ທ່ານບັນກີມູນຊົມເຊີຍກຳປູເຈຍຈັດການເລືອກຕັ້ງທົ່ວໄປດ້ວຍສັນຕິວິທີ
ຕອນຄ່ຳວັນທີ 2 ສິງຫານີ້, ທ່ານບັນກີມູນ, ເລຂາທິການໃຫຍ່ອົງການສະຫະປະຊາຊາດ ໄດ້ຜ່ານໂຄສົກຂອງທ່ານອອກຖະແຫຼງການ, ໂດຍສະແດງຄວາມຊົມເຊີຍຕໍ່ກຳປູເຈຍທີ່ໄດ້ດຳເນີນການເລືອກຕັ້ງທົ່ວໄປດ້ວຍສັນຕິວິທີ, ຂະນະດຽວກັນກໍສົ່ງເສີມໃຫ້ພາກສ່ວນຄຸ້ມຄອງຂອງກຳປູເຈຍແກ້ໄຂການກ່າວຟ້ອງທີ່ວ່າ "ມີການກະທຳຜິດກົດລະບຽບ" ໃນການເລືອກຕັ້ງທົ່ວໄປນັ້ນ ດ້ວຍຄວາມຍຸດຕິທຳ.
ໃນເວລາຕອບຄຳຖາມຂອງນັກຂ່າວ ໃນມື້ດຽວກັນ, ທ່ານນາງ ຮວາຊຸນອີງ, ໂຄສົກກະຊວງການຕ່າງປະເທດຈີນ ໄດ້ສະແດງຄວາມຊົມເຊີຍຕໍ່ພັກປະຊາຊົນກຳປູເຈຍທີ່ໄດ້ຮັບໄຊຊະນະໃນການເລືອກຕັ້ງທົ່ວໄປໃນຄັ້ງນີ້.
ທ່ານນາງ ຮວາຊຸນອີງ ກ່າວວ່າ: ໃນຫຼາຍປີມານີ້, ກຳປູເຈຍໄດ້ຮັບໝາກຜົນອັນໃຫຍ່ຫຼວງໃນການພັດທະນາປະເທດຕົນ. ຈີນສະໜັບສະໜູນກຳປູເຈຍເດີນໄປຕາມເສັ້ນທາງທີ່ສອດຄ່ອງກັບສະພາບຕົວຈິງຂອງປະເທດຕົນ, ຫວັງວ່າບຸກຄົນໃນວົງການຕ່າງໆຂອງກຳປູເຈຍຈົ່ງສືບຕໍ່ສຸມໃສ່ຄວາມໝັ້ນຄົງແລະການພັດທະນາຂອງປະເທດຕົນ.
