ແຜ່ນດິນໄຫວຂະໜາດ 6.5 ລິກເຕີເກີດຂຶ້ນຢູ່ຕາມເຂດທະເລທີ່ໃກ້ກັບພາກຕາເວັນອອກຂອງອິນໂດເນເຊຍ
ຕອນເຊົ້າວັນທີ 12 ສິງຫານີ້, ເຂດທະເລທີ່ໃກ້ກັບແຂວງມາລູກູ ທີ່ຢູ່ພາກຕາເວັນອອກຂອງອິນໂດເນເຊຍໄດ້ເກີດແຜ່ນດິນໄຫວຂະໜາດ 6.5 ລິກເຕີເກີດຂຶ້ນ. ມາຮອດປັດຈຸບັນຍັງບໍ່ມີລາຍງານກ່ຽວກັບຄວາມເສຍຫາຍດ້ານຊີວິດແລະຊັບສິນຂອງປະຊາຊົນເທື່ອ,ອົງການທີ່ກ່ຽວຂ້ອງຍັງບໍ່ທັນປະກາດການເຕືອນໄພທາງດ້ານຄື້ນສຸນາມີເທື່ອ.
ເວັບໄຊຂອງກົມອຸຕຸນິຍົມ ອາກາດແລະຟີຊິກໜ່ວຍໂລກຂອງອິນໂດເນເຊຍສະແດງໃຫ້ເຫັນວ່າ ແຜ່ນດິນໄຫວດັ່ງກ່າວເກີດຂື້ນເມື່ອ 9 ໂມງ 53 ນາທີ ຕອນເຊົ້າວັນທີ 12 ສິງຫາ ຂອງເວລາທ້ອງຖິ່ນ ຫລື 8 ໂມງ 53 ນາທີ ວັນທີ 12 ຂອງເວລາປັກກິ່ງ, ຈຸດສູນກາງແຜ່ນດິນໄຫວຢູ່ເລິກລົງໄປໃຕ້ດິນ 121 ກິໂລແມັດ,ຈຸດສູນກາງແຜ່ນດິນໄຫວຫ່າງຈາກເມືອງມາລູກູທີ່ຢູ່ພາກຕາເວັນອອກສຽງໃຕ້ຂອງແຂວງມາລູກູ 155 ກິໂລແມັດ.
ແຫລ່ງຂ່າວຈາກກົມສໍາຫລວດທໍລະນີສາດຂອງອາເມລິກາລາຍງານວ່າ ແຜ່ນດິນໄຫວຄັ້ງນີ້ເປັນ ແຜ່ນດິນໄຫວຂະໜາດ 6.3 ລິກເຕີ,ຈຸດສູນກາງແຜ່ນດິນໄຫວຢູ່ເລິກລົງໄປໃຕ້ດິນ 97 ກິໂລແມັດ.
ອິນໂດເນເຊຍຕັ້ງຢູ່ເຂດແຜ່ນດິນໄຫວອ້ອມມະຫາສະໝຸດປາຊິຟິກ,ແຕ່ລະປີມີແຜ່ນດິນໄຫວເກີດຂຶ້ນຫລາຍພັນຄັ້ງ.
