ລັດຖະສະພາບໄທຄົ້ນຄວ້າພິຈາລະນາແລະລົງມະຕິຮັບຮອງຮ່າງພະຣາຊະບັນຍັດອະໄພຍະໂທດວາລະທຳອິດ
(GMT+08:00) 2013-08-09 17:55:13 cri
ຕາມຂ່າວCRI: ວັນທີ8ສິງຫານີ້, ລັດຖະສະພາໄທໄດ້ດຳເນີນການລົງຄະແນນສຽງຮັບຮອງຄັ້ງທຳອິດຕໍ່ຮ່າງພະຣາຊະບັນຍັດອະໄພຍະໂທດ, ແຕ່ວ່າຕາມລະບຽບການການພິຈາລະນາຂອງລັດຖະສະພາໄທແລ້ວ, <ພະຣາຊະບັນຍັດອະໄພຍະໂທດ>ຕ້ອງໄດ້ຮັບການສະໜັບສະໜູນຈາກສະມາຊິກລັດຖະສະພາສ່ວນຫຼາຍໃນການພິຈາລະນາເຖິງ3ວາລະຂອງລັດຖະສະພາ, ຈຶ່ງກາຍເປັນກົດໝາຍຢ່າງເປັນທາງການໄດ້. ຄາດວ່າລະບຽບການທັງໝົດຈະດຳເນີນໄປຈົນຮອດທ້າຍປີນີ້.
ຫຼາຍມື້ມານີ້, ຮ່າງພະຣາຊະບັນຍັດອະໄພຍະໂທດສະບັບນີ້ໄດ້ພາໃຫ້ເກີດມີຄວາມວຸ້ນວາຍຢູ່ໄທ. ພັກຝ່າຍຄ້ານແລະອົງການຕໍ່ຕ້ານລັດຖະບານເຫັນ່ວາ, ຍັດຕິສະບັບນີ້ມີຜົນດີຕໍ່ທ່ານທັກສິນ ຊິນນະວັດ, ອະດີດນາຍົກລັດຖະມົນຕີໄທແລະຊ່ວຍໃຫ້ທ່ານທັກສິນ ຊິນນະວັດສາມາດກັບຄືນສູ່ໄທແລະລົບລ້າງຄວາມພິດຂອງທ່ານໄດ້, ສະນັ້ນຝ່າຍຄ້ານຈຶ່ງໄດ້ຈັດງານໂຮມຊຸມນຸມປະທ້ວງຕໍ່ລັດຖະບານຢູ່ດ້ານໜ້າຂອງລັດຖະສະພາ, ແລະມີການປະເຊີນໜ້າກັນກັບຕຳຫຼວດ.
ວັນທີ7ສິງຫານີ້, ງານໂຮມຊຸມນຸມປະທ້ວງຕໍ່ຕ້ານລັດຖະບານໄດ້ເຂົ້າສູ່ກະແສສູງສຸດ, ແຕ່ວ່າບໍ່ໄດ້ເກີດການປະທະກັນດ້ວຍກຳລັງຮຸນແຮງ, ແລະໃນທີ່ສຸດກໍ່ໄດ້ສະຫຼາຍຕົວໄປ. ວັນທີ8ສິງຫານີ້, ສະມາຊິກລັດຖະສະພາໄທໄດ້ດຳເນີນການຄົ້ນຄວ້າພິຈາລະນາໃນວາລະທຳອິດແລະຜ່ານຮັບຮອງຮ່າງພະຣາຊະບັນຍັດອະໄພຍະໂທດ. ແຕ່ອົງການຕໍ່ຕ້ານລັດຖະບານບໍ່ໄດ້ຈັດຕັ້ງກິດຈະກຳໂຮມຊຸມນຸມຂະໜາດໃຫຍ່ເທື່ອ.
ວັນທີ9ສິງຫານີ້, ເລຂາທິການຂອງສຳນັກງານນາຍົກລັດຖະມົນຕີໄທກ່າວວ່າ, ຍ້ອນວ່າປະຈຸບັນນີ້ສະຖານະການຢູ່ນະຄອນຫຼວງບາງກອກມີຄວາມໝັ້ນຄົງໂດຍພື້ນຖານ, ທ່ານນາງຍິ່ງລັກ ຊິນນະວັດ, ນາຍົກລັດຖະມົນຕີໄທຕົກລົງຍົກເລີກພາວະສຸກເສີນຂອງພະຣາຊະບັນຍັດຮັກສາຄວາມໝັ້ນຄົງພາຍໃນທີ່ປະຕິບັດຢູ່3ເຂດຂອງນະຄອນຫຼວງບາງກອກ.
ຫຼາຍມື້ມານີ້, ຮ່າງພະຣາຊະບັນຍັດອະໄພຍະໂທດສະບັບນີ້ໄດ້ພາໃຫ້ເກີດມີຄວາມວຸ້ນວາຍຢູ່ໄທ. ພັກຝ່າຍຄ້ານແລະອົງການຕໍ່ຕ້ານລັດຖະບານເຫັນ່ວາ, ຍັດຕິສະບັບນີ້ມີຜົນດີຕໍ່ທ່ານທັກສິນ ຊິນນະວັດ, ອະດີດນາຍົກລັດຖະມົນຕີໄທແລະຊ່ວຍໃຫ້ທ່ານທັກສິນ ຊິນນະວັດສາມາດກັບຄືນສູ່ໄທແລະລົບລ້າງຄວາມພິດຂອງທ່ານໄດ້, ສະນັ້ນຝ່າຍຄ້ານຈຶ່ງໄດ້ຈັດງານໂຮມຊຸມນຸມປະທ້ວງຕໍ່ລັດຖະບານຢູ່ດ້ານໜ້າຂອງລັດຖະສະພາ, ແລະມີການປະເຊີນໜ້າກັນກັບຕຳຫຼວດ.
ວັນທີ7ສິງຫານີ້, ງານໂຮມຊຸມນຸມປະທ້ວງຕໍ່ຕ້ານລັດຖະບານໄດ້ເຂົ້າສູ່ກະແສສູງສຸດ, ແຕ່ວ່າບໍ່ໄດ້ເກີດການປະທະກັນດ້ວຍກຳລັງຮຸນແຮງ, ແລະໃນທີ່ສຸດກໍ່ໄດ້ສະຫຼາຍຕົວໄປ. ວັນທີ8ສິງຫານີ້, ສະມາຊິກລັດຖະສະພາໄທໄດ້ດຳເນີນການຄົ້ນຄວ້າພິຈາລະນາໃນວາລະທຳອິດແລະຜ່ານຮັບຮອງຮ່າງພະຣາຊະບັນຍັດອະໄພຍະໂທດ. ແຕ່ອົງການຕໍ່ຕ້ານລັດຖະບານບໍ່ໄດ້ຈັດຕັ້ງກິດຈະກຳໂຮມຊຸມນຸມຂະໜາດໃຫຍ່ເທື່ອ.
ວັນທີ9ສິງຫານີ້, ເລຂາທິການຂອງສຳນັກງານນາຍົກລັດຖະມົນຕີໄທກ່າວວ່າ, ຍ້ອນວ່າປະຈຸບັນນີ້ສະຖານະການຢູ່ນະຄອນຫຼວງບາງກອກມີຄວາມໝັ້ນຄົງໂດຍພື້ນຖານ, ທ່ານນາງຍິ່ງລັກ ຊິນນະວັດ, ນາຍົກລັດຖະມົນຕີໄທຕົກລົງຍົກເລີກພາວະສຸກເສີນຂອງພະຣາຊະບັນຍັດຮັກສາຄວາມໝັ້ນຄົງພາຍໃນທີ່ປະຕິບັດຢູ່3ເຂດຂອງນະຄອນຫຼວງບາງກອກ.
