ທ່ານຮຸນແຊນກ່າວວ່າ ການພົວພັນລະຫວ່າງກຳປູເຈຍ-ຈີນຈະໝັ້ນຄົງຍິ່ງຂຶ້ນໃນອະນາຄົດ
ວັນທີ 1 ສິງຫານີ້, ທ່ານນາງ ປູ້ຈ້ຽນໂກ, ເອກອັກຄະລັດຖະທູດຈີນຄົນໃໝ່ປະຈຳກຳປູເຈຍ ໄດ້ເຂົ້າຢ້ຽມຂ່ຳນັບທ່ານ ຮຸນແຊນ, ນາຍົກລັດ ຖະມົນຕີກຳປູເຈຍ, ທ່ານຮຸນແຊນຮູ້ສຶກເພິ່ງພໍໃຈຫຼາຍຕໍ່ການພົວພັນລະຫວ່າງກຳປູເຈຍ-ຈີນທີ່ໄດ້ຮັບການພັດທະນາເລື້ອຍໆມາ, ແລະເຊື່ອໝັ້ນວ່າການພົວພັນລະຫວ່າງສອງປະເທດຈະໝັ້ນຄົງຍິ່ງຂຶ້ນພາຍໃຕ້ຄວາມພະຍາຍາມຂອງສອງຝ່າຍ.
ທ່ານນາງ ປູ້ຈ້ຽນໂກ ກ່າວວ່າ: ຈະພະຍາຍາມຈົນສຸດຄວາມສາມາດຂອງຕົນພາຍໃນອາຍຸຕຳແໜ່ງຄັ້ງນີ້, ຈັດຕັ້ງປະຕິບັດຕາມຄວາມຮັບຮູ້ທີ່ເປັນເອກະສັນກັນລະຫວ່າງຜູ້ນຳສອງປະເທດ, ຊຸກຍູ້ການພົວພັນລະຫວ່າງສອງປະເທດໃຫ້ກ້າວສູ່ລວງເລິກຢ່າງບໍ່ຢຸດຢັ້ງ. ທ່ານນາງ ປູ້ຈ້ຽນໂກ ກ່າວຕື່ມວ່າ: ລັດຖະບານແລະປະຊາຊົນຈີນ ຈະສືບຕໍ່ສະໜອງການຊ່ວຍເຫຼືອແກ່ກຳປູເຈຍເພື່ອການພັດທະນາແລະຍົກລະດັບຊີວິດການເປັນຢູ່ຂອງປະຊາຊົນກຳປູເຈຍໃຫ້ສູງຂຶ້ນ.
ມື້ດຽວກັນ, ທ່ານນາງ ປູ້ຈ້ຽນໂກ ຍັງໄດ້ເຂົ້າຢ້ຽມຂ່ຳນັບທ່ານເຮັງຊຳຣິນ, ປະທານສະພາແຫ່ງຊາດກຳປູເຈຍ.
ປີນີ້ແມ່ນປີສ້າງຕັ້ງການພົວພັນທາງການທູດລະຫວ່າງຈີນ-ກຳປູເຈຍຄົບຮອບ 55 ປີ, ສອງຝ່າຍຈະຈັດກິດຈະກຳຕ່າງໆ, ຮ່ວມກັນສະ ຫຼອງການພົວພັນໄມຕີຈິດມິດຕະພາບລະຫວ່າງສອງປະເທດຈີນ-ກຳປູເຈຍ.
