່ນຳການແລກປ່ຽນແລະການຮ່ວມມືໃນຂົງເຂດການທະຫານກັບຈີນ, ທ່ານຈະສືບຕໍ່ຊຸກຍູ້ການພົວພັນດ້ານການຮ່ວມມືລະຫວ່າງສອງກອງທັບໃຫ້ພັດທະນາຕື່ມອີກ.
ທ່ານນາງ ປູ້ ຈ້ຽນກົວ ກ່າວວ່າ, ການພົວພັນລະຫວ່າງຈີນກຳປູເຈຍໄດ້ຖືກຍົກລະດັບຂຶ້ນເປັນການພົວພັນຄູ່ຮ່ວມມືຍຸດທະສາດຮອບດ້ານ, ການຮ່ວມມືລະຫວ່າງສອງຝ່າຍໃນຂົງເຂດການເມືອງ, ເສດຖະກິດ, ການທະຫານແລະຂົງເຂດອື່ນລະຫວ່າງສອງຝ່າຍໄດ້ຮັບຜົນສຳເລັດຢ່າງບໍ່ເຄີຍມີມາກ່ອນ, ໃນໄລຍະດຳລົງຕຳແໜ່ງປະຕິບັດໜ້າທີ່ທ່ານຈະພະຍາຍາມສຸດຂີດ, ປະກອບສ່ວນເຂົ້າໃນການພັດທະນາການພົວພັນມິດຕະພາບແລະການຮ່ວມມືລະຫວ່າງຈີນກຳປູເຈຍ, ຊຸກຍູ້ການຮ່ວມມືແລະການພັດທະນາໃນທຸກຂົງເຂດລະຫວ່າງສອງປະເທດຢ່າງບໍ່ຢຸດຢັ້ງ.
