ນັກທ່ອງທ່ຽວທີ່ໄປທ່ຽວມາເລເຊຍໃນປີກາຍນີ້ມີເຖິງ 25 ລ້ານເທື່ອຄົນ ເຊິ່ງເປັນອັນດັບທີ10ຂອງໂລກ
ຕາມການລາຍງານຫລ້າສຸດຂອງອົງການທ່ອງທ່ຽວໂລກໃຫ້ຮູ້ວ່າ, ນັກທ່ອງທ່ຽວທີ່ໄປທ່ຽວມາເລເຊຍໃນປີກາຍນີ້ມີເຖິງ 25 ລ້ານເທື່ອຄົນ ເຊິ່ງເປັນອັນດັບທີ 10 ຂອງໂລກ
ໃນຈໍານວນ25 ລ້ານເທື່ອຄົນນັ້ນ, ມີ 18.5 ລ້ານຄົນແມ່ນມາຈາກສິງກະໂປ, ອິນໂດເນເຊຍ, ໄທ, ບລູໄນ ແລະຟິລິບບິນ ກວມ74% ຂອງຈໍານວນນັກທ່ອງທ່ຽວທັງໝົດ.
ຮອງປະທານຂອງສະມາຄົມຂະແໜງການທ່ອງທ່ຽວມາເລເຊຍກ່າວວ່າ, ນັກທ່ອງທ່ຽວທີ່ມາຈາກປະເທດອາຊຽນຍັງຈະສືບຕໍ່ເພີ່ມຫລາຍຂຶ້ນ. ການພັດທະນາແຂງແຮງດ້ານເສດຖະກິດແລະການເພີ່ມທະວີສາຍພົວພັນມິດຕະພາບລະຫວ່າງບັນດາປະເທດອາຊຽນ ຈະເປັນການຊຸກຍູ້ການແລກປ່ຽນການຮ່ວມມືເຊິ່ງກັນແລະກັນ ເຊິ່ງມີຜົນດີຕໍ່ການພັດທະນາຂອງຂະແໜງການທ່ອງທ່ຽວຈະຊຸກຍູ້ການແລກປ່ຽນເຊິ່ງກັນແລະກັນ ເຊິ່ງມີຜົນດີຕໍ່ການພັດທະນາຂອງຂະແໜງການທ່ອງທ່ຽວ
ທ່ານ ນາຈິບ ອັບດູນ ຣາຊັດ ນາຍົກລັກຖະມົນຕີມາເລເຊຍຮູ້ສຶກເພິ່ງພໍໃຈຕໍ່ການທ່ອງທ່ຽວຂອງມາເລເຊຍ ທີ່ຢູ່ໃນອັນດັບທີ 10 ຂອງໂລກ, ແລະໄດ້ປະກາດບົດລາຍງານຢູ່ເທິງອິນເຕີເນັດ ເພື່ອສະແດງຄວາມພູມໃຈຂອງຕົນເອງທີ່ເປັນພົນລະເມືອງຄົນໜຶ່ງຂອງມາເລເຊຍທີ່ເປັນປະເທດທີ່ສວຍງາມທັງມີການພັດທະນາຢ່າງວ່ອງໄວ.
ໃນລາຍຊື່ 10 ອັນດັບຂອງປະເທດທີ່ມີນັກທ່ອງທ່ຽວໄປທ່ຽວຫລາຍທີ່ສຸດກໍລວມມີ ປະເທດຝຣັ່ງ, ອາເມລິກາແລະຈີນເປັນອັນດັບທີ 2 ແລະອັນດັບທີ 3 ຕາມລໍາດັບ.
