ທະນາຄານໂລກປ່ອຍເງິນກູ້ບໍ່ມີດອກເບ້ຍໃຫ້ແກ່ມຽນມາເພື່ອພັດທະນາພະລັງງານໄຟຟ້າ
(GMT+08:00) 2013-08-08 18:06:34 cri
ຕາມຂ່າວວາລະສານ "ສຽງຂອງມຽນມາ": ທະນາຄານໂລກຈະປ່ອຍເງິນກູ້ບໍ່ມີດອກເບ້ຍໃຫ້ແກ່ມຽນມາໃນໄລຍະແຕ່ວັນທີ 31 ກໍລະກົດ 2013 ຮອດວັນທີ 31 ກໍລະກົດ 2014, ເພື່ອຊ່ວຍເຫຼືອມຽນມາພັດທະນາພະລັງງານໄຟຟ້າ, ໂດຍມີກຳນົດໃຊ້ຄືນໄລຍະ 40 ປີ, ແລະສາມາດເລື່ອນເວລາໄດ້ 10 ປີຖ້າມີຄວາມຈຳເປັນ. ແຕ່ວ່າມຽນມາຍັງຕ້ອງຈ່າຍຄ່າບໍລິການ 0,75%.
ປັດຈຸບັນນີ້, ປະຊາຊົນມຽນມາຂາດເຂີນພະລັງງານໄຟຟ້າ 3/4, ຍ້ອນວ່າເຄື່ອງອຸປະກອນຕ່າງໆໃນໂຮງໄຟຟ້າທົ່ວໄປເກົ່າແກ່ເປ່ເພ, ອັດຕາສິ້ນເປືອງໃນການສົ່ງໄຟຟ້າມີເຖິງ 25%. ທະນາຄານໂລກຈະດຳເນີນການປະມູນຕໍ່ວິສາຫະກິດພາຍໃນແລະຕ່າງປະເທດມຽນມາຕາມລະບຽບທີ່ກ່ຽວຂ້ອງ, ເພື່ອຊ່ວຍເຫຼືອມຽນມາປັບປຸງເຄື່ອງອຸປະກອນຜະລິດໄຟຟ້າດ້ວຍແກັສທຳມະຊາດ ແລະ ແກ້ໄຂບັນຫາການສິ້ນເປືອງໃນການສົ່ງໄຟຟ້າ
