ພູເຂົາໄຟໂລຂາທັນດາຂອງອິນໂດເນເຊຍລະເບີດຂຶ້ນຢ່າງຕໍ່ເນື່ອງ ປະຊາຊົນທ້ອງຖິ່ນຫລາຍພັນຄົນອົບພະຍົບໄປ
ວັນທີ 10 ສິງຫານີ້ຕາມເວລາທ້ອງຖິ່ນ, ພູເຂົາໄຟໂລຂາທັນດາທີ່ຢູ່ເກາະພາລູແຂວງນູຊາຕັງກະລາທາງພາກຕາເວັນອອກຂອງອິນໂດເນເຊຍໄດ້ລະເບີດຂຶ້ນ, ມາຮອດປັດຈຸບັນໄດ້ເຮັດໃຫ້ 6 ຄົນເສຍຊີວິດ. ວັນທີ 11 ສິງຫາ, ຂີ້ຝຸ່ນແລະໝອກຄວັນຂອງພູເຂົາໄຟດັ່ງກ່າວໄດ້ກະຈາຍຂຶ້ນໄປທ້ອງຟ້າສູງເຖິງ 600 ແມັດ. ມາຮອດວັນທີ 11 ສິງຫານີ້, ພູເຂົາໄຟດັ່ງກ່າວຍັງສືບຕໍ່ມີກ້ອນຫີນແລະໝອກຄວັນອອກມາ, ເຈົ້າໜ້າທີ່ ກູ້ໄພກໍາລັງທໍາຄວາມພະຍາຍາມເພື່ອໃຫ້ປະຊາຊົນຢູ່ເກາະພາລູອົບພະຍົບໄປ.
ເຈົ້າໜ້າທີ່ຮັບຜິດຊອບສູນກູ້ໄພຂອງທ້ອງຖິ່ນກ່າວວ່າ ເຈົ້າໜ້າທີ່ກູ້ໄພກໍາລັງທໍາຄວາມພະຍາຍາມເພື່ອຊ່ວຍປະຊາຊົນ 2000 ຄົນທີ່ຢູ່ບໍລິເວນໃກ້ຄຽງ 3 ກິໂລແມັດ. ເຈົ້າໜ້າທີ່ກູ້ໄພຜູ້ໜຶ່ງກ່າວວ່າ ວຽກງານກູ້ໄພມີຄວາມຫຍຸ້ງຍາກຫລາຍກວ່າເກົ່າຍ້ອນວ່າເສັ້ນທາງຖືກປົກດ້ວຍຂີ້ຝຸ່ນພູເຂົາໄຟ ແລະປະຊາຊົນຈໍານວນໜື່ງບໍ່ຢາກໜີຈາກເຮືອນຂອງເຂົາເຈົ້າ.
